Ierse nasionale krieketspan

in Wikipedia, die vrye ensiklopedie
Jump to navigation Jump to search
Ierland
Cricket Ireland flag.svg
Vlag van die Ierse nasionale krieketspan
BynaamMen in Green, Green Whites
KonferensieKrieket Ierland
Personeel
KapteinAndrew Balbirnie
AfrigterGraham Ford
Geskiedenis
Toetsstatus verkry2017
Internasionale Krieketraad
IKR-statusAssosiaatlid (1993)
Volle lid (2017)
IKR-streekEKR (Europa)
IKR-ranglys Tans[1] Beste rang tot dusver
Toetsrang12de12de
EDI11de10de
T20I14de9de
Toetse
Eerste toetst Vlag van Pakistan Pakistan op Malahide Krieketklubterrein, Dublin; 11–15 Mei 2018
Laaste toetst Vlag van Engeland Engeland op Lord’s, Londen; 24–26 Julie 2019
Toetse Gespeel Gewen/Verloor
Totaal[2]30/3
(0 onbeslis)
Vanjaar[3]00/0 (0 onbeslis)
Internasionale eendagwedstryde
Eerste EDIt Vlag van Engeland Engeland op Stormont, Belfast; 13 Junie 2006
Laaste EDIt Vlag van Wes-Indië Wes-Indië op Nasionale krieketstadion, St. George’s; 12 Januarie 2020
EDIs Gespeel Gewen/Verloor
Totaal[4]15667/78
(3 gelykop, 8 geen uitslag)
Vanjaar[5]30/3
(0 gelykop, 0 geen uitslag)
verskynings tydens wêreldbeker-toernooie3 (eerste in 2007)
Beste uitslagSuper 8 (in 2007)
verskynings tydens wêreldbeker-kwalifiserings5 (eerste in 1994)
Beste uitslagKampioen (in 2009)
Twintig20s
Eerste T20It Vlag van Skotland Skotland op Stormont, Belfast; 2 Augustus 2008
Laaste T20It Vlag van Wes-Indië Wes-Indië op Warnerpark, Basseterre; 19 Januarie 2020
T20Is Gespeel Gewen/Verloor
Totaal[6]9541/46
(1 onbeslis, 7 geen uitslag)
Vanjaar[7]31/1
(0 onbeslis, 1 geen uitslag)
Verskynings by T20-wêreldbeker-toernooie5 (eerste in 2009)
Beste uitslagSuper 8 (in 2009)
Verskynings by T20-wêreldbeker-kwalifiserings5 (eerste in 2008)
Beste uitslagKampioen (in 2008, 2012 en 2013)
Toetsklere
EDI-klere
T20I-klere

Die Ierse nasionale krieketspan (Engels: Ireland national cricket team), met die bynaam die Men in Green en Green whites, verteenwoordig die hele Ierland in internasionale krieket. Krieket word in Ierland deur Krieket Ierland geadministreer. Hulle neem deel aan die Toets-, Eendag- en Twintig20-wedstryde op internasionale vlak. Ierland is tans (17 Februarie 2020) twaalfde op die IKR-toetsranglys, elfde op die eendagranglys, en 14de op die Twintig20-wêreldranglys.[8][9][10]

Krieket is op die been gebring in Ierland in die 19de eeu, en die eerste wedstryd deur ’n Ierse span is in 1855 gespeel. Ierland het in die laat 19de eeu na Kanada en die Verenigde State van Amerika getoer, en het soms wedstryde teen die toerspanne gehuisves. Wedywering met die Skotse nasionale krieketspan is gestig toe die eerste spanne in 1888 teen mekaar gespeel het.[11] Ierland se eerste eersterangse wedstryd is in 1902 gespeel.[12] Ierland het in 2009 kontrakte aan hul spelers bekendgestel, dit merk dus die oorgang na ’n professionele span. Hulle is die elfde volle lid van die Internasionale Krieketraad (IKR), en ná Engeland die tweede in Europa, nadat hulle – saam met Afghanistan – op 22 Junie 2017 bekroon is met toetsstatus.[13][14][15][16][17]

