Vlag van Suid-Korea

in Wikipedia, die vrye ensiklopedie
Jump to navigation Jump to search
Vlag van Suid-Korea
Vlag van Suid-Korea
Bynaam Taegukgi/Taegeukgi
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 27 Januarie 1883[1]
Ontwerp ’n Enkele wit baan met ’n rooi-en-blou taeguk in die middel en ’n trigram gaande na elke hoek.
Wisselvormvlag van Suid-Korea
Verhouding 2:3
Ontwerp In die skildhoek ’n wit reghoek met die taeguk waaragter twee ankers gekruis is op ’n blou vaandel.

Die nasionale vlag van Suid-Korea is op 15 Augustus 1948 amptelik in gebruik geneem. Die vlag vertoon ’n enkele wit baan met ’n rooi-en-blou taeguk (’n simbool wat balans voorstel) in die middel en ’n trigram gaande na elke hoek van die vlag.

Simboliek[wysig | wysig bron]

Die vlag se wit veld is ’n tradisionele kleur in die Koreaanse kultuur. Wit was in die 19de eeu ’n algemene verskynsel in die kleredrag van Koreane; dit kom steeds voor in kontemporêre weergawes van tradisionale Koreaanse kledingstukke soos die hanbok. Die kleur stel vrede en reinheid voor.

Die skyf in die middel van die vlag is afgelei van die filosofie van jin en jang en stel balans in die heelal voor. Die rooi helfte stel positiewe kosmiese kragte voor terwyl die blou helfte die teenoorstaande negatiewe kosmiese kragte voorstel.

Die trigramme stel saam beweging en harmonie voor as grondbeginsels. Elke trigram (hangeul: [gwae]; hanja: ) stel een van die vier klassieke elemente voor,[2] soos hieronder uiteengesit:

Trigram Koreaanse naam Hemelliggaam Seisoen Rigting Deug Familie Natuurlike element Betekenis
geon
(건 / 乾)
hemel
(천 / 天)
lente
(춘 / 春)
oos
(동 / 東)
mensdom
(인 / 仁)
vader
(부 / 父)
lug
(천 / 天)
geregtigheid
(정의 / 正義)
ri
(리 / 離)
son
(일 / 日)
herfs
(추 / 秋)
suid
(남 / 南)
geregtigheid
(의 / 義)
dogter
(녀 / 女)
vuur
(화 / 火)
vervulling
(결실 / 結實)
gam
(감 / 坎)
maan
(월 / 月)
winter
(동 / 冬)
noord
(북 / 北)
intelligensie
(지 / 智)
seun
(자 / 子)
water
(수 / 水)
wysheid
(지혜 / 智慧)
gon
(곤 / 坤)
aarde
(지 / 地)
somer
(하 / 夏)
wes
(서 / 西)
hoflikheid
(례 / 禮)
moeder
(모 / 母)
grond
(토 / 土)
lewenskragtigheid
(생명력 / 生命力)

Ontwerp[wysig | wysig bron]

Die wydte-hoogteverhouding van die vlag is 3:2. Daar is vyf afdelings van die vlag: die taeguk en die vier staafgroeperings. Die deursneë van die skyf is die helfte van die hoogte van die vlag. Die boonste gedeelte van die taeguk is rooi en die onderste gedeelte is blou. Die staafgroeperings kom in die vier hoeke van die vlag voor.[3]

Konstruksietekening

Kleure[wysig | wysig bron]

’n Donkerder weergawe van die vlag deur RGB-skattings van semi-amptelike Pantone-skattings te gebruik[4]

Die kleure van die Taegukgi word in die “Ordonnansiewet op die die Wet rakende die Nasionale Vlag van die Republiek van Korea” gespesifiseer. ((ko) 대한민국 국기법 시행령)[5] Tot 1997, toe die Suid-Koreaanse regering besluit het om standaardspesifikasies vir die vlag te verskaf, was daar geen presiese spesifikasies rakende die kleure nie. In Oktober 1997 is ’n presidensiële ordonnansie oor die standaardspesifikasies van die Suid-Koreaanse vlag gepromulgeer,[6] wat in Julie 2007 opgevolg is deur die Nasionale Vlagwet.

