Portugese nasionale rugbyspan

in Wikipedia, die vrye ensiklopedie
Jump to navigation Jump to search
Portugal
Flag of Portugal.svg
Unie Federação Portuguesa de Rugby
Bynaam(e) Os Lobos (Die wolwe)
Embleem Portugese skild
Stadion Estádio Universitário de Lisboa
Kapasiteit 8 000
Afrigter(s) Vlag van Frankryk Patrice Lagisquet
Kaptein(s) Francisco Pinto Magalhães
Spankleure


Alt. kleure

Statistiek
Meeste toetse Gonçalo Uva (101)
Vasco Uva (101)[1]
Meeste punte Gonçalo Malheiro (279)[2]
Meeste drieë António Aguilar (24)[3]
Eerste internasionale wedstryd
Vlag van Portugal Portugal 5–6 Spanje Vlag van Spanje
(Lissabon, Portugal; 13 April 1935)
Grootste oorwinning
Vlag van Tsjeggië Tsjeggië 0–93 Portugal Vlag van Portugal
(Caldas da Rainha, Portugal, 23 Maart 2019)
Grootste nederlaag
Vlag van Portugal Portugal 13–108 Nieu-Seeland Vlag van Nieu-Seeland
(Lyon, Frankryk; 15 September 2007)
Wêreldbeker
Verskynings 1/9 (Eerste in 2007)
Beste uitslag Laaste in poel 2007, een bonuspunt
Unie webwerf
www.fpr.pt

Die Portugese nasionale rugbyspan verteenwoordig Portugal in rugby en staan ook bekend as Os Lobos (Portugees vir: "die wolwe"). Hulle het in 1935 vir die eerste keer gespeel en neem deesdae deel in die Europese Nasiesbeker. Rugby in Portugal word bestuur deur die Federação Portuguesa de Rugby. Die Portugese rugbyspan is tans (2 Desember 2019) 24ste op Wêreldrugby se wêreldranglys gelys.[4] Portugal het in 2007 vir hulle eerste Rugbywêreldbeker gekwalifiseer. Hulle was in Poel C saam met Nieu-Seeland, Italië, Roemenië en Skotland, maar het op die laaste plek geëindig en net een bonuspunt behaal.

Portugese rugby het ongekende sukses die afgelope paar jaar ervaar. Hulle was die verassingspakket in die 2003/4 Europese Nasiesbeker en het uiteindelik as wenners geëindig en het daarop voortgebou deur volgehoue goeie prestasies alhoewel hulle slegs derde kon eindig in die toernooi van 2005/6. Die Wêreldrugby se Wêreldrugbysewesreeks het Portugese spelers in staat gestel om hul vaardighede ten toon te stel. In 2006/7 het Portugal vir die eerste keer aan elke Wêreldrugbysewesreeks deelgeneem. Hulle het hulself gevestig in die korter weergawe van die sport.

Aan die einde van 2012 het Portugal na Suid-Amerika gereis vir twee toetse teen Chili en Uruguay. Portugal het altwee van hierdie toetse gewen.

Geskiedenis[wysig | wysig bron]

Vroeë jare[wysig | wysig bron]

Portugal het sy eerste internasionale rugbyspeel in April 1935 teen Spanje gespeel, maar met een punt, 6–5, verloor.[verwysing benodig] Hulle het die volgende jaar weer teen Spanje gespeel en Spanje het die keer 16–9 gewen. Portugal het vanaf die middel-1960's meer gereelde toernooie gehad en kon sy eerste speel in 1966 wen, toe hulle Spanje 9–3 klop.[verwysing benodig] Portugal het in 1967 vir die eerste keer teen Italië gespeel, maar 6–3 verloor. Kort daarna het hulle ook hul eerste wedstryd teen Roemenië gehad en is met ’n verskil van 40 punte geklop. Portugal verslaan België in 1968, en het ook vir die eerste keer teen Marokko gespeel.

Die eerste wedstryd in die 1970's was ’n gelykop teen Nederland. Portugal kon in 1972 ’n gelykop teen Italië behaal (albei nul) en in 1973 hulle 9–6 verslaan. Na gemengde resultate gedurende die vroeë 1970's, kon Portugal tussen 1979 en 1981 vyf agtereenvolgende wedstryde wen. Hulle het teen Marokko gespeel, wat die ontmoeting kon wen. Na ’n gelykop teen Spanje in 1983, kon Portugal tussen 1984 en 1985 ’n wenreeks van sewe wedstryde aanteken, insluitende oorwinnings oor België, Denemarke, Marokko, Tsjeggo-Slowakye, Pole en Zimbabwe. Die eerste rugbywêreldbekertoernooi is in 1987 aangebied, maar omdat die deelnemende spanne genooi is, was daar geen kwalifisering nie en Portugal kon nie daaraan deelneem nie.