Ierland is in 1993 deur die IKR assosiaatstatus toegeken, maar hulle het hul eerste volle EDI in 2006 teen Engeland met die oog op die Krieketwêreldbeker in 2007 gespeel; dit was Ierland se eerste suksesvolle kwalifisering. Tydens dié toernooi kon Ierland verskeie noemenswaardige uitslae teen volle lede behaal, insluitende ’n gelykop teen Zimbabwe, en oorwinnings oor beide Pakistan en Bangladesj het Ierland se EDI-status ná die toernooi laat bevestig. Sedertdien het hulle al in 150 EDI-wedstryde gespeel, 64 gewen, 75 verloor, 8 onbeslis, en 3 gelykop.[18] Ná verdere sukses in die kortste vorm van krieket kon Ierland ook vir die IKR se T20-wêreldbekertoernooie in 2009, 2010, 2012, 2014, 2016 en 2020 kwalifiseer.

Voordat hulle toetsstatus verkry het, het Ierland ook eersteklas internasionale krieket tydens die IKR se Interkontinentale Beker gespeel, wat hulle tussen 2005 en 2013 vier keer kon wen. Voor hul sukses in die eersteklas Interkontinentale Beker en verdere oorwinnings oor volle lede tydens die Krieketwêreldbeker 2011 (Engeland) en Krieketwêreldbeker 2015 (Wes-Indië en Zimbabwe), is na Ierland as die "leidende assosiaatlid" verwys[19] en hul voorneme bekend gemaak om teen 2020 ’n volle lid te word. Hierdie doel is in Junie 2017 bereik, toe die IKR volle status aan beide Afghanistan en Ierland toegeken het, waarvolgens albei lande toetswedstryde mag speel.

Die Ierse nasionale krieketspan is in die krieketwêreld uniek, omdat dit die hele Ierland verteenwoordig en nie net een onafhanklike staat nie. Spelers uit beide die Republiek Ierland en Noord-Ierland, een van die vier lande van die Verenigde Koninkryk, mag vir die Ierse krieketspan uitdraf. Vervolgens gebruik die Ierse krieketspan nóg een van die lande se volksliedere, nóg een val hul vlae as ’n verteenwoordigende simbool; pleks daarvan gebruik die Ierse nasionale krieketspan sy eie vlag – dié van Krieket Ierland – en himne. As gevolg van die gemeensame span vir beide die Republiek Ierland en Noord-Ierland word die Ierse nasionale krieketspan, nes die soortgelyke Ierse nasionale hokkiespan en die Ierse nasionale rugbyspan, as ’n belangrike simbool vir vrede en samewerking op die polities verdeelde eiland Ierland beskou. In internasionale krieket is daar net twee ander spanne wat meer as een krieketnasie verteenwoordig, hulle is Engeland – vir beide Engeland en Wallis – en Wes-Indië vir verskeie eilandnasies van die Karibiese gebied.

Geskiedenis[wysig | wysig bron]

Vroeë geskiedenis[wysig | wysig bron]

Die Engelsman Charles Lawrence was in die 1850’s verantwoordelik vir die ontwikkeling van krieket in Ierland

Krieket is in die vroeë 19de eeu deur die Engelse na die stede Kilkenny en Ballinasloe in Ierland gebring. In die 1830’s het die spel begin versprei; baie van die klubs wat in die volgende 30 jaar gestig is bestaan tot vandag toe.[20] Die eerste Ierse nasionale span het in 1855 teen die Here uit Engeland in Dublin gespeel. In die 1850’s was die Engelsman Charles Lawrence as afrigter verantwoordelik vir die ontwikkeling van die spel in Ierland.[20] In die 1850’s en 1860’s is Ierland vir die eerste keer deur professionele spanne besoek. Ierland se eerste wedstryd teen die Marylebone Krieketklub (MKK) was in 1858.[20]

