The Goop Lab

in Wikipedia, die vrye ensiklopedie
Jump to navigation Jump to search

Star of life caution.svg

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.
The Goop Lab
The Goop Lab.jpg
Genre Dokumentêre reeks
Aangebied deur * Gwyneth Paltrow
* Elise Loehnen
Aantal seisoene 1
Aantal episodes 6
Produksie
Uitvoerende vervaardiger(s) * Gwyneth Paltrow
* Elise Loehnen
* Andrew Fried
* Shauna Minoprio
* Dane Lillegard
Looptydperk 30 minute
Produksiemaatskappy Boardwalk Pictures
Uitsending
Oorspronklike kanaal Netflix
Oorspronklike lopie 24 Januarie 2020; 17 maande gelede (2020-01-24)
Webskakels
Amptelike webwerf

The Goop Lab (ook bekend as The Goop Lab with Gwyneth Paltrow) is 'n Amerikaanse dokumentêre reeks oor die leefstyl- en welstandsonderneming Goop, gestig deur die Amerikaanse aktrise Gwyneth Paltrow. Die reeks is op 24 Januarie 2020 op Netflix gepubliseer.

Die vennootskap met Netflix het gelei tot kritiek teen die stroomingsdiens omdat dit aan Gwyneth Paltrow 'n platform gegee het om haar maatskappy te bevorder, wat gekritiseer is weens die beweerde ongegronde gesondheidseise. Verskeie kritici het gesê dat dit 'n "oorwinning vir pseudowetenskap" was. Na die vrystelling van die eerste voorskou, en weer nadat die volledige reeks van ses episodes beskikbaar was, het die reeks aansienlike kritiek ontvang op die mediese en wetenskaplike waninligting wat dit aangebied het.

Uitgangspunt[wysig | wysig bron]

The Goop Lab bevorder Gwyneth Paltrow se welstand- en leefstylbesigheid, Goop. Episodes dek pseudowetenskappe soos onderwerpe in energiegenesing, die gebruik van hallusinogene, koue-terapie, lewensverlenging, om met die dooies te praat, en vroulike seksualiteit.[1][2][3] Voor elke aflevering word 'n vrywaring aangebied waarin hulle verklaar "Die volgende reeks is bedoel om te vermaak en in kennis te stel - nie mediese advies te bied nie."[4]

Episodes[wysig | wysig bron]

Die reeks bestaan ​​uit ses episodes:

  1. Die genesende reis
  2. Koue gemak
  3. Die plesier is ons s'n
  4. Die gesondheidspan-plan
  5. Die energie-ervaring
  6. Is jy intuïtief? (in Engels was hierdie titel, "Are you intuit?" 'n woordspeling op die frase "Are you in to it?" dws. is jy lus daarvoor?)

Produksie[wysig | wysig bron]

In Februarie 2019 is aangekondig dat Netflix 'n reeks, van ses dele wat Goop tentoonstel, aanvaar het.[1] Op 6 Januarie 2020 het Netflix die eerste voorskou vrygestel en aangekondig dat die reeks vrygestel sou word op 24 Januarie 2020.[5]

Die reeks se uitvoerende vervaardigers is Paltrow, Elise Loehnen, Andrew Fried, Shauna Minoprio en Dane Lillegard namens Boardwalk Pictures.[5][6]

Ontvangs[wysig | wysig bron]

Die aankondiging dat Goop 'n vennootskap met Netflix gehad het, het gelei tot kritiek van Netflix omdat dit Gwyneth Paltrow 'n platform gegee het om Goop te bevorder en die maatskappy is gekritiseer want dit het onbevoegde, ongegronde aansprake gemaak oor die doeltreffendheid van die gesondheidsbehandelings en -produkte wat dit bevorder. Kritici het aangevoer dat die toestaan van Goop se toegang tot Netflix se platform 'n "oorwinning vir pseudowetenskap" is.[7][8][9][10]

Voorskouontvangs[wysig | wysig bron]

Na die vrystelling van die eerste voorskou van die reeks, was die reaksie van Goop-waarnemers, waaronder wetenskaplikes en getuienisgebaseerde kritici, "vinnig en woedend":[11]

