Stade de France

in Wikipedia, die vrye ensiklopedie
Spring na: navigasie, soek
Stade de France
Saint-Denis
Finale Coupe de France 2010-2011 (Lille LOSC vs Paris SG PSG).jpg UEFA Nuvola apps mozilla.pngNuvola apps mozilla.pngNuvola apps mozilla.pngNuvola apps mozilla.png
Die Stade de France tydens die eindstryd van die Coupe de France 2010/11 tussen Lille OSC en Paris Saint-Germain
Ligging Saint-Denis, Frankryk
Koördinate 48°55′28″N 2°21′36″O / 48.92444°N 2.36000°O / 48.92444; 2.36000Koördinate: 48°55′28″N 2°21′36″O / 48.92444°N 2.36000°O / 48.92444; 2.36000
Eerste sooi gespit 2 Junie 1995
Gebou 1995
Geopen 28 Januarie 1998
Eienaar Franse staat
Operateur Consortium Stade de France (tot 2025)
Oppervlak Gras
Boukoste 364 miljoen €
Argitek Michel Macary
Aymeric Zubléna
Michel Regembal
Claude Constantini
Tuisveld van Frankryk (Sokker)
Frankryk (Rugby)
Stade Français (sommige wedstryde)
Racing Métro 92 (sommige wedstryde)
Kapasiteit
81 338 (rugby en sokker)
75 000 (atletiek)
90 000 (konserte)
Dimensies
119 m × 75 m
Die kerk Sacré-Cœur met die Stade de France in die agtergrond
Binnekant van die Stade de France

Die Stade de France (Frans: [stad də fʁɑ̃s], letterlik: "Stadion van Frankryk") is 'n sokker- en rugbystadion in Saint-Denis, Frankryk, net noord van Parys.

Dit het sitplek vir ongeveer 80 000 toeskouers en is die grootste stadion in Frankryk. Die stadion is ingehuldig op 28 Januarie 1998 met 'n sokkerwedstryd tussen Frankryk en Spanje. Die stadion, wat vir die FIFA Sokker-Wêreldbekertoernooi in 1998 gebou is, is ook ontwerp vir ander sportsoorte, soos rugby, atletiek, motorrenne asook konserte en ander groot opvoerings. Dit word deur die Franse rugbyspan tydens die Sesnasies-toernooi en ander internasionale wedstryde gebruik.

Die Franse sokkerspan gebruik die stadion ook vir byna alle vriendskaplike wedstryde en dit was in dié stadion dat die span Brasilië 3–0 geklop het in die eindstryd van die FIFA Sokker-Wêreldbekertoernooi in 1998. Parys se hoofrugbyklub, Stade Français, het in die afgelope aantal jare ook die stadion gereeld as tuisveld gebruik. Die Stade de France dien verder elke jaar as die terrein vir die Top-14 Franse binnelandse rugbykampioenskap, die Coupe de France-sokkerbekertoernooi en die Franse sokkerligabeker. Die Stade de France het die afgelope drie jaar as gasheer vir die Race of Champions opgetree. In 2007 is verskeie wedstryde van die Rugbywêreldbeker, insluitend die eindstryd wat deur die Springbokke teen Engeland met 15–6 gewen is, hier beslis. Die Stade de France het daarmee die eerste stadion in die wêrekd geword, wat beide 'n Sokker-Wêreldbekertoernooi-eindstryd en 'n Rugbywêreldbeker-eindstryd aangebied het.

Geskiedenis[wysig | wysig bron]

Die Stade de France kort nadat die eindstryd van die Rugbywêreldbeker 2007 gespeel is

Die Stade de France is gebruik vir Frankryk se grootste sportprestasie tot op hede, die 3–0 oorwinning oor Brasilië tydens die FIFA Sokkerwêreldbekertoernooi op 12 Julie 1998. Dit was die eerste keer dat Frankryk die Sokker-Wêreldbeker gewen het en die eerste keer in 20 jaar dat die gasheerland die toernooi gewen het. Die Top-16, die Franse rugbykampioenskap wat nou na die Top-14 verander is, se eindstryd wat tevore in Parc des Princes beslis is, is in 1998 permanent na die Stade de France verskuif. Die Paryse span Stade Français het USA Perpignan 34–7 in Mei van daardie jaar verslaan. Die jaar daarna is een van die Rugbywêreldbeker 1999-kwarteindwedstryde, waarvoor Wallis saam met Engeland, Frankryk, Ierland en Skotland die gasheer was, in die stadion gehou. In die wedstryd het die Springbokke Engeland met 44–21 verslaan. Daarbenewens is in die Stade de France verskeie wedstryde van die FIFA Sokker-Konfederasiebeker in 2003 en die Europese Sokkerkampioenskap 2016 aangebied, insluitend albei openings- en eindwedstryde.