Die spel het tot in die vroeë 1880’s gewildheid verwerf. Die landoorlog in die land 1880’s as gevolg van die Ierse Landkommissie en ’n verbod op die uitoefening van "buitelandse" spele, as ’t ware Britse, deur die Gaeliese Atletiekvereniging het die verspreiding van krieket teruggestel. Die verbod is in 1970 opgehef, en voorheen was die uitoefening van enige buitelandse spel soos krieket van die Ierse spele soos hurling en Gaeliese voetbal uitgesluit. Ierse spanne het in 1879, 1888, 1892 en 1909 na Kanada en die Verenigde State getoer. In 1904 was Ierland in staat om ’n toerende Suid-Afrikaanse span te verslaan.[20] Hul eerste wedstryd met eersterangse status is op 19 Mei 1902 teen ’n Londense countyspan, insluitende W.G. Grace, gespeel. Die Iere, aangevoer deur Sir Tim O'Brien, het duidelik met 238 lopies gewen.[21]

Voor 1993[wysig | wysig bron]

Ná die 1902-toer na Engeland – waar Ierland van vier wedstryde een gewen, twee gelykop gespeel en een nederlaag gely het – het Ierland vir ’n verdere vyf jaar nie eersterangse krieket gespeel nie.[22] Alhoewel die Iere in 1894 teen Suid-Afrika verloor het – Ierland se eerste wedstryd teen ’n toetsnasie – het Ierland Suid-Afrika in 1904 geklop; hul eerste oorwinning oor ’n toetsnasie.[23] In 1909 is die eerste jaarlikse eersterangse wedstryd tussen Ierland en Skotland aangebied, en vanaf 1924 is ’n jaarlikse wedstryd teen die MKK gereël.[20]

Die Iere het tot in 1999 jaarlikse eersterangse wedstryde teen die Skotte gespeel, net onderbroke deur die wêreldoorloë, maar al hul ander krieketwedstryde was van toerende internasionale spanne afhanklik, wat dit as gerieflik beskou het om ’n besoek aan Ierland tydens hul toere in te sluit, al dan nie. Ierland was soms egter in staat om toetsnasies tydens hierdie geleenthede te verras, byvoorbeeld het hulle in 1928 Wes-Indië met 60 lopies tydens ’n driedaagse wedstryd in Dublin verslaan; dit was Ierland se eerste oorwinning oor Wes-Indië.[23] In 1969 het die Ierse span tydens ’n wedstryd in Sion Mills, Tyrone, ’n Wes-Indiese span, insluitende Clive Lloyd en Clyde Walcott, met 9 paaltjies verslaan, nadat hulle Wes-Indië vir 25 uitgeboul het.[24] Dit was die laaste keer wat Ierland ’n toerende span verslaan het tot in 2003, wanner hulle Zimbabwe met 10 paaltjies verslaan het.[25]

Die Skotte en die Iere het destyds veral met Sri Lanka om die titel as die beste nie-toetsnasie meegeding – inderdaad het Ierland in 1979 tydens ’n deur reën geaffekteerde wedstryd met Sri Lanka gelykop gespeel, nadat Ierland 341 vir 7 in twee beurte aangeteken het, terwyl Sri Lanka 288 vir 6 in een beurt geslaan het. Ierland, saam met Skotland en Nederland, het soms aan kompetisies vir Engelse countyspanne, insluitende die Benson & Hedges-beker en die Friends Provident-trofee (voorheen die C&G-trofee) deelgeneem. Aangesien dat in countykrieket geen beperkings rakende nasionaliteit bestaan nie, kon gedurende die kompetisie nie-Iere vir die Ierse span uitdraf. Byvoorbeeld het die Suid-Afrikaner Hansie Cronjé in 1997 vir Ierland gespeel,[26] maar ook die Nieu-Seelander Jesse Ryder in 2007.[27]

Assosiaatlid (1993–2007)[wysig | wysig bron]

Ierland (in heldergroen) speel teen Essex in die Friends Provident Trophy in 2007 op Castle Avenue in Dublin

Ierland het in 1993 by die IKR as ’n assosiaatlid aangesluit, een jaar vroeër as Skotland.[28] Vervolgens kon Ierland in 1994 vir die eerste keer aan die IKR-trofee deelneem, en hulle het tydens dié toernooi sewende geëindig.[29] Drie jaar later het hulle tydens die toernooi tot die halfeindstryd gevorder, maar die uitspeelwedstryd om die derde plek teen Skotland verloor, en sodoende versuim om vir die Krieketwêreldbeker 1999 te kwalifiseer. Ierland het agtste tydens die 2001-toernooi geëindig.[30] Daarna is Adrian Birrell as afrigter aangestel.[31]

