Vlag van Suid-Korea

in Wikipedia, die vrye ensiklopedie
Vlag van Suid-Korea
Vlag van Suid-Korea
Vlag van Suid-Korea
Bynaam (ko) Taegukgi/Taegeukgi
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 27 Januarie 1883[1]
Ontwerp ’n Enkele wit baan met ’n rooi-en-blou taeguk in die middel en ’n trigram gaande na elke hoek.
Wisselvormvlag van Suid-Korea
Wisselvormvlag van Suid-Korea
Gebruik Vlootvaandel Vlootvaandel
Verhouding 2:3
Ontwerp In die skildhoek ’n wit reghoek met die taeguk waaragter twee ankers gekruis is op ’n blou vaandel.

Die nasionale vlag van Suid-Korea is op 15 Augustus 1948 amptelik in gebruik geneem. Die vlag vertoon ’n enkele wit baan met ’n rooi-en-blou taeguk (’n simbool wat balans voorstel) in die middel en ’n trigram gaande na elke hoek van die vlag.

Simboliek[wysig | wysig bron]

Wapperende vlag van Suid-Korea

Die vlag se wit veld is ’n tradisionele kleur in die Koreaanse kultuur. Wit was in die 19de eeu ’n algemene verskynsel in die kleredrag van Koreane; dit kom steeds voor in kontemporêre weergawes van tradisionale Koreaanse kledingstukke soos die hanbok. Die kleur stel vrede en reinheid voor.

Die skyf in die middel van die vlag is afgelei van die filosofie van jin en jang en stel balans in die heelal voor. Die rooi helfte stel positiewe kosmiese kragte voor terwyl die blou helfte die teenoorstaande negatiewe kosmiese kragte voorstel.

Die trigramme stel saam beweging en harmonie voor as grondbeginsels. Elke trigram (hangeul: 괘 [gwae]; hanja: 卦) stel een van die vier klassieke elemente voor,[2] soos hieronder uiteengesit:

Trigram Koreaanse naam Hemelliggaam Seisoen Rigting Deug Familie Natuurlike element Betekenis
☰ geon
(건 / 乾) 		hemel
(천 / 天) 		lente
(춘 / 春) 		oos
(동 / 東) 		mensdom
(인 / 仁) 		vader
(부 / 父) 		lug
(천 / 天) 		geregtigheid
(정의 / 正義)
☲ ri
(리 / 離) 		son
(일 / 日) 		herfs
(추 / 秋) 		suid
(남 / 南) 		hoflikheid
(례 / 禮) 		dogter
(녀 / 女) 		vuur
(화 / 火) 		vervulling
(결실 / 結實)
☵ gam
(감 / 坎) 		maan
(월 / 月) 		winter
(동 / 冬) 		noord
(북 / 北) 		intelligensie
(지 / 智) 		seun
(자 / 子) 		water
(수 / 水) 		wysheid
(지혜 / 智慧)
☷ gon
(곤 / 坤) 		aarde
(지 / 地) 		somer
(하 / 夏) 		wes
(서 / 西) 		geregtigheid
(의 / 義) 		moeder
(모 / 母) 		grond
(토 / 土) 		lewenskragtigheid
(생명력 / 生命力)

Ontwerp[wysig | wysig bron]

Die wydte-hoogteverhouding van die vlag is 3:2. Daar is vyf afdelings van die vlag: die taeguk en die vier staafgroeperings. Die deursneë van die skyf is die helfte van die hoogte van die vlag. Die boonste gedeelte van die taeguk is rooi en die onderste gedeelte is blou. Die staafgroeperings kom in die vier hoeke van die vlag voor.[3]

Konstruksietekening
Konstruksietekening

Kleure[wysig | wysig bron]

’n Donkerder weergawe van die vlag deur RGB-skattings van semi-amptelike Pantone-skattings te gebruik[4]

Die kleure van die Taegukgi word in die “Ordonnansiewet op die die Wet rakende die Nasionale Vlag van die Republiek Korea” gespesifiseer. ((ko) 대한민국 국기법 시행령)[5] Tot 1997, toe die Suid-Koreaanse regering besluit het om standaardspesifikasies vir die vlag te verskaf, was daar geen presiese spesifikasies rakende die kleure nie. In Oktober 1997 is ’n presidensiële ordonnansie oor die standaardspesifikasies van die Suid-Koreaanse vlag gepromulgeer,[6] wat in Julie 2007 opgevolg is deur die Nasionale Vlagwet.

