Vlag van Ossetië

in Wikipedia, die vrye ensiklopedie
Jump to navigation Jump to search
Vlag van Suid-Ossetië
Vlag van Suid-Ossetië
Gebruik Burgerlike vlag Burgerlike vlag
Verhouding 1:2
Goedgekeur 26 November 1990[1]
Ontwerp Drie horisontale bane in wit, rooi en geel.
Ontwerp deur Алан Чочиев (Alan Tsjotsjiëf)
Vlag van Noord-Ossetië-Alanië
Vlag van Noord-Ossetië-Alanië
Gebruik Burgerlike vlag Burgerlike vlag
Verhouding 1:2
Goedgekeur 2 Oktober 1991[2]
Ontwerp Drie horisontale bane in wit, rooi en geel.
Ontwerp deur Алан Чочиев (Alan Tsjotsjiëf)

Die vlag van Ossetië is op 26 November 1990 deur die Republiek Suid-Ossetië en op 2 Oktober 1991 deur die Republiek Noord-Ossetië-Alanië in gebruik geneem. Die vlag vertoon drie horisontale bane in wit, rooi en geel.

Kleure[wysig | wysig bron]

Die kleurskema word hieronder gelys:

Flag of South Ossetia.svg Wit Rooi Geel
RGB 255/255/255 255/0/0 255/223/0
Heksadesimaal #FFFFFF #FF0000 #FFDF00
CMYK 0/0/0/0 0/1/1/0 100/0.125/1/0

Interpretasie van kleure[wysig | wysig bron]

Skema Tekstielkleur
Wit Morele reinheid.
Rooi Krygsheldhaftigheid.
Geel Rykdom en welvaart.

Geskiedenis[wysig | wysig bron]

Die vlag wat deur Noord- en Suid-Ossetië gebruik word, is op 26 November 1990 deur die voormalige leier van die Adjamon Nichas (Osseties: Адæмон Ныхас, letterlik nasionale vergadering) en Suid-Ossetiese historikus, Alan Tsjotsjiëf, geskep en is aanvanklik as wapen van hierdie beweging gebruik. Die Suid-Ossetiese weergawe is op 26 November 1990 deur die grondwet van Suid-Ossetië voorgeskryf, en op 30 Maart 1992 bekragtig deur die Regulasie op die Nasionale Vlag.[3]

Die vlag word ook gebruik deur die pro-Georgiese Voorlopige Administratiewe Entiteit van Suid-Ossetië wat vroeër vanuit Kurta geopereer het en nou in Tbilisi is, wat die Russies gesteunde separatistiese regering in Zchinwali teenstaan.

Die vlae van Noord-Ossetië-Alanië en Suid-Ossetië is byna identies met slegs die kleurskakerings wat verskil.

Onder die Sowjetunie het Noord-Ossetië ’n rooi vlag met ’n blou vertikale baan aan die vlagpaalkant, die hamer en sekel en die woorde “Noord-Ossetiese ASSR” in Russies en Osseties gebruik. Kort voor die ontbinding van die Sowjetunie is dit met die huidige vlag vervang, wat op 2 Oktober 1991 aanvaar is.

Ander vlae[wysig | wysig bron]

Soortgelyke vlae[wysig | wysig bron]

’n Paar nedersettings in Pole asook een woiwodskap, en die stad Santa Barbara, Kalifornië gebruik ook vlae in horisontale bane van wit, rooi en geel.

Verwysings[wysig | wysig bron]

  1. (en) "Suid-Ossetië". Flags of the World. Geargiveer vanaf die oorspronklike op 11 Januarie 2020. Besoek op 3 Augustus 2020.
  2. (en) "Noord-Ossetië". Flags of the World. Besoek op 3 Augustus 2020.
  3. (ru) "Государственная символика Республики Южная Осетия | Парламент Республики Южная Осетия". www.parliamentrso.org. Besoek op 3 Augustus 2020.

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.