Met die invoering van die Interkontinentale beker in 2004,[32] het Ierland ’n kans gekry om gereeld eersterangse krieket te spel. Nadat hulle versuim het om tydens die 2004-toernooi vanaf die groepfase te vorder,[33] het Ierland in Oktober 2005 sy eerste bekertitel met ’n oorwinning van 6 paaltjies oor Kenia ingepalm.[34] Tydens die IKR-trofee in 2005, wat in Ierland aangebied is – die groepfase in Belfast, Noord-Ierland, en die uitklopfase in Dublin, Republiek Ierland – het die Iere die eindstryd gemaak, maar teen Skotland verloor.[35] Nadat Ierland as naaswenner geëindig het, het hulle hul plek tydens die Krieketwêreldbeker 2007 bespreek, maar ook ’n bykomende $500 000 oor die volgende vier jaar van die IKR ontvang om die ontwikkeling van Ierse krieket aan te moedig.[36] Hulle het ook amptelike EDI-status verkry.[36]

Ierland se eerste EDI-wedstryd is op 13 Junie 2006 op ’n met 7 500 ondersteuners volgepakte Stormont in Belfast teen Engeland gespeel. Dit was die eerste keer wat Ierland teen ’n volle Engelse span gespeel het. Alhoewel Ierland met 38 lopies verloor het, is hulle deur die Engelse kaptein Andrew Strauss geloof.[37][38]

Gedurende Augustus 2006 het Ierland aan afdeling een van die Europese Kampioenskap teen Denemarke, Italië, Nederland en Skotland deelgeneem. Die wedstryde teen Nederland en Skotland het EDI-status geniet. Tydens die toernooi, en Ierland se tweede EDI-wedstryd, het hulle hul eerste EDI-oorwinning oor Skotland met 85 lopies aangeteken, nadat die speler van die wedstryd Eoin Morgan 99 geslaan het.[39][40] Alhoewel die wedstryd teen Nederland sonder uitslag geëindig het, het Ierland die Europese Kampioenskaptitel ingepalm.[41] Ierland se tweede Interkontinentale bekertitel het tydens die 2006–2007-kompetisie gevolg. Hulle het in die eindstryd teen Kanada te staan gekom en met ’n beurt en 115 lopies gewen, die vierdaagse wedstryd is binne-in twee dae voltooi. Vervolgens het Ierland die eerste span geword wat die Kontinentale beker suksesvol verdedig het.[42]

Tydens die 2006-seisoen is die C&G-trofee herorganiseer om ’n groepfase pleks van net ’n uitklopfase te bevat. Terwyl in die ou toernooi aan Ierland net een wedstryd gewaarborg is, het hulle nou meer wedstryde teen Engelse countyspanne gespeel. Ierland het een oorwinning tydens hul nege wedstryde aangeteken.[43] Ierland het tot die toernooi se herstrukturering in 2009 deelgeneem. Ierland het altesaam 25 wedstryde gespeel en twee gewen.[44][45] Die laasgenoemde van hierdie oorwinnings was teen Worcestershire; in dié wedstryd het Ierland Worcestershire vir net 58 uitgeboul, hul laagste eersterangse telling nog. Dit was die eerste keer wat Ierland ’n countyspan vir minder as 100 uitgeboul het.[46][47] Ierland is genooi om aan die herstruktureerde toernooi vanaf 2010 deel te neem, maar hulle het dié aanbod verwerp, en pleks daarvan om met hul beperkte finansiële moontlikhede op internasionale krieket te fokus.[48]

EDI-status (2007–hede)[wysig | wysig bron]