Die kleure word in wetgewing gedefinieer deur die Munsell en CIE kleurstelsels:

Munsell[7] CIE (x, y, Y)[7] Pantone[4] Heksadesimaal[7]
Wit N 9.5 N/A N/A #FFFFFF
Rooi 6.0R 4.5/14 0.5640, 0.3194, 15.3 186 Bedek #CD2E3A
Blou 5.0PB 3.0/12 0.1556, 0.1354, 6.5 294 Bedek #0047A0
Swart N 0.5 N/A N/A #000000

Geskiedenis[wysig | wysig bron]

Ontwerp is in verlede gebruik maar sedertdien laat vaar Die vroegste bestaande afbeelding van die vlag is in ’n Amerikaanse vlootboek van 1882 (Flags of Maritime Nations) gepubliseer.[8]
’n Portret van Kim Il-sung en die Taegukgi in 1948. Die vlag is ook in die Noorde gebruik voor die skeiding.
Inhuldiging van die Suid-Koreaanse regering op 15 Augustus 1948.

Die afwesigheid van ’n nasionale vlag het eers in 1876 ’n gesprekspunt in Korea geword in die tyd van die Joseondinastie. Voor 1876 het Korea geen behoefte aan ’n nasionale vlag gehad nie. Die kwessie het ontstaan gedurende die onderhandelinge vir die Japans-Koreaanse Verdrag van 1876 waar die afgevaardigde van die Japanse Keiserryk die Japanse nasionale vlag vertoon het, terwyl die Joseondinastie geen nasionale simbool gehad het om uit te beeld nie. In daardie tyd het sommige mense voorgestel dat ’n nasionale vlag geskep word, maar die Koreaanse regering het dit as onbelangrik en onnodig geag. Teen 1880 het die vinnige toename in buitelandse onderhandelinge gelei tot die dringende behoefte aan ’n nasionale vlag.[9] Die gewildste voorstel is in die “Koreastrategie”-dokumente vervat en is deur Huang Zunxian, die Chinese afgevaardigde, geskryf. Dit het voorgestel dat die vlag van die Qing-dinastie van China by dié van die Joseondinastie van Korea geïnkorporeer word. In reaksie op die Chinese voorstel, het die Koreaanse regering Lee Young-Sook gestuur om die skema met Li Hongzhang, die Chinese staatsman en diplomaat, te bespreek. Li het met sommige elemente van Huang se voorstel saamgestem met die aanvaarding dat Korea veranderinge sou aanbring. Die Qing-regering het Li se gevolgtrekking bekragtig, maar dit is onbekend hoe entoesiasties die Joseonregering oor hierdie voorstel was.[10]

Die kwessie is vir ’n tydperk nie nagevolg nie, maar het weer ter sprake gekom tydens die onderhandeling van die Verenigde State–Koreaverdrag van 1882, ook bekend as die Shufeldtverdrag. Die kontroversie het gekom nadat die afgevaardigde Lee Eung-Jun ’n soortgelyke vlag aan dié van Japan aan die Chinese amptenaar Ma Jianzhong voorgestel het. In reaksie op die bespreking het Ma hom teen die voorgestelde idee van die gebruik van die Qing-dinastie uitgespreek en het hy ’n vlag met ’n wit agtergrond, ’n halfrooi halfswart skyf in die middel en agt swart stawe om die vlag voorgestel.[10] Op 22 Augustus 1882 het Park Yeong-hyo ’n skaalmodel van die Taegukgi geskep. Park het gevolglik in 1882 die eerste persoon geword om die Taegukgi in die Japanse Keiserryk te gebruik.[11] Op 27 Januarie 1883 het die Joseonregering die Taegukgi amptelik gepromulgeer om as die nasionale vlag gebruik te word.[10]

In 1919 is ’n vlag soortgelyk aan die huidige Suid-Koreaanse vlag deur die voorlopige Koreaanse regering-in-ballingskap wat in China gebaseer was, gebruik.

Na die herstel van onafhanklikheid in Korea in 1945 het die Taegukgi in gebruik gebly nadat die suidelike deel van Korea onder invloed van die Verenigde State ’n demokratiese republiek geword het; dit is tewens in die Volksrepubliek Korea gebruik. Naas die Taegukgi is die vlag van die Verenigde State ook deur die Amerikaanse Leër se Militêre Regering in Korea gebruik. Hoewel die vlag reeds voor die stigting van die Suid-Koreaanse staat in Augustus 1948 as die de facto nasionale vlag gebruik is,[12] is die huidige vlag op 15 Oktober 1949 deur die regering van Suid-Korea as amptelike vlag aanvaar.[10]

In Februarie 1984 is die presiese dimensionele spesifikasies van die vlag op skrif gestel.[13][14][15][16] In Oktober 1997 is die presiese kleure van die vlag deur middel van ’n presidensiële dekreet gespesifiseer.[17][18]

Rol in kontemporêre Suid-Koreaanse samelewing[wysig | wysig bron]

Volgens die akademikus Brian Reynolds Myers is die Suid-Koreaanse vlag geneig om, in die konteks van die land se samelewing, ’n groter nasionalistiese idee van ’n “Koreaanse ras” voor te stel, eerder as om bloot ’n simbool van die Suid-Koreaanse nasiestaat self te wees.[19]

Die naam van die Suid-Koreaanse vlag is ook gebruik as die naam van ’n Suid-Koreaanse rolprent oor die Koreaanse Oorlog, Tae Guk Gi, in 2004.