1990's[wysig | wysig bron]

Vanaf 1989 tot 1990 is die kwalifisering vir die Rugbywêreldbeker 1991 tussen die Europese spanne beslis. Portugal het in Oktober 1989 in rondte 2b begin. Hulle kon Tsjeggo-Slowakye 15–13 in Ricant klop en sodoende tot rondte 2c vorder. Hulle is egter deur Nederland 32–3 verslaan en dus uit die kwalifisering uitgeskakel.

Portugal het weer aan die kwalifisering vir die Rugbywêreldbeker 1995 tussen die Europese spanne deelgeneem, en in rondte een begin. Hulle is in die westelike groep geloot eb kon België en Switserland klop, maar het teen Spanje verloor en rondte 2 bereik. Hier is hulle deur Wallis en Spanje verslaan.

Portugal het sy kwalifisering vir die play Rugbywêreldbeker 1999 in Poel 3 van rondte B begin. Portugal kon al sy poelwedstryde, behalwe vir dié teen Spanje, wen, en kon as naaswenner van hul poel eindig, waardeur hulle tot Poel 3 van rondte C gevorder het. Al die wedstryde is in Edinburg, Skotland, aangebied. Portugal het 85–11 teen Skotland en 21–17 teen Spanje verloor. Beide Skotland en Spanje kon vir die Rugbywêreldbeker 1999 kwalifiseer; Portugal het die uitspeelrondte beslis, maar die tuis- en wegwedstryd teen Uruguay verloor.

2000's[wysig | wysig bron]

In 2002 het Portugal die kwalifisering vir die Rugbywêreldbeker 2003 in Poel A van rondte 3 begin. Hulle is in een poel met Spanje en Pole geloot. Elke nasie kon een wedstryd wen, en Portugal het as naaswenner na Spanje geëindig. Portugal is egter uit die kompetisie uitgesluit. In 2003–04 kon Portugal die Europese Nasiesbeker wen, nadat hulle net een wedstryd in hul eerste kampioenskap verloor het. In 2004 is Tomaz Morais, afrigter van die Portugese nasionale span vir beide rugbyunie en sewesrugby, vir die IRR se afrigter van die jaar genomineer. Dit is ’n merkwaardige prestasie vir ’n afrigter van ’n Vlak 3-rugbynasie. Portugal se vordering gedurende die onlangse jare word veral aan Morais toegeskryf.

In 2006 is aangekondig dat Portugal ’n toelae van die IRR sal verkry om hul rugby tot Vlak 2-standaard te verbeter. Min details is tot dusver bekend gemaak hoe die geld bestee is, maar daar is gehoop dat dit Portugal se vordering tot die volgende vlak sal verseker. In 2006 is die eerste IRR Nasiesbeker in Lissabon aangebied. Aan die toernooi het Portugal, Rusland, Argentinië A en Italië A deelgeneem. Daar is verwag dat dit ’n jaarlikse toernooi sal wees en ’n verdere geleentheid waardeur die Portugese nasionale rugbyspan sy vaardighede kan verbeter.

Rugbywêreldbeker 2007[wysig | wysig bron]

Portugal speel teen Italië tydens die Rugbywêreldbeker 2007 in Frankryk
Die Nieu-Seelandse haka teen Portugal in Lyon, Frankryk, tydens die Rugbywêreldbeker 2007

Portugal het sy kwalifiseringveldtog vir die Rugbywêreldbeker 2007 in 2004 as deel van die 2004–06-Europese Nasiesbeker se divisie 1 begin. Hulle het hul eerste wedstryd gewen en Oekraïne 36–6 verslaan. Hulle het toe Georgië in die tweede wedstryd 18–14 verslaan, en kon vervolgens Tsjeggië en Rusland klop, maar het toe teen Roemenië verloor. Portugal eindig met Rusland 19-elk gelykop, en het toe teen Georgië verloor. Na ’n nederlaag teen Roemenië en ’n oorwinning oor Tsjeggië, het Portugal derde in die tabel geëindig en tot rondte 5 gevorder.

