Wêreldtoetskampioenskap

in Wikipedia, die vrye ensiklopedie
Wêreldtoetskampioenskap
Wêreldtoetskampioenskap 2023–2025
Beskrywing.
Kenteken van die Wêreldtoetskampioenskap
Sportsoort Toetskrieket
Gestig 2019
Eienaar Internasionale Krieketraad
Inwydingseisoen Wêreldtoetskampioenskap 2019–2021
Deelnemende lande Die voorste toetskrieketlande
Aantal spanne 9
Mees onlangse kampioen Vlag van Australië Australië (2021–2023)
Verwante kompetisies Kampioenetrofee, Krieketwêreldbeker, o/19-krieketwêreldbeker, T20I-wêreldbeker

Die Wêreldtoetskampioenskap (Engels: ICC World Test Championship), ook die Toetswêreldbeker (Test World Cup) genoem, is ’n ligakompetisie vir toetskrieket gereël deur die Internasionale Krieketraad (IKR) wat op 1 Augustus 2019 ingestel is.[1][2] Dit is die premierkampioenskap vir toetskrieket en strook met die IKR se doelwit om een toptoernooi vir elkeen van die drie internasionale krieketformate te hê.[3]

Die oorspronklike planne om die toernooi in 2009 aan te bied en die Kampioenetrofee 2013 te vervang is laat vaar. Dit was herskeduleer vir Junie 2017 met ’n tweede toetskampioenskap wat in Indië in Februarie en Maart 2021 beslis sou word.[4][5] Die vier beste spanne soos op 31 Desember 2016 – die sperdatum wat deur die IKR bepaal is – sou die toetskampioenskap se drie wedstryde beslis. Oorspronklik is twee halfeindstryde en een eindstryd beplan.[6] In Januarie 2014 is die Wêreldtoetskampioenskap egter gekanselleer en die Kampioenetrofee 2017 heringestel.[7]

In Oktober 2017 het die IKR aangekondig dat sy lede ooreengekom het op ’n toetsliga, waaraan die nege beste spanne oor twee jaar sou deelneem en die twee beste spanne sou ontmoet in die eindstryd, wat as ’n IKR-geleentheid erken sou word.[8] Die ligawedstryde word egter nie as ’n IKR-geleentheid erken nie en die uitsaairegte behoort aan die lande se beheerliggame en nie aan die IKR nie. In teenstelling met die ligawedstryde word die eindstryd wel as ’n IKR-geleentheid erken. Die eerste Wêreldtoetskampioenskap 2019–2021 het met die As-reeks in 2019 begin en in Junie 2021 geëindig met die eindstryd, waarin Nieu-Seeland Indië verslaan het.[9] Die tweede Wêreldtoetskampioenskap 2021–2023 het in 2021 met die Pataudi-trofeereeks begin en in Junie 2023 geëindig met die eindstryd, waarin Australië Indië verslaan het.[10] Die derde Wêreldtoetskampioenskap 2023–2025 het in Junie 2023 met die As-reeks begin en sal in Junie 2025 met die eindstryd eindig.[11]

Na die trofee van die Wêreldtoetskampioenskap word as the mace verwys en dit is ’n goue staaf. Met die instelling van die Wêreldtoetskampioenskap het toetskrieket die jongste krieketformaat geword om sy eie IKR-trofee te kry, hoewel dit die oudste krieketformaat is. Hoewel twaalf lande toetsstatus geniet, neem slegs nege lande aan die Wêreldtoetskampioenskap deel, aangesien Afghanistan, Ierland en Zimbabwe nie as sterk genoeg vir deelname geag word nie.