Vorige vlae[wysig | wysig bron]

  • Taegukgi van die Joseon-dinastie, tot 1800

    Ontwerp is in verlede gebruik maar sedertdien laat vaar Taegukgi van die Joseon-dinastie, tot 1800

  • Taegukgi, November 1882

    Ontwerp is in verlede gebruik maar sedertdien laat vaar Taegukgi, November 1882

  • Taegukgi, 1882 tot 1910

    Ontwerp is in verlede gebruik maar sedertdien laat vaar Taegukgi, 1882 tot 1910

  • Taegukgi, 1888 tot 1893

    Ontwerp is in verlede gebruik maar sedertdien laat vaar Taegukgi, 1888 tot 1893

  • Denny Taegukgi, 1888 tot 1893

    Ontwerp is in verlede gebruik maar sedertdien laat vaar Denny Taegukgi, 1888 tot 1893

  • Taegukgi, 1893

    Ontwerp is in verlede gebruik maar sedertdien laat vaar Taegukgi, 1893

  • Taegukgi, 1899

    Ontwerp is in verlede gebruik maar sedertdien laat vaar Taegukgi, 1899

  • Vlag van die Voorlopige Regering van die Republiek Korea, 1919

    Ontwerp is in verlede gebruik maar sedertdien laat vaar Vlag van die Voorlopige Regering van die Republiek Korea, 1919

  • Vlag van die Volksrepubliek Korea tussen Augustus 1945 en Desember 1945 nadat die USAMGIK die PRK verban het.

    Ontwerp is in verlede gebruik maar sedertdien laat vaar Vlag van die Volksrepubliek Korea tussen Augustus 1945 en Desember 1945 nadat die USAMGIK die PRK verban het.

  • Vlag van die Verenigde State, gebruik in Suid-Korea tydens die Amerikaanse besetting, September 1945 tot September 1948

    Ontwerp is in verlede gebruik maar sedertdien laat vaar Vlag van die Verenigde State, gebruik in Suid-Korea tydens die Amerikaanse besetting, September 1945 tot September 1948

  • Vlag van Suid-Korea, 1945 tot 1948

    Ontwerp is in verlede gebruik maar sedertdien laat vaar Vlag van Suid-Korea, 1945 tot 1948

  • Vlag van Suid-Korea, 1948 tot 1949

    Ontwerp is in verlede gebruik maar sedertdien laat vaar Vlag van Suid-Korea, 1948 tot 1949

  • Vlag van Suid-Korea, 1949 tot 1984

    Ontwerp is in verlede gebruik maar sedertdien laat vaar Vlag van Suid-Korea, 1949 tot 1984

  • Vlag van Suid-Korea, 1984 tot 1997

    Ontwerp is in verlede gebruik maar sedertdien laat vaar Vlag van Suid-Korea, 1984 tot 1997

  • Vlag van Suid-Korea, 1997 tot 2011

    Ontwerp is in verlede gebruik maar sedertdien laat vaar Vlag van Suid-Korea, 1997 tot 2011

  • Vlag van die regering van die Republiek Korea, 1949 tot 2016

    Ontwerp is in verlede gebruik maar sedertdien laat vaar Vlag van die regering van die Republiek Korea, 1949 tot 2016

Ander vlae[wysig | wysig bron]

  • Korrekte vertikale gebruik van die vlag van Suid-Korea

    Korrekte vertikale gebruik van die vlag van Suid-Korea

  • Presidensiële Standaard van die Republiek Korea

    Presidensiële Standaard van die Republiek Korea

  • Standaard van die Eerste Minister van die Republiek Korea

    Standaard van die Eerste Minister van die Republiek Korea

  • Vlag van die regering van die Republiek Korea, sedert 2017

    Vlag van die regering van die Republiek Korea, sedert 2017

  • Vlag van die Republiek Korea se Reserwemag

    Vlag van die Republiek Korea se Reserwemag

  • Vlag van die Republiek Korea se Marinekorps

    Vlag van die Republiek Korea se Marinekorps

  • Vlag van die Republiek Korea se Gewapende Magte

    Vlag van die Republiek Korea se Gewapende Magte

  • Vlag van die Republiek Korea se Lugmag

    Vlag van die Republiek Korea se Lugmag

  • Vlag van die Republiek Korea se Weermag

    Vlag van die Republiek Korea se Weermag

  • Koreaanse verenigingsvlag, soos tydens die Olimpiese Winterspele 2018 in Pyeongchang, Suid-Korea, gebruik