  • Die nuus en opinie webwerf Vox het berig dat sodra die promosie vir The Goop Lab begin is, het kritici na sosiale media gegaan "om die aktrise wat 'n 'welstand-guru' geword het te bespot en te waarsku oor die gevaar van haar pseudowetenskaplike benadering." Vox het geskryf dat "Goop aktief verontwaardiging uit die 'bewysgebaseerde kamp' bemoedig het. Daar is selfs tekens dat dit goed is vir haar besigheid." Vox het opgemerk dat The New York Times hierdie taktiek voorheen opgemerk het toe dit berig het dat die kulturele vuurstorms oor "twyfelagtige vaginale instandhoudingsroetines of detoksterapieë die verkeer na die webwerf getrek het." Paltrow het aan 'n Harvard-sakeklas gesê 'Ek kan geld verdien uit daardie oogballe.' ... Haar welstand-ryk floreer deels op kontroversie, selfs al beteken dit dat die publiek in die proses mislei word oor gesondheid."[11]
  • Die nie-winsgewende media afsetpunte, wat nuusberigte publiseer wat geskryf is deur akademici en navorsers, genaamd The Conversation het geskryf dat die reeks "'n advertensie is vir haar pseudowetenskap-onderneming", en "die terugslag deur professionele mense in die gesondheidsorg en wetenskaplike advokate was onmiddellik en wydverspreid ... die voorskou is klassieke Goop: 'n Paar stukkies goeie inligting wat aangebied word saam met onwetenskaplike, onbewese, potensieel skadelike terapieë ... deur die blote bestaan ​​van die reeks sal Paltrow en Goop die handelsmerk kan opbou "[12]
  • David Gorski ('n Amerikaanse chirurgiese onkoloog) het in sy webjoernaal Respectful Insolence berig dat die vertoning "kwaksalwers verkoop onder die dekmantel van 'vroulike bemagtiging'" en dat "dit waar is dat vroue te gereeld geïgnoreer is deur medisyne, wat tot onlangs (en nog steeds in 'n groot mate) patriargaal was en afkeurend van vroue se kommer. Dit is egter nie 'bemagtiging' om die ontevredenheid oor die manier waarop medisyne vroue in die verlede behandel het te gebruik as 'n manier om kwaksalwery, pseudowetenskap, en reguit beesmis te verkoop nie. The Goop Lab is net die nuutste bemarkingsinstrument in Goop se arsenaal om dit te doen."[13]
  • Die Huffington Post, 'n Amerikaanse nuus- en meningswebwerf en webjoernaal, het die voorskou beoordeel in 'n artikel "Gwyneth Paltrow bring slegte gesondheidsadvies na Netflix met The Goop Lab", en kom tot die gevolgtrekking dat "Mense behoort Paltrow se nuwe reeks met 'n swaar dosis ongeloof te benader en kry regte gesondheidsadvies van hul dokter. As ons iets geleer het uit die leefstylhandelsmerk se 'welstandsinligting', is dat dit meestal net 'n klomp 'goop-bokkies' is."[14]
  • Timothy Caulfield, Kanadese professor in die regte, het gewaarsku dat die program se voornemens is om onbeproefde produkte en terapieë te regverdig, 'n duidelike botsing van belange omdat Paltrow wins uit die verkoop van sulke produkte op haar Goop-webwerf en in winkels behaal het. Hy wys daarop dat die formaat van die reeks 'n goeie voorbeeld is van die alternatiewe gesondheidsbedryf wat dit op twee maniere probeer doen: om te sê hul terapieë is buite die wetenskap en kan nie aan die gewone standaarde van bewyse gehou word nie, terwyl hulle voorgee dat hulle 'n soort wetenskaplike geloofwaardigheid het deur mense te gebruik wat as kundiges optree.[15]
  • Showbiz Cheatsheet, 'n webwerf wat oor die vertoonbesigheid en verwante nywerhede skryf, het 'n artikel gepubliseer genaamd "The Goop Lab is nie die eerste keer dat Netflix jou gedwing het om te betaal vir gevaarlike opinies nie", wat lui: "Netflix-dokumentêre films het 'n suksesvolle nismark vir die platform geword, maar omdat hulle ware lewensverhale aanpak, moet waarskuwings waarskynlik op die skerm geplaas word. Dit geld ook vir gesondheidsdokumentêre reekse, insluitend die kontroversiële en opkomende The Goop Lab wat baie mense beskou as net reklame vir Gwyneth Paltrow se Goop."[16]
  • Patheos, 'n aanlyn mediamaatskappy wat inligting en kommentaar lewer vanuit verskillende godsdienstige en nie-godsdienstige perspektiewe, het 'n artikel gepubliseer genaamd "Gwyneth Paltrow se The Goop Lab is onwetenskaplike vullis. Dan word dit erger" wat sê dat "Die belofte van 'n vinnige oplossing vir 'n komplekse probleem is aanloklik, en Goop is bekend daarvoor dat dit geld daaruit verdien. Dit is wat hulle doen in hierdie advertensie wat ontwerp is om soos 'n TV-reeks te lyk. Netflix behoord skaam te wees oor die bevordering van hierdie skadelike onsin. Om 'n paar oogballe en intekeninge te ontvang, is blykbaar die koste werd vir al die skade wat die reeks aan openbare gesondheid sal doen as kykers iets hiervan ernstig opneem."[17]

