Vlag van Broenei

in Wikipedia, die vrye ensiklopedie
Jump to navigation Jump to search
Vlag van Broenei
Vlag van Broenei
Gebruik Burgerlike- en Staatsvlag en Burgerlike vaandel Burgerlike en staatsvlag en burgerlike vaandel
Verhouding 1:2
Goedgekeur 29 September 1959[1]
Ontwerp Twee parallelogramme in wit bo en swart onder van die skilhoek na onder in die wapperkant op ’n geel baan. In die middel is embleem van Broenei in rooi.

Die nasionale vlag van Broenei is op 29 September 1959 amptelik in gebruik geneem. Die vlag vertoon twee parallelogramme in wit bo en swart onder van die skilhoek na onder in die wapperkant op ’n geel baan. In die middel is embleem van Broenei in rooi.

Simboliek[wysig | wysig bron]

Die geel stel die Sultan van Broenei voor. In Suidoos-Asië is geel tradisioneel die koninklike kleur en die koninklike standaarde van Maleisië en Thailand, asook die vlag van Sarawak en die presidensiële vlag van Indonesië gebruik ’n geel baan.

Die embleem bestaan uit ’n sekelmaan (wat Islam voorstel) wat met ’n sambreel (wat monargie voorstel) saamgesmelt is saam met twee hande weerskante wat opwaarts wys (wat die welwillendheid van die regering voorstel). Onder die sekelmaan is ’n lint. Op die sekelmaan en lint is Arabiese inskripsie wat vertaal word na Staat van Broenei, Woning van vrede en Broenei se leuse Altyd in diens met God se leiding.

Die swart en wit parallelogramme stel Broenei se hoofministers voor.

Geskiedenis[wysig | wysig bron]

Die vlag in sy huidige vorm, behalwe vir die embleem, is sedert 1906 in gebruik toe Broenei ’n Britse protektoraat geword het na die ondertekening van ’n ooreenkoms tussen Broenei en Groot-Brittanje.

Die embleem is in 1959 op die vlag gesuperponeer na die promulgasie van die Grondwet van 29 September 1959.[2]

Die ontwerp is behou toe die land op 1 Januarie 1984 volle afhanklikheid verkry het en as Brunei Darussalam (Staat van Broenei, Woning van Vrede).

Ander vlae[wysig | wysig bron]

Persoonlike standaarde[wysig | wysig bron]

Sy Majesteit die Sultan het ’n persoonlike standaard in geel waarop die koninklike embleem op ’n rooi agtergrond in die middel van die standaard is.[3]

Die standaard van Haar Majesteit die Raja Isteri is liggeel met die koninklike embleem op ’n rooi agtergrond in die middel van die standaard.

Die Perdana Wazir het ook ’n persoonlike standaard wat deur Sy Majesteit die Sultan aan hom toegeken is. Die standaard is gesuperponeerde wit in die middel van die vlag met die koninklike embleem in liggeel. Die embleem word ondersteun deur “Si Kikil”, ’n kris wat met sy skede gekruis is.

Die persoonlike standaarde van die Pengiran Bendahara, Pengiran Digadong, Pengiran Pemancha en Pengiran Temenggong is onderskeidelik wit, groen, swart en rooi.

Die Sultan het ook persoonlike vlae aan laer amptenare, bekend as die Pengiran Cheteria, toegeken asook aan Pengiran en ander onderdane. Onder die Pengiran en hoogwaardigheidsbekleërs wat gemagtig is om persoonlike standaarde te gebruik, is:

  1. Afstammelinge van die Sultan tot in die vierde geslag,
  2. Afstammelinge van Wazir tot in die derde geslag,
  3. Afstammelinge van Cheteria tot in die tweede geslag,
  4. Menteri tot by Damong.

Hul persoonlike standaarde inkorporeer die koninklike embleem in rooi op ’n geel agtergrond in die vlag se skildhoek.

Verwysings[wysig | wysig bron]

  1. (en) Broenei”. Flags of the World. URL besoek op 10 April 2014.
  2. (en) The Brunei Darussalam State Flag”. Information Department, Prime Minister's Office. URL besoek op 23 March 2012.
  3. (en) The Brunei Darussalam State Flag - Page 2”. Information Department, Prime Minister's Office. URL besoek op 23 Maart 2012.

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.