Vlag van Oman

in Wikipedia, die vrye ensiklopedie
Vlag van Oman
Vlag van Oman
Vlag van Oman
Gebruik Nasionale vlag en Burgerlike- en Staatsvaandel Nasionale vlag en burgerlike- en staatsvaandel
Verhouding 1:2
Goedgekeur 18 Oktober 1995[1]
Ontwerp ’n Vertikale rooi baan aan die vlagpaalkant met drie horisontale bane in, van bo na onder, wit, rooi en groen met die landswapen in die skildhoek

Die nasionale vlag van Oman is op 18 Oktober 1995 amptelik in gebruik geneem. Die vlag vertoon ’n vertikale rooi baan aan die vlagpaalkant met drie horisontale bane in, van bo na onder, wit, rooi en groen met die landswapen in die skildhoek.

Simboliek[wysig | wysig bron]

Elk van die kleure het ’n simboliese betekenis:

  • Wit stel die Omaanse volk se vertroue in vrede en vooruitgang voor;
  • Groen stel vrugbaarheid en die groen van Oman voor;
  • Rooi is geneem uit die vorige Omanitiese vlag en stel die stryd teen buitelandse leërs voor.

Voorts stel wit die ou imamaat in die binneland voor en rooi die hoofstad Maskat.

Geskiedenis[wysig | wysig bron]

Tot 1975 het Oman die eenvoudige rooi vlag van die inheemse Omane gebruik. In 1970 het die Sultan ’n nuwe nasionale vlag bekendgestel. ’n wit en groen baan is aan die wapperkant toegevoeg en die nasionale embleem, die wapen van die Albusaidi-dinastie is in die skildhoek aangebring.

Tussen 1970 en 1995 was die grootte van die horisontale rooi baan dunner as dié van die wit en groen bane (ongeveer een vyfde van die hoogte met die ander twee vyfdes elk).

Ander vlae[wysig | wysig bron]

Die standaard van die Sultan van Oman is ’n rooi vlag met ’n dik groen rand (ongeveer een sesde van die hoogte van die vlag) en ’n dik rooi rand van dieselfde dikte daar rondom. Dit bevat die land se embleem in goud in die middel van die vlag.

Verwysings[wysig | wysig bron]

  1. "Oman" (in Engels). Flags of the World. Geargiveer vanaf die oorspronklike op 27 Mei 2019. Besoek op 28 Mei 2019.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.