Reeksontvangs[wysig | wysig bron]

Nadat die volledige reeks met 6 episodes beskikbaar gestel is, is talle resensies oor die hele wêreld gepubliseer:

  • Simon Stevens, uitvoerende hoof van die nasionale gesondheidsdiens (NHS) in Engeland, noem die reeks 'n "aansienlike gesondheidsrisiko" vir die publiek en sê dat die reeks "probeer psigiese vampierafweermiddels verkoop, sê chemiese sonskerm is 'n slegte idee, en bevorder kolonbesproeiing en "doen-dit-jouself"-Koffie-klysma-masjiene, alhoewel die gesondheidsrisiko daarvan aansienlik is."[18]
  • The Atlantic, 'n Amerikaanse tydskrif, het die reeks geklassifiseer as "'n ses-episode lange advertensie vir Goop" en tot die gevolgtrekking gekom dat dit "diep ongemaklik is om daarna te kyk."[19]
  • Bloomberg, 'n bedryfsnuusagentskap, se Polly Mosendz noem die reeks "'n drie-uur lange pseudowetenskap-marathon", "'n advertensie om produkte te verkoop en die bywoning van Goop se konferensies 'n hupstoot te gee." Sy noem die gereelde kritikus van Paltrow, Jennifer Gunter ('n Kanadese-gebore ginekoloog) en sê: "Mediese idees moet bestudeer word voordat mense dit as 'n opsie aangebied word." en voeg by: "In 'n land waar inentingsyfers daal en noodgevalle in openbare gesondheid toenemend voorkom, die entoesiastiese aanbieding van ongetoetste teorieë aan miljoene kykers is onverantwoordelik, selfs as Goop beweer dat dit net 'n nuuskierigheid vul."[20]
  • Die webwerf Fashionista berig dat "Goop gereeld gekritiseer is omdat hulle slangolie verkoop" en ook duur behandelings wat gerugsteun word deur min (tot geen) wetenskap aanbeveel het, en dat die werklikheid moeilik is om te ontslaan ... Aan die ander kant is daar iets wat gesê kan word vir die geweldige sukses van die nou massiewe onderneming; Goop word nou gewaardeer op 'n gerapporteerde $250 miljoen. Paltrow het gebruik gemaak van iets wat diep resoneer met mense."[21]
  • Die nuus en opinie webwerf Vox, wat die vertoning vroeër op grond van sy voorskou beoordeel het, het gesê dat "toe ons na die werklike program gekyk het, het ons gevind dat dit, oor die algemeen, minder woelig is as wat die voorskou voorgestel het - sommige episodes was heeltemal vervelig (soos die "Die gesondheidspan-plan" wat handel oor dieet vir 'n langer lewe, terwyl ander nuttige gesondheidsboodskappe bevat (soos om jou liggaam te versorg en lief te hê) ... Ja, daar was ontgiftings, energie-genesers, en smousings van ander kwaksalvery - maar wat meer gevaarlike eise kon gewees het is afgewater en met talle waarskuwings voorgelê om jou dokter te konsulteer." Daar is tot die gevolgtrekking gekom dat die reeks "daarop wys dat groot lewenstylveranderinge wat met jou gesondheid verband hou, in oorleg met 'n dokter of 'n klinikus gedoen moet word. Maar die algemene implikasie is dat jou dokter jou waarskynlik nie soveel sal help as 'n alternatiewe geneser, wie die waarheid oor gesondheid ken, nie... Die alternatiewe behandelings wat Goop vier, moet met 'n meer skeptiese oog bekyk word."[22]