Wedstryde[wysig | wysig bron]

FIFA Sokker-Wêreldbekertoernooi in 1998[wysig | wysig bron]

Hoofartikel: FIFA Sokker-Wêreldbekertoernooi in 1998.
Datum Tyd Span 1 Telling Span 2 Rondte Toeskouers
10 Junie 1998 17:30 Vlag van Brasilië Brasilië 2–1 Vlag van Skotland Skotland Groep A (opening) 80 000
13 Junie 1998 21:00 Vlag van Nederland Nederland 0–0 Vlag van België België Groep E 75 000
18 Junie 1998 21:00 Vlag van Frankryk Frankryk 4–0 Vlag van Saoedi-Arabië Saoedi-Arabië Groep C 80 000
23 Junie 1998 16:00 Vlag van Italië Italië 2–1 Vlag van Oostenryk Oostenryk Groep B 80 000
26 Junie 1998 21:00 Vlag van Roemenië Roemenië 1–1 Vlag van Tunisië Tunisië Groep G 77 000
28 Junie 1998 21:00 Vlag van Nigerië Nigerië 1–4 Vlag van Denemarke Denemarke Agtste eindrondte 77 000
3 Julie 1998 16:30 Vlag van Italië Italië 0–0 (3–4 straf.) Vlag van Frankryk Frankryk Kwarteindrondte 77 000
8 Julie 1998 21:00 Vlag van Frankryk Frankryk 2–1 Vlag van Kroasië Kroasië Halfeindrondte 76 000
12 Julie 1998 21:00 Vlag van Brasilië Brasilië 0–3 Vlag van Frankryk Frankryk Eindstryd 80 000

Rugbywêreldbeker 1999[wysig | wysig bron]

Hoofartikel: Rugbywêreldbeker 1999.
Datum Tyd Span 1 Telling Span 2 Rondte Toeskouers
24 Oktober 1999 14:00 Vlag van Suid-Afrika Suid-Afrika 44–21 Vlag van Engeland Engeland Kwarteindrondte 75 000

FIFA Sokker-Konfederasiebeker in 2003[wysig | wysig bron]

Hoofartikel: FIFA Sokker-Konfederasiebeker in 2003.
Datum Tyd Span 1 Telling Span 2 Rondte Toeskouers
18 Junie 2003 18:00 Vlag van Nieu-Seeland Nieu-Seeland 0–3 Vlag van Japan Japan Groep A (opening) 36 038
19 Junie 2003 21:00 Vlag van Brasilië Brasilië 0–1 Vlag van Kameroen Kameroen Groep B 46 719
21 Junie 2003 19:00 Vlag van Kameroen Kameroen 1–0 Vlag van Turkye Turkye Groep B 43 743
22 Junie 2003 21:00 Vlag van Frankryk Frankryk 5–0 Vlag van Nieu-Seeland Nieu-Seeland Groep A 36 842
26 Junie 2003 21:00 Vlag van Frankryk Frankryk 3–2 Vlag van Turkye Turkye Halfeindrondte 41 195
29 Junie 2003 21:00 Vlag van Kameroen Kameroen 0–1 (e.t.) Vlag van Frankryk Frankryk Eindstryd 51 985

Rugbywêreldbeker 2007[wysig | wysig bron]

Hoofartikel: Rugbywêreldbeker 2007.
Datum Tyd Span 1 Telling Span 2 Rondte Toeskouers
7 September 2007 21:00 Vlag van Frankryk Frankryk 12–17 Vlag van Argentinië Argentinië Groep D (opening) 79 312
14 September 2007 21:00 Vlag van Engeland Engeland 0–36 Vlag van Suid-Afrika Suid-Afrika Groep A 77 523
21 September 2007 21:00 Vlag van Frankryk Frankryk 25–3 Ierse Rugbyvoetbalunie-vlag  Ierland Groep D 80 267
7 Oktober 2007 21:00 Vlag van Argentinië Argentinië 19–13 Vlag van Skotland Skotland Kwarteindrondte 76 866
13 Oktober 2007 21:00 Vlag van Engeland Engeland 14–9 Vlag van Frankryk Frankryk Halfeindrondte 80 283
14 Oktober 2007 21:00 Vlag van Suid-Afrika Suid-Afrika 37–13 Vlag van Argentinië Argentinië Halfeindrondte 77 055
20 Oktober 2007 21:00 Vlag van Engeland Engeland 6–15 Vlag van Suid-Afrika Suid-Afrika Eindstryd 80 430

Europese Sokkerkampioenskap 2016[wysig | wysig bron]

Hoofartikel: Europese Sokkerkampioenskap 2016.
Datum Tyd Span 1 Telling Span 2 Rondte Toeskouers
10 Junie 2016 21:00 Vlag van Frankryk Frankryk 2–1 Vlag van Roemenië Roemenië Groep A (opening) 75 113
13 Junie 2016 18:00 Flag of Ireland Ierland 1–1 Vlag van Swede Swede Groep E 73 419
16 Junie 2016 21:00 Vlag van Duitsland Duitsland 0–0 Vlag van Pole Pole Groep C 73 648
22 Junie 2016 18:00 Vlag van Ysland Ysland 2–1 Vlag van Oostenryk Oostenryk Groep F 68 714
27 Junie 2016 18:00 Vlag van Italië Italië 2–0 Vlag van Spanje Spanje Agtste eindrondte 76 165
3 Julie 2016 21:00 Vlag van Frankryk Frankryk 5–2 Vlag van Ysland Ysland Kwarteindrondte 76 833
10 Julie 2016 21:00 Vlag van Portugal Portugal 1–0 (e.t.) Vlag van Frankryk Frankryk Eindstryd 75 868

Eksterne skakels[wysig | wysig bron]

Commons-logo.svg
Wikimedia Commons het meer media verwant aan: