Stade de France

in Wikipedia, die vrye ensiklopedie
Spring na: navigasie, soek
Stade de France
St. Denis
Finale Coupe de France 2010-2011 (Lille LOSC vs Paris SG PSG).jpg UEFA Nuvola apps mozilla.pngNuvola apps mozilla.pngNuvola apps mozilla.pngNuvola apps mozilla.pngNuvola apps mozilla.png
Vollenaam Stade De France
Ligging Saint-Denis, Frankryk
Gebou 1995
Geopen 1998
Eienaar Consortium Stade de France
Operateur Consortium Stade de France
Oppervlak Gras
Boukoste €285 miljoen
Argitek Michel Macary
Aymeric Zubléna
Michel Regembal
Claude Constantini
Tuisveld van
Frankryk (Sokker)
Frankryk (Rugby)
Stade Français (sommige wedstryde)
Kapasiteit
80 000
Dimensies
105 x 70 m

Die Stade de France is 'n sokker- en rugbystadion in Saint-Denis, Frankryk, noord van Parys.

Dit het sitplek vir ongeveer 80 000 toeskouers en is die grootste stadium in Frankryk. Die stadion is ingehuldig op 28 Januarie 1998 met 'n sokkerwedstryd tussen Frankryk en Spanje. Die stadion, wat vir die FIFA Sokker-Wêreldbekertoernooi in 1998 gebou is, is ook ontwerp vir ander sportsoorte, soos rugby, atletiek, motorrenne asook konserte en ander groot opvoerings. Dit word tans deur die Franse rugbyspan tydens die Ses-Nasiesreeks en ander internasionale wedstryde gebruik.

Die Franse sokkerspan gebruik die stadion ook vir byna alle vriendskaplike wedstryde en dit was in dié stadion dat die span Brasilië 3-0 geklop het in die eindstryd van die 1998 FIFA Wêreldbeker. Parys se hoofrugbyklub, Stade Français, het in die afgelope aantal jare ook die stadion gereeld as tuisveld gebruik. Stade de France dien verder elke jaar as die terrein vir die Top-14 Franse binnelandse rugbykampioenskap, die Coupe de France-sokkerbekertoernooi en die Franse sokkerligabeker. Stade de France het die afgelope drie jaar as gasheer vir die Race of Champions opgetree. In 2007 is verskeie van die Rugbywêreldbeker, insluitend die eindstryd, hier beslis.

Geskiedenis[wysig | wysig bron]

Die Stade de France is gebruik vir Frankryk se grootste sportprestasie tot op hede, die 3-0 oorwinning oor Brasilië in die FIFA Sokkerwêreldbekertoernooi op 12 Julie 1998. Dit was die eerste keer dat Frankryk die Wêreldbeker gewen het en die eerste keer in 20 jaar dat die gasheerland die toernooi gewen het. Die Top-16, die Franse rugbykampioenskap wat nou na die Top-14 verander is, se eindstryd wat tevore in Parc des Princes beslis is, is in 1998 permanent na Stade de France verskuif. Die Paryse span Stade Français het USA Perpignan 34-7 in Mei van daardie jaar verslaan. Die jaar daarna is een van die Rugbywêreldbeker 1999-kwarteindwedstryde, waarvoor Wallis die gasheer was, in die stadion gehou. In die wedstryd het die Springbokke Engeland met 44-21 verslaan.