  • Ars Technica, 'n Condé Nast-publikasie, het die reeks oor wetenskaplike inhoud sowel as die algemene gehalte daarvan beoordeel. Dit lewer kommentaar op die besonderhede in verskeie episodes, gee waarskuwings oor bederfies en kom tot die gevolgtrekking dat "die reeks 'n platform bied vir pseudowetenskap, brabbeltaal en onbewese gesondheidseise van die slang-olieverkopers. Dit is 'n platform waarop gerespekteerde, opgeleide mediese kundiges nie beskou word as die owerhede oor gesondheids- en mediese onderwerpe nie; waar logika en kritiese denke vyande is van openhartigheid; waar anekdotes oor ongedefinieerde gesondheidsverbeterings as bewys beskou word vir spesifieke aansprake op mediese behandeling; waar die subjektiewe ervarings van enkele individue gelyk is aan die resultate van gerandomiseerde, gekontroleerde kliniese toetse; en waar bevordering van onbewese, potensieel gevaarlike gesondheidseise 'n manier is om vroue te bemagtig. Maar bo alles is die reeks net vervelig."[23]
  • Die tydskrif Variety berig dat "Daar 'n rede is dat slangolie suksesvol was lank voordat Paltrow dit ontdek het: Slymerige dinge blink ook... Paltrow is 'n bedwingende gasheer - sy gee nie te veel nie van haarself weg nie, en stop altyd met 'n suiwer onderskrywing van enige onderwerp, selfs as sy dit lug gee - op 'n sorgvuldig gestruktureerde, elegant gebou, kompulsief aanskoulike vertoning oor hoofsaaklik volledige nonsies. Geen wonder dat sy mense so mal maak nie, en jammer, maar om kwaad te raak oor iemand wat daarop aandring dat sy net probeer om dinge uit te werk soos jy doen, is die minste effektiewe taktiek wat beskikbaar is. Paltrow is dalk nog op haar soeke. Maar sy het 'n paar dinge wat heeltemal uitgepluis is."[24]
  • Die tydskrif Entertainment Weekly beskryf die reeks as "óf onverwags ontroerend of moreel walglik", en beskryf dit as "'n uitbreiding van Paltrow se 'leefstylmerk' [met] oomblikke van menslikheid, maar speel in die algemeen soos 'n gedugte self-satire". Miskien verbasend dat die "ses episodes opmerklik sonder produkplasing was." Ten opsigte van 'n episode waarop 'n psigiese verhoogskunstenaar bevorder word, lui die artikel "Die toewyding van 'n dromerige halfuur aan daardie pseudowetenskap wat vir 'hartseer-aas' gebruik word is moreel walglik. En dat die 'eer van ons eie waarheid'-slagspreuk die slegste moontlike boodskap is om in donker dae aan 'teen-bewys-faux-kundighede' te stuur. Is ek te hard op 'n reeks wat slegs bedoel is om te 'vermaak' en 'inligting' te gee ...? Maak dit dan nie saak dat The Goop Lab skaars beide ook doen nie?"[25]
  • Jonathan Jarry van McGill Universiteit se Kantoor vir Wetenskap en Samelewing in Kanada, kritiseer die reeks omdat dit anekdote gebruik het in plaas van bewyse en verwar wetenskaplike en pseudowetenskaplike behandelings. Hy het gesê: "Deur alle vorme van bewyse en kersie pluk wat mense goed laat voel gelyk te stel, dryf die Goop-bemanning die kyker verder as net openhartigheid en direk tot geloofwaardigheid."[26]
  • Lucy Mangan van The Guardian het dit een ster gegee. Mangan, wat Paltrow se basiese begrip van die anatomie bevraagteken, het gesê: "Dit lyk asof Gwyneth Paltrow nie weet wat 'n vagina is nie." Sy het ook gesê dat die reeks "die kultus van die individu is wat tot sy logiese gevolgtrekking gevat is. Dit is die hoogtepunt en die laagstepunt van die afgesterwe westerse kapitalisme", en dat die "moontlike skade wat gedoen word deur hierdie soort kletspraat aan die denke oor eetversteurings, die noue denke oor skoonheids- en fiksheidsestetika, en dra by tot die idee dat mense wat (rykdom, ontspanning, sosiale kapitaal) besit meer (lewe, gesondheid, geluk) sal kry."[27]
