Vlag van Viëtnam

in Wikipedia, die vrye ensiklopedie
Spring na: navigasie, soek
Vlag van Viëtnam
Vlag van  Viëtnam
Bynaam (vi) Cờ đỏ sao vàng (Rooi vlag met ’n goue ster)
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 5 September 1945[1]
Ontwerp ’n Enkele rooi baan met ’n goue ster in die middel.
Ontwerp deur Nguyễn Hữu Tiến
Wisselvormvlag van  Viëtnam
Gebruik Oorlogsvlag Oorlogsvlag
Verhouding 2:3
Ontwerp ’n Enkele rooi baan met ’n goue ster in die middel en die woorde “Quyết thắng” in die skildhoek.

Die nasionale vlag van Viëtnam is op 5 September 1945 amptelik in gebruik geneem. Die vlag vertoon ’n enkele rooi baan met ’n goue vyfpuntige ster in die middel.

Simboliek[wysig | wysig bron]

Die vlag bestaan soos vermeld uit ’n rooi veld met ’n goue ster wat die leierskap van die Viëtnamese Kommunistiese Party voorstel. Die vyf punte van die ster stel die arbeiders, die boere, die soldate, die intellektuele en die handelaars voor.[2] Die rooi in die vlag stel die bloed van die volk en die kommunistiese revolusie voor.

Ontwerp[wysig | wysig bron]

Volgens die Grondwet van 1992: “Die Nasionale Vlag van die Sosialistiese Republiek van Viëtnam is reghoekig met die hoogte gelyk aan tweederdes van die wydte; in die middel van die varsrooi agtergrond is ’n helder vyfpuntige ster in goud.”[3]

Konstruksietekening

Kleure[wysig | wysig bron]

Skema Pantone CMYK RGB Hexadseimaal NCS
Rooi 1788 0.88.88.11 226, 28, 28 #E21C1C S 1085 Y80R
Geel Geel 116 0.0.100.0 255, 255, 0 #FFFF00 S 0570 G70Y

Geskiedenis[wysig | wysig bron]

Viëtnamese vlag in Hanoi.

Viëtnam (destyds bekend as Annam) was van 1883 deel van die Unie van Frans-Indosjina. Annam het ’n geel vlag met die vlag van Frankryk in die skildhoek gebruik. Tydens die Tweede Wêreldoorlog was Viëtnam ’n vasalstaat van Japan. Gedurende hierdie periode het die land ’n geel vlag met drie horisontale bane waarvan die middelste ’n gaping gehad het, gebruik.

Na afloop van die Tweede Wêreldoorlog is Viëtnam in ’n noordelike en suidelike deel verdeel. Noord-Viëtnam het ’n vlag soortgelyk aan dié van die huidige aangeneem terwyl Suid-Viëtnam aanvanklik dieselfde vlag as wat gedurende die vasalstaattydperk gebruik is, aangeneem. In 1948 is die middelste baan deur ’n ononderbroke baan vervang. Hierdie vlag was afkomstig van die magtige Nguyen-dinastie wat die vlag tussen 1890 en 1920 gebruik het. Die vlag word soms nog deur Viëtnamese emigrante in o.m. die Verenigde State gebruik omdat hulle die huidige vlag as ’n simbool van kommunistiese onderdrukking beskou. Andersyds word mense in Viëtnam vervolg wat die voormalige vlag van Suid-Viëtnam vertoon.

Na die val van Saigon op 30 April 1975 aan die hand van Noord-Viëtnam, het Suid-Viëtnam oorgegee, en is die Viëtnamoorlog beëindig. Tydens die Viëtnamoorlog het die kommuniste in Suid-Viëtnam op 8 Junie 1969 ’n eie staat, te wete die Republiek van Suid-Viëtnam, opgerig. Die vlag wat hierdie republiek gebruik het was soortgelyk aan dié van Noord-Viëtnam maar met die onderste helfte van die vlag in ligblou. Vanaf 30 Junie 1975 tot en met die amptelike hereniging op 2 Julie 1976 was dit ook die amptelike vlag van Suid-Viëtnam.[4]

Die huidige vlag is deur die Vietminh, ’n kommunistiese organisasie wat in 1941 as opposisie teen Japannese okkupasie gestig is, gebruik. Aan die einde van die Tweede Wêreldoorlog het Hồ Chí Minh, leier van Vietminh, Viëtnamese onafhanklikheid verklaar en op 5 September 1945 ’n dekreet onderteken wat die vlag as die vlag van Noord-Viëtnam aanvaar het.[5] Die DRV het na die Geneefse Konverensie van 1954 die regering van Noord-Viëtnam oorgeneem. Die vlag is op 30 November 1955 aangepas om die kante van die ster duideliker te laat vertoon.[6]

Vorige vlae[wysig | wysig bron]

Ander vlae[wysig | wysig bron]

Verwysings[wysig | wysig bron]

  1. (en) "Viëtnam". Flags of the World. Verkry op 28 Oktober 2017. 
  2. (en) [1]
  3. Grondwet van die Sosialistiese Republiek van Viëtnam, Article 141.
  4. (en) Resolusie van 7 Julie 1976, Argief van Viëtnamese regsdokumente.
  5. (en) Dekreet nommer 5 van 5 September 1945, Argief van Viëtnamese regsdokumente.
  6. (en) Resolusie 249/SL van 30 November 1955, Argief van Viëtnamese regsdokumente.

Sien ook[wysig | wysig bron]

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Engelse Wikipedia vertaal.