Twintig20-wedstryd tussen Ierland en Pakistan op The Oval in Londen
Tydens die Krieketwêreldbeker 2011 se wedstryd tussen Engeland en Ierland het die Ier Kevin O'Brien die vinnigste honderdtal in die krieketwêreldbekergeskiedenis (binne-in 50 aflewerings) aangeteken
EDI tussen Ierland en Engelse op die Malahide Krieketklubterrein naby Dublin
Ed Joyce het eers vir Engeland begin speel en later vir Ierland
Eoin Morgan het al vir beide Engeland en Ierland op internasionale vlak krieket gespeel

Aan die begin van 2007 het Ierland meer as drie maande se konstante krieket gelewer. Eers het hulle Kenia besoek om aan die afdeling een van die Wêreldkrieketliga deel te neem. Hulle het vyfde ná vier naelskraapse nederlae geëindig, en Kenia het die liga gewen.[49] Voor die krieketwêreldbekertoernooi het die span aan ’n hoëprestasiekamp in Suid-Afrika deelgeneem.[50] Ierland se vertoning tydens hul eerste krieketwêreldbekertoernooi het baie kenners verras. Tydens hul eerste wedstryd op 15 Maart het hulle teen Zimbabwe gelykop gespeel, veral te danke aan Ierland se eerste honderdtal tydens ’n krieketwêreldbekertoernooi deur die speler van die wedstryd Jeremy Bray en ekonomiese boulwerk tydens die laaste boulbeurte deur beide Trent Johnston en Andre Botha.[51] Tydens hul tweede wedstryd, op Sint Patricksdag, het hulle die vierde geplaaste span in die wêreld, Pakistan, met 3 paaltjies verslaan, en sodoende Pakistan uit dié toernooi uitgeskakel.[52]

Die twee wedstryde sonder uitslag was genoeg om Ierland tot die Super 8 te laat vorder. In hul laaste groepwedstryd is Ierland deur Wes-Indië met 8 paaltjies verslaan.[53] Tydens die Super 8 het Ierland sy vyf wedstryde teen onderskeidelik Engeland, Suid-Afrika, Nieu-Seeland, Australië en Sri Lanka verloor, maar hulle was in staat om ’n oorwinning met 74 lopies oor die toetsnasie Bangladesj, die destyds negende beste span in die wêreld, aan te teken. Die Ierse span het ’n heldeverwelkoming in Dublin verkry.[54]

Ná die krieketwêreldbeker het die voormalige Wes-Indiese krieketspeler Phil Simmons by Birrell as Ierse afrigter oorgeneem.[55] Indië het in Junie 2007 ’n EDI-reeks teen Suid-Afrika in Ierland gespeel. Ierland het ook eenmalige EDI-wedstryde teen albei spanne op Stormont gespeel. Aangesien die Ierse span baie van sy spelers uit die krieketwêreldbeker gemis het, het Ierland albei wedstryde verloor.[56] Ierland het in Julie ’n vierhoekige toernooi in Dublin en Belfast met Wes-Indië, Nederland en Skotland gehuisves. Beide Ierland en die Wes-Indiese span het hul wedstryde teen Skotland en Nederland gewen en hul direkte ontmoeting is weens reën afgelas. Wes-Indië het dié toernooi gewen nadat hulle ’n bonuspunt in die wedstryd teen Nederland ingepalm het.[57] Trent Johnston het as kaptein bedank en is in Maart 2008 deur William Porterfield vervang.[58]

Die Interkontinentale beker 2007–08 het in Junie afgeskop en Ierland het sy eerste wedstryd in Augustus gespeel. In November 2008 het die span se veldtog geëindig. Nadat hulle tydens dié toernooi se groepfase tweede geëindig het, het Ierland in die eindstryd teen Namibië te staan gekom. Ierland het met 9 paaltjies gewen en sodoende hul derde agtereenvolgende Interkontinentale bekertitel verower.[59] In Maart 2008 het die Ierse span na Bangladesj getoer en drie EDI-wedstryde teen die gasheer gespeel, maar al drie verloor.[60] In Julie het Ierland ’n driehoekige toernooi teen Nieu-Seeland en Skotland in Aberdeen gespeel, maar albei wedstryde verloor.[61]

