Vlag van Libanon

in Wikipedia, die vrye ensiklopedie
Spring na: navigasie, soek
Vlag van Libanon
Vlag van  Libanon
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 7 Desember 1943[1]
Ontwerp Drie horisontale bane in rooi, wit en rooi met ’n groen seder in die middel van die wit baan.

Die nasionale vlag van Libanon is op 7 Desember 1943 amptelik in gebruik geneem. Die vlag vertoon drie horisontale bane in rooi, wit en rooi met ’n groen seder in die middel van die wit baan.

Simboliek[wysig | wysig bron]

Die teenwoordigheid en posisie van die seder in die middel van die vlag is direk geïnspireer deur die Libanese seders (Cedrus libani) op die berge. Die seder is ’n teken van heiligheid, ewigheid en vrede. Dit is ’n embleem van langlewendheid en het sy oorsprong in talle bybelse verwysings.

Cedrus libani

Die seder van Libanon word 77 keer in die Bybel genoem, vernaam in Psalm 92:13 wat lui: “Die regverdige sal groei soos ’n palmboom; hy sal opgroei soos ’n seder op die Libanon”[2] en Psalm 104:16 wat lui: “Die bome van die HERE word versadig, die seders van die Libanon wat Hy geplant het.”[3]

In sy verwondering oor die seders van Libanon het Alphonse de Lemartine (1790–1869) tydens sy reis na die ooste saam met sy dogter Julie die volgende te sê gehad: “[d]ie seders van Libanon is die oorblyfsels van eeue en natuur, die bekendste natuurlike landmerke in die heelal. Hulle ken die geskiedenis van die aarde beter as die verhaal self.[4]

Antoine de Saint-Exupéry (1900–1944) wat ook lief was vir die seders en Libanon in 1935 besoek het, het in sy werk Citadel geskryf “vrede is ’n lang, groeiende boom. Ons het dit nodig soos ’n seder wat hom op ’n rots vestig”.[5]

Vir die Libanese is die seder ’n simbool van hoop, vryheid en herinnering. In 1920, in ’n teks oor die proklamasie van die Staat van Groter Libanon, is gesê: “ ’n immergroen seder is soos ’n jong volk, ’n wrede verlede ten spyt. Hoewel onderdruk, nooit verower nie, is die seder sy wekroep. Deur vereniging sal dit alle aanvalle afweer”.[5]

Die wit van die vlag stel die sneeu as simbool van reinheid en vrede voor. Die twee rooi bane verwys na die Libanese bloedvergieting om die land teen opeenvolgende aanvallers te bewaak.

Ontwerp[wysig | wysig bron]

Volgens Artikel 5 van die Grondwet van Libanon bestaan die Libanese vlag uit drie horisontale bane, ’n wit baan tussen twee rooi bane. Die hoogte van die wit baan is gelyk aan albei rooi bane. In die middel van die wit baan is ’n groen sederboom waarvan die bopunt aan die boonste rooi baan raak en die stam aan die onderste rooi baan; die boom neem een derde van die wit baan in beslag.[6]

Konstruksietekening

Geskiedenis[wysig | wysig bron]

Deur die geskiedenis van Libanon het die land, of ten minste die streek, die vlag aangeneem van die besetter (Mameluk, Ottomaanse Ryk).

Gedurende die Franse Mandaat Sirië is die Libanese vlag ontwerp deur Naoum Mukarze, die president van die Libanese Weerstandsbeweging. Dit was soortgelyk aan die driekleur vlag van Frankryk met ’n seder in die middel.

Die huidige Libanese vlag is aanvaar kort voor onafhanklikheid van Frankryk in 1943. Die vlag is vir die eerste keer geskets deur Henri Pharaon, ’n LP wat pro-onafhanklikheid was,[7][8] in Saeb Salam se huis. Dit is op 7 Desember 1943 aanvaar gedurende ’n vergadering in die parlement, waar artikel 5 van die Libanese Grondwet gewysig is.

Een teorie is dat aangesien Henri Pharaon ’n jarelange kunsul in Wene, Oostenryk en vriend van die “Austro-Libanese Vereniging van Vriendskap” was, die kleure geïnspireer kan wees deur die vlag van Oostenryk. Dit kan egter ook wees dat die kleure van die vlag ontleen is aan die geografie van Libanon met die boonste rooi baan wat Berg Libanon voorstel en die onderste rooi baan wat die Anti-Libanon Gebergtes voorstel met die wit wat die Bekavallei voorstel wat tussen die twee bergreekse geleë is.

Antieke vlae van Libanon[wysig | wysig bron]

Vlae van stamme gedurende die Middeleeue[wysig | wysig bron]

Vlae van sultanate en emirate[wysig | wysig bron]

Franse Mandaat van Libanon[wysig | wysig bron]

Vlagvariante van Libanon[wysig | wysig bron]

Die volgende is ’n lys van vlagvariante wat in Libanon gebruik word:

Soortgelyke vlae[wysig | wysig bron]

Verwysings[wysig | wysig bron]

  1. (en) "Libanon". Flags of the World. Verkry op 30 Mei 2015. 
  2. "Psalm 92". Verkry op 30 Mei 2015. 
  3. "Psalm 104". Verkry op 30 Mei 2015. 
  4. (fr) "Firdaous - Arab world". Verkry op 2 September 2013. 
  5. 5,0 5,1 (fr) "L'Orient-Le Jour". Verkry op 27 Oktober 2014. 
  6. (en) "Departement van Inligting". Verkry op 27 Oktober 2014. 
  7. (en) "Henry Pharoun Tuis Vermoor; Stigter van 'n Vrye Libanon Was 92". The New York Times. 7 Augustus 1993. Verkry op 8 Oktober 2008. 
  8. (en) "Lubnān, Republic of Lebanon, Al-Jumhūriyyah al-Lubnāniyyah". Flags of The World. CRW. Verkry op 8 Augustus 2009. 
  9. 9,0 9,1 9,2 (en) [1]
  10. (en) "Vlae van Nieu-Engeland". Crwflags.com. Verkry op 7 November 2008. 

Eksterne skakels[wysig | wysig bron]

  • (en) Libanon by Flags of the World.


Hierdie artikel is in sy geheel of gedeeltelik vanuit die Engelse Wikipedia vertaal.