  • Die tydskif Wired in die VSA het geskryf dat "Gwyneth Paltrow se Netflix-reeks omstrede behandelings bied vir mense wat voel dat hulle deur alles anders in die steek gelaat is."[28] Wired UK (in die Verenigde Koninkryk) het verskeie resensies geskryf wat krities is oor beide die reeks,[29][30] en Netflix[31] omdat hulle dit gemaak het.
  • Die tydskrif New Scientist het geskryf dat "Paltrow 'n onderhoud voer met 'n wetenskaplike wat sê dat sy noukeurige studies gedoen het wat bewys dat psigiese magte werklik is. Maar ander werk het getoon dat wetenskaplikes te maklik mislei word en dat die beste mense om beweerde psigiese mense te toets is professionele towenaars en illusioniste. Die navorser stel voor nog 'n ander stereotipe - 'wetenskap is maar een manier om te weet' - wat my skepties laat voel oor hoe toepaslik skepties sy is."[32]
  • Die Brisbane Times uit Australië het berig dat "daar geen ontkenning is dat sommige van die welvaartbedrywe se kritiek oor groot farmaseutiese maatskappye geldig is. Maar Goop en Paltrow en ander beïnvloeders stel nie veel belang om daaraan te delf nie. Dit is voldoende om hulle flitsig te noem om terug te keer na die ernstige sake van die verkoop van welstand. Wat uiterste welstand meer aanlokliker kan laat lyk as Westerse medisyne, is dat dit vinnige en maklike oplossings bied. Wie sou nie verkies om hul kanker met blomkoolte behandel in plaas van Chemoterapie? Wie wil nie eerder hul angs behandel met towersampioene eerder as om die konfronterende en pynlike proses van terapie te verduur nie?"[4]
  • 'n Resensie in Business Insider in Maleisië het grotendeels oor finale episode gehandel waarin psigiese mense bevorder word. Daar word berig dat "die probleem met die bevordering van psigiese mense bo hul vermaaklikheidswaarde is dat dit onwetenskaplike, 'towerdenke' oor gesondheid is, sowel as pseudowetenskaplike terapieë kan legitimeer. Dit kan die grondslae en vertroue in wetenskaplike beroepe verder vererger. Die behandeling van mediese toestande is nie 'n speletjie waarmee gespeel moet word en uitgebuit kan word nie. Daar kan ernstige gevolge wees. Jou geliefdes verdien bewysgebaseerde sorg."[33]
  • The Daily Beast ('n Amerikaanse webwerf wat fokus op politiek en populêre kultuur) het berig dat die Verenigde Koninkryk se gesondheidshoof, Simon Stevens, die uitbeelding van "twyfelagtige welstandsprodukte en bedrieglike prosedures" veroordeel. "Goop het pas met 'n nuwe TV-reeks begin waarin Gwyneth Paltrow en haar span 'vampier'-gesigbehandelings toets. Hulle ondesteun ook 'n persoon wie beweer dat hy sowel akute sielkundige trauma as newe-effekte genees deur eenvoudig sy hande twee duim bo die liggaam van 'n kliënt rond te skuif. Mense se natuurlike besorgdheid vir hul gesondheid - en veral vir die van hul geliefdes - is besondere vrugbare grond vir kwaksalwery, bedrieërs en skelms."[34]

