Vlag van Turkmenistan

Vlag van Turkmenistan

Vlag van Turkmenistan
Bynaam	Түркменистаның байдагы (Turkmeens)
Gebruik	Burgerlike- en Staatsvlag en Nasionale vaandel
Verhouding	2:3
Goedgekeur	19 Februarie 1992
Ontwerp	’n Enkele groen baan met ’n vertikale baan naby die vlagpaalkant met aan die wapperkantsy van die vertikale baan ’n sekelmaan en vyf sterre in wit.

Die nasionale vlag van Turkmenistan is op 19 Februarie 1992 amptelik in gebruik geneem. Die vlag vertoon ’n enkele groen baan met ’n vertikale rooi baan waarin daar vyf ghulontwerpe op twee gekruisde olyftakke gestapel is, met aan die wapperkantsy van die vertikale baan ’n wassende sekelmaan en vyf vyfpuntige sterre in wit.

Simboliek

Die vlag op ’n Turkmeense posseël, 1992.

Die groen en rooi kleure verskyn op die vlag omdat dit deur die geskiedenis heen deur die Turkmene gebruik is. Die wassende sekelmaan stel die land se hoop op ’n blink toekoms voor terwyl the vyf sterre die vyf provinsies (welayatlar) van Turkmenistan – Ahal, Balkan, Daşoguz, Lebap en Mary – voorstel.

Die vyf tradisionele tapytontwerpe in die rooi baan stel die vyf groot stamme voor en vorm ook motiewe in die land se wapen en vlag. Hierdie Turkmeense stamme in tradisionele volgorde (en van bo na onder op die vlag) is Teke, Yomut, Saryk, Chowdur en Ersari. Die middelste ontwerp kan ook die Salor voorstel – ’n stam wat geweier het weens ’n militêre nederlaag voor die moderne tydperk.

Die krans is teen die tradisie en reëls van die heraldiek toegevoeg deur die matontwerp te versteur. Dit is as ’n nagedagte toegevoeg om die “status van permanente neutraliteit” wat op 12 Desember 1995 deur die Algemene Vergadering van die Verenigde Nasies aanvaar is, voor te stel.

Geskiedenis

In die 1930’s was die Turkmeense vlag ’n enkele rooi baan met ’n groot goue hamer en sekel met ’n rooi ster daarbo in die skildhoek, soortgelyk aan die vlag van die Sowjetunie. In 1937 is die hamer en sekel vervang met die letters TSSP en in die 1940’s met die Cyrilliese karakters ТССР (TSSR) in goud. In 1953 is die ontwerp weer verander; hierdie keer is twee blou horisontale bane op die middel van die vlag toegevoeg met die hamer en sekel, asook die rooi ster wat teruggebring is. Die twee blou bane het die Amoedarja- en Sirdarjariviere, die rooi stel die “revolusionêre stryd van die werkende massa” voor, die hamer en sekel stel die kleinboere en werkersunie voor en die rooi ster is die simbool van die kommunistiese party.

Op 26 September 1973 het die Presidium van die Oppersowjet van die Turkmeense SSR die regulasie van die vlag van die Turkmeense SSR gewysig. Daarmee is die posisie van die goue simbole nader aan die vlagpaal verskuif.

Na onafhanklikheid in 1991 het Turkmenistan op 19 Februarie 1992 ’n vlag soortgelyk aan die huidige aanvaar. Die ontwerp in die vertikale baan het egter effens verskil. In 1997 is twee gekruisde olyftakke tot die vertikale baan toegevoeg om die vredeliewende aard van die Turkmeense volk uit te beeld. Die posisionering van die sekelmaan en sterre is ook verander, met die sekelmaan wat naastenby na die huidige posisie verskuif is maar met die sterre wat in ’n veel meer onewe posisie was. In 2001 is die vlag weer verander met die vlagverhouding van van 1:2 na 2:3 verander is en die groen kleur wat ligter gemaak is.

Vorige vlae

• 
  Vlag van die Turkmeense SSR, 1925 tot 1926
• 
  Vlag van die Turkmeense SSR, 1926 tot 1937
• 
  Vlag van die Turkmeense SSR, 1937 tot 1940
• 
  Vlag van die Turkmeense SSR, 1940 tot 1953
• 
  Vlag van die Turkmeense SSR, 1953 tot 1973
• 
  Vlag van die Turkmeense SSR, 1973 tot 1991
• 
  Vlag van Turkmenistan, 1992 tot 1997
• 
  Vlag van Turkmenistan, 1997 tot 2001

Ander vlae

• 
  Presidensiële Standaard van Turkmenistan
• 
  Vlag van Turkmenistan se Grondmag
• 
  Vlag van Turkmenistan se Lugmag
• 
  Vlag van Turkmenistan se Vloot

Eksterne skakels

• (en) Turkmenistan by Flags of the World
• (en) "Flag of Turkmenistan". Encyclopædia Britannica. Besoek op 28 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.