Vlag van Oesbekistan

in Wikipedia, die vrye ensiklopedie
Spring na: navigasie, soek
Vlag van Oesbekistan
Vlag van  Oesbekistan
Gebruik Nasionale vlag Nasionale vlag
Verhouding 1:2
Goedgekeur 18 November 1991[1]
Ontwerp Drie horisontale bane van bo na onder in blou, wit en groen met rooi fraiings tussenin en ’n sekelmaan en twaalf sterre in die skildhoek
Wisselvormvlag van  Oesbekistan
Gebruik Oorlogsvlag Oorlogsvlag
Verhouding 1:2
Goedgekeur 4 Junie 1992
Ontwerp Die nasionale vlag met goue teks in die wit baan

Die nasionale vlag van Oesbekistan is op 18 November 1991 amptelik in gebruik geneem. Die vlag vertoon drie horisontale bane van bo na onder in blou, wit en groen met rooi fraiings tussenin en ’n sekelmaan en twaalf sterre in die skildhoek.

Simboliek[wysig | wysig bron]

Die kleure en simbole van die vlag dra kulturele, politieke en regionale betekenisse. Die wit stel vrede en reinheid voor, die blou stel water en die lug voor. Blou verwys ook na Timoer wat in die 14de eeu oor die hedendaagse Oesbekistan regeer het.[2][3] Groen stel die natuur en vrugbaarheid voor maar dit kan ook ’n voorstelling van Islam wees.[2] terwyl die rooi fraiings die lewenskrag binne die Oesbeke voorstel.[2][3] Die sekelmaan in die skildhoek roep die wedergeboorte van Oesbekistan as ’n onafhanklike land in herinnering.[2][4] Dit stel voorts ook die Islamitiese geloof voor wat deur 88% van Oesbeke beoefen word.[5] Regs van die sekelmaan is tweelf sterre wat die maande van die Islamitiese kalender voorstel[3] asook die diereriem.[2]

Geskiedenis[wysig | wysig bron]

Na die stigting van die Oesbekistanse SSR in 1925 is tot 1952 verskeie rooi vlae met goue inskripsie van die naam van die politieke entiteit gebruik. Die eerste variant wat van 22 Julie 1925 gebruik is het ’n inskripsie, ’n afkorting van Oesbekistanse Sosialistiese Sowjetrepubliek, in Arabies en Cyrillies bevat.

Van 9 Januarie 1926 is die Arabiese skrif met Latynse skrif vervang. Onder die Russiese inskripsie is nou in Tadjikies ook ’n inskripsie aangebring omdat die Oesbekistanse SSR ondergeskik aan die Tadjikiese SSR was.

Na die skeiding van die Tadjikiese en Oesbekiese SSR in 1931 is die Tadjikiese inskripsie van die vlag verwyder. Na 1935 is veranderings aan die Oesbekistanse Latynse alfabet aangebring en die vlag is dienooreenkomstig aangepas.

Nadat Oesbekies in 1940 in ’n Cyrilliese alfabet begin skryf is, is ’n nuwe vlag op 16 Januarie 1941 in gebruik geneem wat beide die Oesbekiese en Russiese naam in Cyrilliese skrif bevat het.

Op 29 Augustus 1952 het die vlag vir die laaste keer tydens die Sowjet-era verander. Hierdie vlag het bestaan uit drie horisontale bane in rooi, blou en rooi met wit fraiings tussenin. In die skildhoek was ’n hamer en sekel en ’n rooi ster. Die agterkant van híérdie vlag het geen tekens bevat nie.

Oesbekistan het op 1 September 1991 haarself onafhanklik verklaar ongeveer drie maande voor die ontbinding van die Sowjetunie.[5] Die soektog vir ’n nuwe nasionale vlag het kort daarna begin met ’n kompetisie om die nuwe ontwerp te bepaal.[2] Meer as 200 inskrywings is ontvang en ’n kommissie is saamgestel om die voorstelle te evalueer.[6] Die wenontwerp is op 18 November 1991 aanvaar[2] nadat dit tydens ’n buitengewone sitting van die Oesbeekse Oppersowjet gekies is.[7][8] Hierdeur het Oesbekistan die eerste van die nuwe onafhanklike republieke in Sentraal-Asië geword om ’n nuwe vlag te kies.[3]

Vlag van Karakalpakië[wysig | wysig bron]

Die outonome Republiek van Karakalpakië voer sedert die Sowjet-era haar eie vlag.

Verwysings[wysig | wysig bron]

  1. (en) "Oesbekistan". Flags of the World. Verkry op 18 Julie 2015. 
  2. 2,0 2,1 2,2 2,3 2,4 2,5 2,6 (en) Smith, Whitney "Uzbekistan, flag of". Encyclopedia Britannica. Encyclopedia Britannica, Inc.. URL besoek op 18 Mei 2014. 
  3. 3,0 3,1 3,2 3,3 (en) Kindersley, Dorling (3 November 2008). Complete Flags of the World. Dorling Kindersley Ltd.. p. 191. Besoek op 18 Mei 2014. 
  4. (en) Waters, Bella (2006). Uzbekistan in Pictures. Twenty-First Century Books. p. 191. Besoek op 18 Mei 2014. 
  5. 5,0 5,1 (en) "Oesbekistan". Die Wêreldfeiteboek. CIA. Verkry op 18 Mei 2014. 
  6. (en) "Die Nasionale Vlag van die Republiek van Oesbekistan vier 20ste Herdenking". Journal of Turkish Weekly. International Strategic Research Organization. 18 November 2011. Verkry op 18 Mei 2014. 
  7. (en) Azizov, D. (18 November 2010). "Brief: Oesbekistan vier vlagdag". Baku, Azerbeidjan: Trend News Agency. Verkry op 18 Mei 2014. 
  8. (en) (1 Januarie 2009) Oesbekistan. Infobase Publishing. p. 96. Besoek op 18 Mei 2014. 

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.