Vlag van Siprus

in Wikipedia, die vrye ensiklopedie
Jump to navigation Jump to search
Vlag van Siprus
Vlag van Siprus
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 16 Augustus 1960[1]
Ontwerp ’n Enkele wit baan met die buitelyn van Siprus in goud gesentreer en twee groen olyftakkies daaronder.
Ontwerp deur İsmet Güney

Die nasionale vlag van Siprus is op 16 Augustus 1960 amptelik in gebruik geneem. Die vlag vertoon ’n enkele wit baan met die buitelyn van Siprus in goud op die baan gesentreer en twee groen olyftakkies onder die buitelyn.

Simboliek[wysig | wysig bron]

Die wit baan van die vlag stel vrede voor net soos die twee groen olyftakkies die vreedsame naasbestaan van die Griekse en Turkse Sipriote simboliseer. Die kleur van die buitelyn van Siprus herinner aan die betekenis van die naam “Siprus”, te wete die kopereiland.

Ontwerp[wysig | wysig bron]

Die kaart van die eiland beslaan 44% van die oppervlak. In die oorspronklike weergawe wat in Augustus 1960 aanvaar is, is Pantone 144-C vir die koper-/goudkleur gebruik en Pantone 336-C vir die groen olyftakkies. Die hoogte-breedteverhouding was 3:5.

Die vlae wat in Grieks-Siprus aangetref is, het verskil van hierdie voorskrifte. Die Grieks-Sipriotiese regering het in Oktober 2005 begin met maatreëls wat moet sorg dat slegs vlae wat aan die juiste spesifikasies voldoen, vervaardig word.

In 2006 is nuwe riglyne opgestel en is die kleure en die ontwerp (van die olyftakkies) effens aangepas. Vir die koper-/goudkleur sou voortaan Pantone 1385 gebruik word en vir die groen van die olyftakkies Pantone 574. Ook die hoogte-breedteverhouding is aangepas en op 2:3 vasgelê, wat wêreldwyd ’n meer gebruiklike formaat is.

Geskiedenis[wysig | wysig bron]

Voor die vlag van Siprus ingestel is, is die vlae van Griekeland en Turkye gebruik. Die huidige vlag was die resultaat van ’n vlagontwerpkompetisie wat in 1960 gehou is. Volgens die grondwet mag die vlag nie die kleure blou of rooi (onderskeidelik die kleure van die vlae van Griekeland en Turkye) insluit nie, en dit mag ook nie ’n afbeelding van ’n kruis of sekelmaan bevat nie. Alle deelnemers het die gebruik van hierdie kleure en simbole uitdruklik vermy in ’n poging om ’n neutrale vlag te skep.

Die wenontwerp is ontvang van İsmet Güney, ’n kunsonderwyser en Turkse Siprioot.[2] Die ontwerp is deur die eerste President van die Republiek van Siprus, Makarios III van Siprus, met die goedkeuring van die eerste Vise-president, Fazil Küçük.

Gebruik van die vlag[wysig | wysig bron]

Volgens die Sipriese grondwet mag die vlag slegs staatsinstellings, openbare korporasies en burgers van Siprus, die vlag vertoon. Staatsinstellings, openbare liggame en korporasies mag die vlag van Siprus naas die vlag van Griekeland of Turkye, of albei, vertoon. Privaatburgers mat die ook die vlag van Siprus naas die vlag van Griekeland of Turkye, of albei, vertoon.

Ten spyte van ’n poging tot die ontwerp van ’n neutrale vlag om eenheid onder die verskillende gemeenskappe van Siprus teweeg te bring, vir die vlag hoofsaaklik deur die Grieks Sipriote gebruik omdat die Turkse Sipriote dit hoofsaaklik assosieer met die Grieks oorheersde Republiek van Siprus. Na afloop van die Turkse inval in Siprus en die oprigting van die selfverklaarde Turkse Republiek van Noord-Siprus, gebruik Turkse Sipriote die vlag van Noord-Siprus.

Ander vlae[wysig | wysig bron]

Voorgestelde vlag[wysig | wysig bron]

Volgens die terme van die Annan-plan vir Siprus (’n voorstel van die Verenigde Nasies ter oplossing van die Sipruskonflik) sou ’n nuwe vlag aanvaar word deur ’n hersaamgestelde konfederale republiek van Siprus. Anders as die huidige amptelike vlag bevat hierdie weergawe doelbewus die kleure wat Griekeland (blou) en Turkye (rooi) verteenwoordig, tesame met ’n groot koperbaan vir Siprus; Dit is moontlik dat enige toekomstige oplossing in Siprus die aanvaarding van ’n nuwe vlag sal insluit.

Verwysings[wysig | wysig bron]

  1. (en) Siprus”. Flags of the World. URL besoek op 6 Januarie 2017.
  2. (en) Evripidou, Stefanos (25 Junie 2009). "Ontwerper van Siprusvlag sterf". Cyprus Mail. Geargiveer vanaf die oorspronklike op 26 Junie 2009. Besoek op 11 Julie 2009. 

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.