Stade Vélodrome

in Wikipedia, die vrye ensiklopedie
Spring na: navigasie, soek
Vélodrome
Stade Vélodrome (Marseille).jpg
Vollenaam Stade Vélodrome
Ligging Marseille, Bouches-du-Rhône, Frankryk
Gebou 1937
Geopen Junie 1937
Renovasie 1984 en 1998
Eienaar Stad Marseille
Oppervlak Gras
Boukoste €285 miljoen
Argitek Henri Ploquin
Tuisveld van Olympique de Marseille
Kapasiteit
60 013
Stade Vélodrome se ingang

Die Stade Vélodrome is 'n sportstadion in Marseille, Frankryk met 60 031 sitplekke. Dit is die tuisveld van die voorste Franse sokkerspan, Olympique de Marseille, en het ook as 'n stadion vir die 1998 FIFA Wêreldbeker gedien. Dit is die grootste sokkerklubveld in Frankryk. Die stadion word ook heelwat deur die Franse rugbyspan gebruik.

Die rekordbywoning vir 'n klubwedstryd by die Stade Vélodrome was 58 897 vir 'n UEFA-bekerhalfeindstryd teen Newcastle United FC in 2004. Die stadion het ook diens gedoen in 1938 toe die Sokkerwêreldbeker se eindrondte in Frankryk gehou is. Die eerste wedstryd wat in die stadion gespeel is, was tussen Marseille en Turyn in 1937. Daar is planne om die kapasiteit na 80 000 te verhoog en 'n dak oor al vier pawiljoene te bou. Die planne is afhanklik van 'n hangende verkooptransaksie van die Sokkerklub. Die stadion is ook vir die Rugbywêreldbeker 2007 gebruik.

Die Franse rugbyspan het in die vroeë 2000s 'n indrukwekkende reeks oorwinnings in die stadion behaal. In November 2000 het hulle die All Blacks met 42-33 verslaan en in die jaar daarna het hulle Australië met een punt geklop. In 2002 is een wedstryd weer in die stadion gespeel, 'n oorwinning oor die Springbokke, wat gevolg is deur 'n oorwinning oor Engeland in 2003. Die geluklopie is in 2004 verbreek toe hulle 14-24 teen Argentinië verloor het.

Verwysings en Eksterne skakels[wysig | wysig bron]

Koördinate: 43°16′11.30″N 5°23′45.32″O / 43.2698056°N 5.3959222°O / 43.2698056; 5.3959222