Die kleure word in wetgewing gedefinieer deur die Munsell en CIE kleurstelsels:

Skema Munsell[7] CIE (x, y, Y)[7] Pantone[4] Heksadesimaal[7]
Wit N 9.5 N/A N/A #FFFFFF
Rooi 6.0R 4.5/14 0.5640, 0.3194, 15.3 186 Bedek #CD2E3A
Blou 5.0PB 3.0/12 0.1556, 0.1354, 6.5 294 Bedek #0047A0
Swart N 0.5 N/A N/A #000000

Geskiedenis[wysig | wysig bron]

Ontwerp is in verlede gebruik maar sedertdien laat vaar Die vroegste bestaande afbeelding van die vlag is in ’n Amerikaanse vlootboek van 1882 (Flags of Maritime Nations) gepubliseer.[8]
’n Portret van Kim Il-sung en die Taegukgi in 1948. Die vlag is ook in die Noorde gebruik voor die skeiding.

Die afwesigheid van ’n nasionale vlag het eers in 1876 ’n gesprekspunt in Korea geword in die tyd van die Joseondinastie. Voor 1876 het Korea geen behoefte aan ’n nasionale vlag gehad nie. Die kwessie het ontstaan gedurende die onderhandelinge vir die Japans-Koreaanse Verdrag van 1876 waar die afgevaardigde van die Japanse Keiserryk die Japanse nasionale vlag vertoon het, terwyl die Joseondinastie geen nasionale simbool gehad het om uit te beeld nie. In daardie tyd het sommige mense voorgestel dat ’n nasionale vlag geskep word, maar die Koreaanse regering het dit as onbelangrik en onnodig geag. Teen 1880 het die vinnige toename in buitelandse onderhandelinge gelei tot die dringende behoefte aan ’n nasionale vlag.[9] Die gewildste voorstel is in die “Koreastrategie”-dokumente vervat en is deur Huang Zunxian, die Chinese afgevaardigde, geskryf. Dit het voorgestel dat die vlag van die Qing-dinastie van China by dié van die Joseondinastie van Korea geïnkorporeer word. In reaksie op die Chinese voorstel, het die Koreaanse regering Lee Young-Sook gestuur om die skema met Li Hongzhang, die Chinese staatsman en diplomaat, te bespreek. Li het met sommige elemente van Huang se voorstel saamgestem met die aanvaarding dat Korea veranderinge sou aanbring. Die Qing-regering het Li se gevolgtrekking bekragtig, maar dit is onbekend hoe entoesiasties die Joseonregering oor hierdie voorstel was.[10]

Die kwessie is vir ’n tydperk nie nagevolg nie, maar het weer ter sprake gekom tydens die onderhandeling van die Verenigde State–Koreaverdrag van 1882, ook bekend as die Shufeldtverdrag. Die kontroversie het gekom nadat die afgevaardigde Lee Eung-Jun ’n soortgelyke vlag aan dié van Japan aan die Chinese amptenaar Ma Jianzhong voorgestel het. In reaksie op die bespreking het Ma hom teen die voorgestelde idee van die gebruik van die Qing-dinastie uitgespreek en het hy ’n vlag met ’n wit agtergrond, ’n halfrooi halfswart skyf in die middel en agt swart stawe om die vlag voorgestel.[10] Op 22 Augustus 1882 het Park Yeong-hyo ’n skaalmodel van die Taegukgi geskep. Park het gevolglik in 1882 die eerste persoon geword om die Taegukgi in die Japanse Keiserryk te gebruik.[11] Op 27 Januarie 1883 het die Joseonregering die Taegukgi amptelik gepromulgeer om as die nasionale vlag gebruik te word.[10]

In 1919 is ’n vlag soortgelyk aan die huidige Suid-Koreaanse vlag deur die voorlopige Koreaanse regering-in-ballingskap wat in China gebaseer was, gebruik.