Uitslae[wysig | wysig bron]

Jare Eindstrydgasheerland Eindstrydplek Eindstryd
Wenner Uitslag Naaswenner Deelnemende lande
2019–2021 Vlag van Engeland Engeland Rose Bowl, Southampton,
Verenigde Koninkryk 		Vlag van Nieu-Seeland Nieu-Seeland
249 & 140/2 		Nieu-Seeland wen met agt paaltjies
Telkaart 		Vlag van Indië Indië
217 & 170 		9
2021–2023 Vlag van Engeland Engeland The Oval, Londen,
Verenigde Koninkryk 		Vlag van Australië Australië
469 & 270/8v 		Australië wen met 209 lopies
Telkaart 		Vlag van Indië Indië
296 & 234 		9
2023–2025 Vlag van Engeland Engeland Lord’s, Londen,
Verenigde Koninkryk 		9

Statistiek[wysig | wysig bron]

Verklaring
1ste Wenner
2de Naaswenner
3de Derde plek
K Kwalifiseer vir volgende toernooi
Span WTK 2019–2021 WTK 2021–2023 WTK 2023–2025 Deelnames
Vlag van Afghanistan Afghanistan – – – 0
Vlag van Australië Australië 3de 1ste K 3
Vlag van Bangladesj Bangladesj 9de 9de K 3
Vlag van Engeland Engeland 4de 4de K 3
Vlag van Ierland Ierland – – – 0
Vlag van Indië Indië 2de 2de K 3
Vlag van Nieu-Seeland Nieu-Seeland 1ste 6de K 3
Vlag van Pakistan Pakistan 6de 7de K 3
Vlag van Sri Lanka Sri Lanka 7de 5de K 3
Vlag van Suid-Afrika Suid-Afrika 5de 3de K 3
Vlag van Wes-Indië Wes-Indië 8ste 8ste K 3
Vlag van Zimbabwe Zimbabwe – – – 0
Deelnemers 9 9 9

Sien ook[wysig | wysig bron]

Verwysings[wysig | wysig bron]

  1. ↑ (en) "Schedule for inaugural World Test Championship announced". Internasionale Krieketraad. Besoek op 16 Junie 2023.
  2. ↑ (en) Andrew Ramsey (20 Junie 2018). "Aussies to host Afghans as part of new schedule". Krieket Australië. Besoek op 16 Junie 2023.
  3. ↑ (en) "Test Championship to replace Champions Trophy". ESPNcricinfo. 29 Junie 2013. Besoek op 16 Junie 2023.
  4. ↑ (en) Sharda Ugra (16 April 2012). "ICC presidency term to be cut to a year". ESPNcricinfo. Besoek op 16 Junie 2023.
  5. ↑ (en) Tariq Engineer (17 April 2012). "No Champions Trophy after 2013". ESPNcricinfo. Besoek op 16 Junie 2023.
  6. ↑ (en) "Not a tournament but four teams will play first World Test Championship". India Today. 1 Julie 2013. Besoek op 16 Junie 2023.
  7. ↑ (en) "No Test Championship, Champions Trophy to continue: ICC". Zee News. 8 Februarie 2014. Geargiveer vanaf die oorspronklike op 8 Desember 2021. Besoek op 8 Desember 2021.
  8. ↑ (en) Daniel Brettig (13 Oktober 2017). "Test, ODI leagues approved by ICC Board". ESPNcricinfo. Besoek op 16 Junie 2023.
  9. ↑ (en) Sidharth Monga (23 Junie 2021). "Under the radar no more, New Zealand trump India to become Test world champions". ESPNcricinfo. Besoek op 16 Junie 2023.
  10. ↑ (en) Sidharth Monga (11 Junie 2023). "Boland breaks India's resistance as Australia claim WTC title". ESPNcricinfo. Besoek op 16 Junie 2023.
  11. ↑ (en) Nagraj Gollapudi (26 Julie 2022). "Lord's to host next two WTC finals". ESPNcricinfo. Besoek op 16 Junie 2023.

Eksterne skakels[wysig | wysig bron]


Wêreldtoetskampioenskap

Wêreldtoetskampioenskap 2019–2021 • Wêreldtoetskampioenskap 2021–2023 • Wêreldtoetskampioenskap 2023–2025 • 2025–2027 • 2027–2029 • 2029–2031

Ontsluit van "https://af.wikipedia.org/w/index.php?title=Wêreldtoetskampioenskap&oldid=2620952"