Vlag van Saoedi-Arabië

in Wikipedia, die vrye ensiklopedie
Spring na: navigasie, soek
Vlag van Saoedi-Arabië
Vlag van  Saoedi-Arabië
Bynaam (ru) Триколор
(af) Driekleur
Gebruik Staats- en Oorlogsvlag en Staats- en Vlootvaandel Staats- en oorlogsvlag en staats- en vlootvaandel Voorkant moet wys met vlagpaal aan aanskouer se regterkant
Verhouding 2:3
Goedgekeur 15 Maart 1973[1]
Ontwerp ’n Eenvoudige groen baan met die sjahada-inskripsie en ’n swaard in wit in die middel van die vlag.

Die nasionale vlag van Saoedi-Arabië is op 15 Maart 1973 amptelik in gebruik geneem. Die vlag vertoon ’n eenvoudige groen baan met die sjahada-inskripsie en ’n swaard in wit in die middel van die vlag.

Ontwerp[wysig | wysig bron]

Die Arabiese inskripsie op die vlag, in kalligrafiese Thuluth-skrif, is die sjahada of die Islamitiese geloofsverklaring:

لَا إِلٰهَ إِلَّا الله مُحَمَّدٌ رَسُولُ الله
lā ʾilāha ʾillā-llāh, muhammadun rasūlu-llāh
Daar is geen god buiten God nie, Muhammad is die boodskapper van God.[2]

Die groen kleur van die vlag verteenwoordig Islam en die swaard staan vir die Huis van Saoed, die stigtersdinastie van die land,[3] of die militêre mag en vaardigheid van Saoedi-Arabië.[4]

Die vlag se voor- en agterkante is identies om te verseker dat die sjahada korrek van beide kante gelees word (van regs na links). Die swaard is gepunt na links, in die rigting waarin die skrif loop. Die vlag moet só gehys word dat die vlagpaal vir die aanskouer aan die regterkant is, in teenstelling met die meeste ander vlae waar die vlagpaal aan die linkerkant van die vlag is. Die vlag se groen is Pantone 349 C (C90, M12, Y95, K40)[5]

Geskiedenis[wysig | wysig bron]

Die Huis van Saoed, die regerende familie van Saoedi-Arabië, word lank reeds verbind met die Wahabisme. Die Wahabi’s het sedert die 18de eeu die sjahada op hul vlae gebruik.[6] In 1902 het Abdulaziz Abdulrahman Al-Saoed, leier van die Huis van Saoed en toekomstige stigter van die Koninkryk van Saoedi-Arabië, ’n swaard tot hierdie vlag toegevoeg.[6] Die ontwerp van die vlag is egter eers op 15 Maart 1973 gestandaardiseer en variante met twee swaarde en/of ’n wit vertikale baan aan die vlagpaalkant is dikwels gebruik. Teen 1938 het die het die vlag sy basiese voorkoms vorm aangeneem behalwe dat die swaard ’n ander ontwerp gehad het (met ’n krommer lem) en dat die sjahada meer van die vlag beslaan het.

Vorige vlae[wysig | wysig bron]

Die state wat Saoedi-Arabië voorafgegaan het was Nadjd en Hidjaz. Die staatsvlag van Nadjd was soortgelyk aan die hedendaagse Saoedi-vlag. Die staat van Hidjaz het die patroon gevolg van lande soos die Palestynse gebied en Soedan. Van 1902 tot 1921 is ’n ander Arabiese inskripsie gebruik.

Gebruik[wysig | wysig bron]

Die vlag van SaoediArabië word nooit halfmas vertoon nie.

Omdat die sjahada geag word heilig te wees word die vlag normaalweg nie op t-hemde of ander items gebruik nie. Saoedi-Arabië het beswaar gemaak teen die insluiting van die vlag op ’n voetbal wat FIFA beplan het vir die 2002 Sokkerwêreldbeker waarop alle deelnemende lande se vlae sou verskyn. Amptenare het gesê dat die skop van die belydenis met die voet totaal onaanvaarbaar was. ’n Poging van die Amerikaanse weermag om die guns van kinders in Afghanistan se Prost-streek, deur balle met die vlag van onder meer Saoedi-Arabië daarop uit te deel, het op protesoptogte uitgeloop.[7]

Die vlag word nooit op halfmas vertoon as roubetoon nie omdat die stryk van die vlag op laster neerkom.[8] Die vlag van Somaliland word ook nooit op halfmas vertoon nie.

Volgens wetgewing mag die vlag ook nie vertikaal vertoon word nie. Spesiale vertikale vlae word hiervoor gebruik, waar die inskripsie en die embleem gedraai is om reg te vertoon. Dit kom egter selde voor aangesien die meeste Arabiese lande nie hul vlae vertikaal hys nie.[9]

Ander vlae[wysig | wysig bron]

Die burgerlike vaandel wat vir handelskepe op see gebruik word, is ’n groen vlag met die staatsvlag in die skildhoek (met ’n wit fraiing. Die koninklike standaard is die staarsvlag met die palmboom en swaarde in die skildhoek.

Verwysings[wysig | wysig bron]

  1. (en) "Saoedi-Arabië". Flags of the World. Verkry op 14 November 2015. 
  2. (en) "Oor Saoedi-Arabië: Feite en syfers". Die Koninklike Ambassade van Saoedi-Arabië, Washington D.C. Verkry op 24 April 2012. 
  3. (en) Campo, Juan E. (2009). Ensiklopedie vna Islam. ISBN 978-0816077458. Besoek op 3 October 2012. 
  4. (en) Eriksen, Thomas (2007). Vlag, Nasie en Simboliek in Europa en Amerika. Besoek op 3 October 2012. 
  5. UN Map Library
  6. 6,0 6,1 (en) (2003) Firefly Guide to Flags of the World. ISBN 978-1552978139. Besoek op 12 September 2012. 
  7. (en) Leithead, Alastair (26 Augustus 2007). "'Lasterlike' balle vererger Afghane". BBC News Online. Verkry op 26 Augustus 2007. 
  8. (en) "Saudi Koning Fahd word begrawe". BBC News. 2 Augustus 2005. 
  9. (en) Saudi Arabia, FOTW Flags Of The World, 19 Januarie 2008. Besoek op 13 Mei 2009.

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.