Rondte 5 is in Oktober 2006 as ’n reeks van drie wedstryde tussen Italië, Rusland en Portugal uitgespeel. Beide Portugal en Russia moes swaar nederlae teen Italië toelaat, wat maklik tot die eindrondte kon vorder. Die tweede plek is in die laaste wedstryd van die rondte in Lissabon uitgespeel. Portugal kon die wedstryd 26–23 teen Rusland beklink en tot rondte 6 vorder. Rondte 6 was ’n reeks van tuis en weg teen die rondte 5 Poel B-wenner, Georgië. Portugal het die eerste wedstryd verloor, maar ’n 11-elk gelykop in die tweede wedstryd behaal. Georgië het tot die eindrondte gevorder en Portugal het in die uitspeelwedstryd verskyn, waar hulle Marokko 26–20 algeheel kon klop.

Portugal het toe teen Uruguay vir die laaste plek in die eindrondte te staan gekom. In die eerste wedstryd kon Portugal 12–5 wen. In die tweede wedstryd in Montevideo het Portugal 18–12 verloor. Portugal kon die reeks egter algeheel 24–23 wen, en sodoende vir hul eerste rugbywêreldbekertoernooi kwalifiseer. Nadat hulle vir hul eerste rugbywêreldbekertoernooi kon kwalifiseer, is verskeie spelers weens hul onderonsie met die plaaslike polisie tydens die daaropvolgende vieringe in hegtenis geneem.[verwysing benodig] Geen klagtes is ingedien nie en die betrokke spelers kon Uruguay verlaat.

Tydens die Rugbywêreldbeker 2007 is Portugal in Poel C, saam met die gunsteling die All Blacks, Italië, Roemenië en Skotland geloot. Portugal se hoogtepunte sluit hul voorkoming van ’n bonuspunt vir Italië, ’n drie teen die All Blacks, en hul poging om Roemenië na ’n drie te verslaan, voordat hulle 14–10 verloor het. Hulle kon ook daarin slaag om in al vier wedstryde punte aan te teken. Die Portugese span is vir hul toewyding en passie, en ook omdat hulle die enigste amateurspan was wat die rugbywêreldbekertoernooi gemaak het, gevier.

2008–hede[wysig | wysig bron]

Pole teen Portugal op 24 Maart 2018, Łódź, Pole
Spanje speel teen Portugal op 16 Maart 2013 in Santiago de Compostela, Spanje

Na die Rugbywêreldbeker het Portugal verskeie moeilikhede in die gesig gestaar, insluitend die afdanking van verskeie sleutelspelers soos Joaquim Ferreira, Paulo Murinello en Rui Cordeiro; in die volgende Europese Nasiesbeker kon hulle net een oorwinning oor Tsjeggië aanteken en die vyfde plek behaal, hul ergste resultaat sedert 2002.

Op 1 November 2008 het hulle tuis teen Kanada 21–13 in ’n vriendskaplike wedstryd verloor.[5] Tomás Morais, wat die komende uitgawe van die Sesnasies B, wat ook as kwalifisering vir die Rugbywêreldbeker 2011 gedien het, het die Nieu-Seelander Murray Henderson as hulpafrigter aangewys.

Portugal het sy tweede verskyning by ’n rugbywêreldbekertoernooi misgeloop, ná twee verrassende nederlae tuis met Georgië (10–16) en Roemenië (9–20), nadat Portugal voorheen die "Lobos" met 22–21 in die buiteland kon verslaan. Portugal het dus die derde plek misgeloop, waardeur hulle nie vir die Rugbywêreldbeker 2011 kon kwalifiseer nie.

Tomaz Morais is in Oktober 2010 deur die Nieu-Seelandse afrigter Errol Brain vervang; laasgenoemde het ’n kontrak van drie jaar onderteken. Hy het gemengde resultate gehad, nadat hy met sterk vertonings begin, maar met teleurstellende resultate geëindig het. Hy is in Oktober 2013 deur Frederico Sousa vervang.

Portugal het teen Duitsland in die 2015-'16 Europese Nasiesbeker se afdeling 1A verloor, en laaste geëindig, wat hul relegasie die volgende jaar tot gevolg gehad het.

Portugal het in onlangse jare versuim om vir die Rugbywêreldbeker 2015 en Rugbywêreldbeker 2019 te kwalifiseer.