Verwysings[wysig | wysig bron]

  1. 1,0 1,1 Iannucci, Rebecca (6 Januarie 2020). "Gwyneth Paltrow se dokumentêre reeks Goop première in Januarie op Netflix". TVLine (in Engels). Geargiveer vanaf die oorspronklike op 20 Februarie 2020. Besoek op 4 Februarie 2020.
  2. Arnold, Amanda (6 Januarie 2020). "Wel, dit is beslis evokatief". The Cut (in Engels). Geargiveer vanaf die oorspronklike op 28 Februarie 2020. Besoek op 4 Februarie 2020.
  3. Keene, Allison (6 Januarie 2020). "Die eerste voorskou vir Netflix se The Goop Lab vra eerlik "Hoe kan ons die K*k hieruit melk?"". Paste (in Engels). Geargiveer vanaf die oorspronklike op 15 Januarie 2020. Besoek op 6 Januarie 2020.
  4. 4,0 4,1 Edwards, Kasey (27 Januarie 2020). "Wat ons nie van Belle Gibson geleer het nie". Brisbane Times (in Engels). Qld. Australia: Fairfax Network. Geargiveer vanaf die oorspronklike op 20 Februarie 2020.
  5. 5,0 5,1 "'The Goop Lab', aangebied deur Gwyneth Paltrow, onthul eerste voorskou". The Hollywood Reporter (in Engels). 6 Januarie 2020. Geargiveer vanaf die oorspronklike op 1 Maart 2020. Besoek op 4 Februarie 2020.
  6. Burwick, Kevin (6 Januarie 2020). "'The Goop Lab' voorskou Bring Gwyneth Paltrow na Netflix hierdie Januarie". tvweb (in Engels). Geargiveer vanaf die oorspronklike op 9 Februarie 2020. Besoek op 4 Februarie 2020.
  7. Basu, Tanya (5 Februarie 2019). "Dokters is geïrriteerd dat Netflix Gwyneth se Goop 'n megafoon gee" (in Engels). Geargiveer vanaf die oorspronklike op 6 Februarie 2019. Besoek op 4 Februarie 2020.
  8. Mahdawi, Arwa (8 Februarie 2019). "Goop het 'n Netflix-transaksie - dit is 'n gevaarlike oorwinning vir pseudowetenskap". The Guardian (in Engels). ISSN 0261-3077. Geargiveer vanaf die oorspronklike op 9 November 2019. Besoek op 4 Februarie 2020.
  9. Bundel, Ani (10 Februarie 2019). "Netflix se nuwe vennootskap met Gwyneth Paltrow se Goop-handelsmerk is 'n oorwinning vir pseudowetenskap" (in Engels). NBC News. Geargiveer vanaf die oorspronklike op 25 Mei 2020. Besoek op 4 Februarie 2020.
  10. Mole, Beth (5 Februarie 2019). "Netflix koop Goop se snert om 'n "dokumentêre reeks" oor welstand te maak". Ars Technica (in Engels). Geargiveer vanaf die oorspronklike op 25 Maart 2020. Besoek op 4 Februarie 2020.
  11. 11,0 11,1 Belluz, Julia (10 Januarie 2020). "Gwyneth Paltrow is nou besig om haar kritici reguit te terg". Vox.com (in Engels). Vox. Geargiveer vanaf die oorspronklike op 24 Mei 2020. Besoek op 4 Februarie 2020.
  12. Caulfield, Timothy (12 Januarie 2020). "The Goop Lab begin op 24 Januarie 2020: Dit sal waarskynlik vol towerdenke en onbewese gesondheidsverhale wees - wat dit 'n groot botsing van belange vir Gwyneth Paltrow maak. (Shutterstock) Gwyneth Paltrow se nuwe Goop Lab is 'n advertensie vir haar pseudowetenskaplike onderneming". theconversation.com (in Engels). The Conversation. Geargiveer vanaf die oorspronklike op 24 Mei 2020. Besoek op 4 Februarie 2020. Maar wat in die eerste vlaag van kritiek grootliks misgekyk is, is die konflik van belange. Die vervaardigers van hierdie show - dit wil sê Gwyneth Paltrow en haar onderneming Goop - baat direk daarby dat nie net die show gewild is nie, maar ook van die legitimering van die pseudowetenskap. Hierdie vertoning is basies 'n advertensie vir die Goop-handelsmerk, wat gebou is op wetenskaplike produkte en idees.
  13. Gorski, David (7 Januarie 2020). "The Goop Lab op Netflix: Verkoop van kwakkerye onder die dekmantel van vroulike "bemagtiging"". Respectfulinsolence.com (in Engels). Respectful Insolence. Geargiveer vanaf die oorspronklike op 12 Januarie 2020. Besoek op 4 Februarie 2020.
  14. Holmes, Lindsay (6 Januarie 2020). Gwyneth Paltrow bring slegte gesondheidsadvies aan Netflix met 'The Goop Lab' (Engels). huffpost.com. Huffington Post. Argief geskep van die oorspronklike op 12 Januarie 2020. URL besoek op 4 Februarie 2020.