Na die herstel van onafhanklikheid in Korea in 1945 het die Taegukgi in gebruik gebly nadat die suidelike deel van Korea onder invloed van die Verenigde State ’n demokratiese republiek geword het; dit is tewens in die Volksrepubliek van Korea gebruik. Naas die Taegukgi is die vlag van die Verenigde State ook deur die Amerikaanse Leër se Militêre Regering in Korea gebruik. Hoewel die vlag reeds voor die stigting van die Suid-Koreaanse staat in Augustus 1948 as die de facto nasionale vlag gebruik is,[12] is die huidige vlag op 15 Oktober 1949 deur die regering van Suid-Korea as amptelike vlag aanvaar.[10]

In Februarie 1984 is die presiese dimensionele spesifikasies van die vlag op skrif gestel.[13][14][15][16] In Oktober 1997 is die presiese kleure van die vlag deur middel van ’n presidensiële dekreet gespesifiseer.[17][18]

Rol in kontemporêre Suid-Koreaanse samelewing[wysig | wysig bron]

Volgens die akademikus Brian Reynolds Myers is die Suid-Koreaanse vlag geneig om, in die konteks van die land se samelewing, ’n groter nasionalistiese idee van ’n “Koreaanse ras” voor te stel, eerder as om bloot ’n simbool van die Suid-Koreaanse nasiestaat self te wees.[19]

Die naam van die Suid-Koreaanse vlag is ook gebruik as die naam van ’n Suid-Koreaanse rolprent oor die Koreaanse Oorlog, Tae Guk Gi, in 2004.

Vorige vlae[wysig | wysig bron]

Ander vlae[wysig | wysig bron]

Verwysings[wysig | wysig bron]

  1. (en) Suid-Korea”. Flags of the World. URL besoek op 24 September 2017.
  2. (en) Die Wêreldfeiteboek”. Central Intelligence Agency. URL besoek op 4 November 2013.
  3. (ko) 국가상징 > 태극기 > 태극기 더보기 > 국기의 제작”.
  4. 4,0 4,1 (ru) Nasionale Vlag”. Die Ambassade van die Republiek van Korea in Moskou. URL besoek op 6 August 2017.
  5. (ko) Error on call to template:cite web: Parameters url and title must be specified Regering van die Republiek van Korea. URL besoek op 6 Augustus 2017.
  6. (ko) Stray_Cat421 (18 Junie 2003). “Standaardspesifikasie van Taegukgi”. Naver. Naver. URL besoek op 1 Maart 2015.
  7. 7,0 7,1 7,2 (ko) Error on call to template:cite web: Parameters url and title must be specified Ministerie van Binnelandse Sake en Veiligheid: 2017. URL besoek op 2017-08-06.
  8. (en) Verenigde State. Vlootdept. Navigasieburo (1882). Flags of maritime nations: from the most authentic sources. Navigasieburo. p. 16. 
  9. (ko) 대한민국[Republiek van Korea,大韓民國]”. Doosan Corporation. URL besoek op 5 November 2013.
  10. 10,0 10,1 10,2 10,3 (ko) Error on call to template:cite web: Parameters url and title must be specified Akademie van Koreaanse Studies. URL besoek op 5 November 2013.
  11. (ko) Error on call to template:cite web: Parameters url and title must be specified NAVER Corp.. URL besoek op 5 November 2013.
  12. (en) Nasionale Vlag van Noord-Korea”. Worldflags 101. URL besoek op 5 November 2013.
  13. (en) Geskiedenis van die Suid Koreaanse vlag”.
  14. (en) Vlag van Suid-Korea”. Encyclopedia Britannica.
  15. (en) Geskiedenis van die Suid-Koreaanse vlag”.
  16. (en) Vlaggeskiedenis”.
  17. (en) http://www.mois.go.kr/eng/sub/a03/nationalSymbol/screen.do
  18. http://www.mois.go.kr/cmm/fms/FileDown.do?atchFileId=FILE_000000000008139&fileSn=0
  19. (en) O'Carroll, Chad (2014). “BR Myers - Current Issues”. URL besoek op 11 September 2017.

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.