    Ontwerp is voorgestel in die verlede maar nooit amptelik aanvaar nie Koreaanse verenigingsvlag, soos tydens die Olimpiese Winterspele 2018 in Pyeongchang, Suid-Korea, gebruik

Verwysings[wysig | wysig bron]

  1. ↑ "Suid-Korea" (in Engels). Flags of the World. Geargiveer vanaf die oorspronklike op 27 Maart 2019. Besoek op 28 Mei 2019.
  2. ↑ "Die Wêreldfeiteboek" (in Engels). Central Intelligence Agency. Geargiveer vanaf die oorspronklike op 13 April 2020. Besoek op 28 Mei 2019.
  3. ↑ "국가상징 > 태극기 > 태극기 더보기 > 국기의 제작". theme.archives.go.kr (in Koreaans). Geargiveer vanaf die oorspronklike op 26 September 2019. Besoek op 23 Oktober 2017.
  4. ↑ 4,0 4,1 "Nasionale Vlag". infokorea.ru (in Russies). Die Ambassade van die Republiek Korea in Moskou. Geargiveer vanaf die oorspronklike op 22 Januarie 2019. Besoek op 6 Augustus 2017.
  5. ↑ "대한민국국기법 시행령 (Die wet rakende praktyk vir die vlag van die Republiek Korea)" (in Koreaans). Regering van die Republiek Korea. Geargiveer vanaf die oorspronklike op 27 Maart 2019. Besoek op 6 Augustus 2017.
  6. ↑ (ko) Stray_Cat421 (18 Junie 2003). "Standaardspesifikasie van Taegukgi". Naver. Suid-Korea: Naver. Besoek op 1 Maart 2015.[dooie skakel]
  7. ↑ 7,0 7,1 7,2 "국기의 제작 (Geometrie van die Nasionale Vlag)" (in Koreaans). Ministerie van Binnelandse Sake en Veiligheid. 2017. Geargiveer vanaf die oorspronklike op 7 Maart 2020. Besoek op 6 Augustus 2017.
  8. ↑ (en) Verenigde State. Vlootdept. Navigasieburo (1882). Flags of maritime nations: from the most authentic sources. Navigasieburo. p. 16.
  9. ↑ (ko) "대한민국[Republiek Korea,大韓民國]". Doosan Corporation. Besoek op 5 November 2013.
  10. ↑ 10,0 10,1 10,2 10,3 "태극기 (Taegukgi)" (in Koreaans). Akademie van Koreaanse Studies. Geargiveer vanaf die oorspronklike op 16 Oktober 2017. Besoek op 5 November 2013.
  11. ↑ "태극-기太極旗 (Taeguk-gi)" (in Koreaans). NAVER Corp. Geargiveer vanaf die oorspronklike op 2 Julie 2017. Besoek op 5 November 2013.
  12. ↑ "Nasionale Vlag van Noord-Korea" (in Engels). Worldflags 101. Geargiveer vanaf die oorspronklike op 22 Oktober 2019. Besoek op 5 November 2013.
  13. ↑ "Geskiedenis van die Suid Koreaanse vlag". fotw.fivestarflags.com (in Engels). Geargiveer vanaf die oorspronklike op 11 September 2019. Besoek op 27 September 2017.
  14. ↑ "Vlag van Suid-Korea" (in Engels). Encyclopædia Britannica. Geargiveer vanaf die oorspronklike op 22 Mei 2019. Besoek op 27 September 2017.
  15. ↑ (en) "Geskiedenis van die Suid-Koreaanse vlag". www.christusrex.org. Geargiveer vanaf die oorspronklike op 26 Maart 2017. Besoek op 27 September 2017.
  16. ↑ "Vlaggeskiedenis". Destination South Korea (in Engels). Geargiveer vanaf die oorspronklike op 9 Oktober 2019. Besoek op 27 September 2017.
  17. ↑ (en) http://www.mois.go.kr/eng/sub/a03/nationalSymbol/screen.do
  18. ↑ (ko) http://www.mois.go.kr/cmm/fms/FileDown.do?atchFileId=FILE_000000000008139&fileSn=0
  19. ↑ O'Carroll, Chad (2014). "BR Myers – Current Issues" (in Engels). Geargiveer vanaf die oorspronklike op 7 Junie 2014. Besoek op 11 September 2017 – via YouTube. Die Suid-Koreaanse vlag funksioneer steeds, ten minste in Suid-Korea, nie as 'n simbool van die staat nie, maar as 'n simbool van die ras.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=Vlag_van_Suid-Korea&oldid=2578855"