  15. Khandake, Tamara (15 Januarie 2020). "Goop Lab en die opkoms van die welstandsbedryf" (podsending) (in Engels). Global News. Geargiveer vanaf die oorspronklike op 21 April 2020. Besoek op 4 Februarie 2020.
  16. Brian, Greg (14 Januarie 2020). "'The Goop Lab' is nie die eerste keer dat Netflix jou gedwing het om vir gevaarlike opinies te betaal nie". Cheatsheet.com (in Engels). Cheatsheet. Geargiveer vanaf die oorspronklike op 26 Januarie 2020. Besoek op 4 Januarie 2020.
  17. Wilde, Val (20 Januarie 2020). "Gwyneth Paltrow se "The Goop Lab" Is Onwetenskaplike Vullis. Dan Raak Dit Erger". Patheos.com (in Engels). Patheos. Geargiveer vanaf die oorspronklike op 26 Januarie 2020. Besoek op 4 Februarie 2020. Netflix en Gwyneth Paltrow het 'n onheilige alliansie aangegaan en "The Goop Lab", 'n (beweerde) dokumentêre-reeks oor gesondheid en welstand, geskep wat op 24 Januarie bekendgestel word.
  18. "NHS-hoof verswyg Paltrow se gesondheidsaansprake op Netflix". BBC News (in Engels). 30 Januarie 2020. Geargiveer vanaf die oorspronklike op 22 Mei 2020. Besoek op 5 Februarie 2020.
  19. Garber, Megan (18 Januarie 2020). "Gwyneth Paltrow se Netflix-reeks is pynlik om na te kyk". TheAtlantic.com (in Engels). The Atlantic. Geargiveer vanaf die oorspronklike op 3 Maart 2020. Besoek op 5 Februarie 2020. Maar om The Goop Lab as 'n reeks te sien, met sy aannames oor die beperkinge van die mediese wetenskap, is ook om te wonder waar die lyn tussen ontvanklikheid en geloofwaardigheid gevind moet word. Dit is om te wonder hoekom Gwyneth Paltrow, beroemdheid en verkoopsman, vertrou moet word as 'n skeidsregter oor wat 'gesondheid' is. Om 'n liggaam te hê is om in 'n konstante toestand van onsekerheid te leef. Goop omskep daardie angs in 'n verkooppunt.
  20. Mosendz, Polly (17 Januarie 2020). "Pseudowetenskap en snik: The Goop Lab op Netflix, geëvalueer". Bloomberg.com (in Engels). Bloomberg. Geargiveer vanaf die oorspronklike op 24 April 2020. Besoek op 5 Februarie 2020.
  21. Quinn, Daley (17 Januarie 2020). Elke 'Goop Lab'-episode, gerank van "Bietjie Goop-agtig" tot "Baie Goop-agtig" (Engels). Fashionista.com. Fashionista. URL besoek op 5 Februarie 2020. “Gwyneth Paltrow se omstrede Netflix-reeks is presies wat jy sou verwag - maar, soos, tien keer meer gek.”
  22. Belluz, Julia; Resnick, Brian (17 Januarie 2020). "Netflix se The Goop Lab moedig aan swak welstand neigings. Maar dit is sterk op vulvas". Vox.com (in Engels). Vox. Geargiveer vanaf die oorspronklike op 29 Februarie 2020. Besoek op 5 Februarie 2020. Om na die Goop-laboratorium kyk het ons gehelp om te verstaan waarom Goop ondanks sy kritici oorleef.
  23. Mole, Beth (17 Januarie 2020). "Goop se Netflix-reeks: Dit is soveel erger as wat ek verwag het en ek kan dit nie "ontsien" nie". arstechnica.com (in Engels). Ars Technica. Geargiveer vanaf die oorspronklike op 4 April 2020. Besoek op 5 Februarie 2020. Vulvas, Psigiese mense, en Skynwetenskap, my donder. Ek het gekyk, sodat jy nie hoef nie.
  24. d'Addario, Daniel (17 Januarie 2020). "Gwyneth Paltrow se "The Goop Lab": TV-resensie". variety.com (in Engels). Variety. Geargiveer vanaf die oorspronklike op 9 Februarie 2020. Besoek op 5 Februarie 2020.
  25. Franich, Darren; Baldwin, Kristen (17 Januarie 2020). "Gwyneth Paltrow se The Goop Lab is onverwags roerend of moreel walglik". EW.com (in Engels). Entertainment Weekly. Geargiveer vanaf die oorspronklike op 22 Mei 2020. Besoek op 5 Februarie 2020.
  26. Jarry, Jonathan (24 Januarie 2020). "The Goop Lab Eksperimenteer met die geloofwaardigheid van kykers". Office for Science and Society (in Engels). Geargiveer vanaf die oorspronklike op 21 April 2020. Besoek op 5 Februarie 2020.
  27. Mangan, Lucy (24 Januarie 2020). "The Goop Lab resensie – so Gwyneth Paltrow weet nie wat 'n vagina is nie". The Guardian (in Engels). ISSN 0261-3077. Geargiveer vanaf die oorspronklike op 24 April 2020. Besoek op 5 Februarie 2020.