Rekords[wysig | wysig bron]

Algehele rekord[wysig | wysig bron]

Portugal se plek op Wêreldrugby se ranglys vanaf 10 Oktober 2003 tot op hede

Portugal het teen 2 Desember 2019 104 van hulle 264 toetswedstryde gewen, ’n wenrekord van 39,39%.[6]

Portugal se toetsrekord teen alle lande: (Korrek op 2 Desember 2019)[6]

Teen Gespeel Gewen Verloor Gelykop % Gewen
Vlag van Andorra Andorra 3 3 0 0 100
Vlag van Argentinië Argentinië XV 4 1 3 0 25
Vlag van België België 14 9 3 2 64,29
Vlag van Brasilië Brasilië 4 2 0 2 50
 Britse Barbarians 1 0 1 0 0
Vlag van Chili Chili 4 4 0 0 100
Vlag van Denemarke Denemarke 2 2 0 0 100
Vlag van Duitsland Duitsland 9 6 3 0 66,67
Vlag van Engeland Engeland Saxons 1 0 1 0 0
Vlag van Fidji Fidji 2 0 2 0 0
Vlag van Frankryk Frankryk A 3 0 3 0 0
Vlag van Georgië Georgië 20 4 14 2 20
Vlag van Hongkong Hongkong 1 0 1 0 0
Vlag van Italië Italië 12 1 10 1 8,33
Vlag van Italië Italië A 2 0 1 1 0
Vlag van Japan Japan XV 1 0 1 0 0
Vlag van Joego-Slawië Joego-Slawië 3 2 0 1 66,67
Vlag van Kanada Kanada 4 0 4 0 0
Vlag van Kenia Kenia 1 0 1 0 0
Vlag van Litaue Litaue 1 1 0 0 100
Vlag van Marokko Marokko 14 7 5 2 50
Vlag van Moldowa Moldowa 2 2 0 0 100
Vlag van Namibië Namibië 8 2 6 0 25,00
Vlag van Nederland Nederland 15 11 3 1 76,66
Vlag van Nieu-Seeland Nieu-Seeland 1 0 1 0 0
Vlag van Oekraïne Oekraïne 5 4 1 0 80
Vlag van Pole Pole 10 7 3 0 70
Vlag van Roemenië Roemenië 24 3 21 0 12,5
Vlag van Rusland Rusland 19 5 13 1 26,32
Vlag van Skotland Skotland 1 0 1 0 0
Vlag van Skotland Skotland A 1 0 1 0 0
Vlag van Sowjetunie Sowjetunie 2 0 2 0 0
Vlag van Spanje Spanje 36 10 24 2 27,78
Vlag van Suid-Afrika Suid-Afrika Amateure 1 0 1 0 0
Vlag van Swede Swede 2 2 0 0 100
Vlag van Switserland Switserland 7 7 0 0 100
Vlag van Tonga Tonga 1 0 1 0 0
Vlag van Tsjeggië Tsjeggië 12 12 0 0 100
Vlag van Tsjeggo-Slowakye Tsjeggo-Slowakye 2 2 0 0 100
Vlag van Tunisië Tunisië 9 3 6 0 33,33
Vlag van Uruguay Uruguay 10 3 7 0 30
Vlag van Verenigde State van Amerika Verenigde State 2 0 2 0 0
Vlag van Wallis Wallis 1 0 1 0 0
Vlag van Wes-Duitsland Wes-Duitsland 3 1 2 0 33,33
Vlag van Zimbabwe Zimbabwe 4 2 2 0 50
Totaal 264 104 147 13 39,39

Wêreldbekerrekord[wysig | wysig bron]

Jaar Uitslag
1987 Nie genooi nie
1991 Nie gekwalifiseer nie
1995 Nie gekwalifiseer nie
1999 Nie gekwalifiseer nie
2003 Nie gekwalifiseer nie
2007 Poelfase
2011 Nie gekwalifiseer nie
2015 Nie gekwalifiseer nie
2019 Nie gekwalifiseer nie
2023 N.v.t.

Verwysings[wysig | wysig bron]

  1. (en) "Most matches". ESPNscrum. Besoek op 2 Desember 2019.
  2. (en) "Most points". ESPNscrum. Besoek op 2 Desember 2019.
  3. (en) "Most tries". ESPNscrum. Besoek op 2 Desember 2019.
  4. (en) "World Rugby Rankings". Wêreldrugby. Besoek op 2 Desember 2019.
  5. (en) "Pritchard seals win". wn.com. 3 November 2008. Besoek op 2 Desember 2019.
  6. 6,0 6,1 (en) "International Rugby Union Statistics – Portugal". ESPNscrum. Besoek op 2 Desember 2019.

Eksterne skakels[wysig | wysig bron]