  28. Pardes, Arielle (24 Januarie 2020). "Natuurlik, The Goop Lab is absurd — maar dit bied ook hoop". Wired.com (in Engels). Wired (USA). Geargiveer vanaf die oorspronklike op 30 April 2020. Besoek op 5 Februarie 2020. As iemand wel van The Goop Lab kan baat vind, is dit nie die kykers of die personeellede wat die kans neem om op 'n 'towersampioenreis' te gaan nie. Dit is mense wie se produkte en alternatiewe terapieë op die skerm vertoon word, wat elkeen 'n aansienlike dosis belangstelling kan verwag ná die blootstelling van Paltrow se TV-reeks.
  29. Turk, Victoria (28 Januarie 2020). "Goop op psigedelika is nie sleg nie, dit is net vervelig". Wired.co.uk (in Engels). Wired (UK). Geargiveer vanaf die oorspronklike op 11 April 2020. Besoek op 5 Februarie 2020. Tussen die verskillende onderhoude oor verskillende studies wat verskillende medisyne en verskillende afwykings insluit, word alles taamlik deurmekaar, en die enigste werklike punt is dat daar bewyse is dat psigedelici in sommige situasies terapeutiese voordele vir sommige mense kan inhou.
  30. Charara, Sophie (25 Januarie 2020). "Waar 'The Goop Lab' reg (en verkeerd) is oor seks". Wired.co.uk (in Engels). Wired (UK). Geargiveer vanaf die oorspronklike op 13 Mei 2020. Besoek op 5 Februarie 2020. "Ek dink die aansprake van Gwyneth Paltrow en Goop is nie op getuienis gebaseer nie en kan moontlik vroue beskadig," sê Cynthia Graham, professor in seksuele en voortplantingsgesondheid aan die Universiteit van Southampton.
  31. Reynolds, Matt (24 Januarie 2020). "Dink jy Goop is sleg? Dit is slegs die punt van Netflix se pseudowetenskaplike ysberg". Wired.co.uk (in Engels). Wired UK. Geargiveer vanaf die oorspronklike op 13 Maart 2020. Besoek op 5 Februarie 2020. In The Goop Lab, probeer Gwyneth Paltrow en haar kollegas energiegenesing, psigedelika en koue-terapie. Maar baie van Netflix se dokumentêre-reekse gebruik 'n ewe twyfelagtige benadering tot wetenskap.
  32. Wilson, Clare (17 Januarie 2020). "Goop Lab op Netflix wys hoe maklik dit is om slegte wetenskap te glo". Newscientist.com (in Engels). New Scientist. Geargiveer vanaf die oorspronklike op 22 April 2020. Besoek op 5 Februarie 2020. Goop is in 2018 teen 'n kwart miljard dollar gewaardeer, dus het Paltrow duidelik 'n effektiewe sakemodel gevind. Sy is in The New York Times aangehaal dat kontroversies net daartoe gelei het dat meer mense haar webwerf besoek, " waar die oogballe haar laat geld maak." Dit is moeilik om nie te vermoed dat kritiek oor The Goop Lab nie eens vir Paltrow kan pla nie.
  33. de Graaf, Mia (27 Januarie 2020). "Psigiese mense is die nuwe terapeute, en Gwyneth Paltrow se Netflix-reeks bring die $2 miljard-industrie na die hoofstroom". Businessinsider.my (in Engels). Business Insider Malaysia. Geargiveer vanaf die oorspronklike op 17 Mei 2020. Besoek op 5 Februarie 2020. Daar is geen tekort aan gevalle waar psigiese mense duisende of selfs miljoene dollars van kliënte gesteel nie - 'n kwessie wat die EU daartoe gedwing het om in 2008 streng reëls op te stel, waarin psigiese mense opdrag gegee word om hul dienste as vermaak alleen te adverteer, en die skepping van 'n webwerf, BadPsychics.com, om dwase praktisyns uit te roep. In onlangse jare het psigiese mense egter in die welstandruimte ingetrek. Hulle het verwante profiele op Instagram en sommige stroom regstreekse voorlesings, of plaas bemagtigende aforismes, gifs en memes op die internet.
  34. Bradley, Laura (31 Januarie 2020). VK se hoof van gesondheid Hy noem Gwyneth Paltrow se 'Goop Lab' beesmis oor die verspreiding van 'verkeerde inligting' (Engels). Thedailybeast.com. The Daily Beast. Argief geskep van die oorspronklike op 31 Januarie 2020. URL besoek op 5 Februarie 2020. “NGD se hoof, Simon Stevens, sê dat hie reeks “twyfelagtige welstandsprodukte en lastige prosedures” verhef”

Eksterne skakels[wysig | wysig bron]