Die verdedigende kampioen Ierland het die Europese Krieketkampioenskap (afdeling een) laat in Julie aangebied en hulle het hul derde Europese titel ingepalm, nadat hulle elke wedstryd gewen het, insluitende die beslissende ontmoeting teen Skotland met 7 paaltjies.[62] Vroeg in Augustus het Ierland vyf ander assosiaatlede tydens die T20-wêreldbekerkwalifisering 2009 in Belfast gehuisves; dit was Ierland se T20I-debuut. Ierland sou in die eindstryd teen Nederland te staan gekom het, maar dié wedstryd is uitgespoel en albei spanne het die trofee gedeel.[63] Deur hul vordering tot die eindstryd het Ierland vir die T20-wêreldbeker in Engeland in Junie 2009 gekwalifiseer. Later in Augustus het Ierland drie EDI-wedstryde tuis teen Kenia gespeel. Ierland het die eerste wedstryd gewen, die tweede wedstryd kon weens reën nie voltooi word nie en die derde wedstryd is heeltemal uitgespoel.[64] In Oktober 2008 het die Ierse span Kenia vir ’n driehoekige EDI-reeks teen die gasheer en Zimbabwe besoek. Net twee van Ierland se vier wedstryde kon gespeel word, al die ander is weens reën afgelas. Ierland het sy eerste wedstryd teen Zimbabwe verloor,[65] maar hul tweede wedstryd teen Kenia gewen; hulle het egter versuim om tot die eindstryd te vorder.[66][67]

Net voor die T20-wêreldbeker 2009 is Ierland van die kolwer Eoin Morgan, op ’n soortgelyke manier soos Ed Joyce etlike jare vroeër, ontneem, nadat hy benoem is om vir Engeland te speel, waarvolgens hy nie meer in aanmerking kan kom om weer vir Ierland te speel nie.[68] Ierland het sy eerste T20I-wedstryd op 8 Junie 2009 teen ’n volle lid van die IKR gespeel, nadat hulle tydens hul openingswedstryd Bangladesj met 4 paaltjies verslaan en uit dié toernooi uitgeskakel het.[69][70] Ierland het tot die tweede rondte van die toernooi gevorder. Hulle is saam met Nieu-Seeland, Pakistan en Sri Lanka in een groep geplaas en het al hul drie wedstryde verloor. In 2009 het Ierland nege EDI-wedstryde gespeel, en hul sewe wedstryde teen assosiaatlede gewen, hul enigste wedstryd teen ’n toetsnasie (Engeland) verloor, en een wedstryd is afgelas.[71]

Ierland het 17 EDI-wedstryde in 2010 gespeel, 11 gewen (insluitende ’n oorwinning oor Bangladesj) en ses verloor.[72] Ierland is tydens die T20-wêreldbeker 2010 in Suid-Afrika in April en Mei uitgeskakel, nadat hulle deur Wes-Indië verslaan en die wedstryd teen Engeland uitgespoel is.

Die Krieketwêreldbeker 2011 het in Februarie en Maart plaasgevind en is deur Bangladesj, Indië en Sri Lanka saam aangebied. Alhoewel Ierland nie tot die volgende rondte kon deurdring nie, het hulle ’n geskiedkundige oorwinning oor Engeland aangeteken.[73] Ierland het Engeland met 3 paaltjies verslaan en Kevin O'Brien het die vinnigste honderdtal in die krieketwêreldbekergeskiedenis aangeteken, nadat hy dié prestasie binne 50 aflewerings behaal het.[74][75] Nadat hulle Engeland se telling van 327 oorgesteek het, het Ierland die rekord vir die hoogste suksesvolle lopiejaag in die krieketwêreldbekergeskiedenis behaal.[76]

Kort nadat die Krieketwêreldbeker geëindig het, het die IKR aangekondig dat aan die toernooie van 2015 en 2019 net tien spanne sal kan deelneem; die assosiaatlede, wat waarskynlik ’n toernooi met minder deelnemende spanne sal misloop, het sterk beswaar aangeteken en, aangevoer deur Ierland, die IKR versoek om dié besluit terug te neem. In Junie is die beslissing omgekeer.[77][78] Ná die Krieketwêreldbeker het Ierland teen Pakistan, Engeland en Skotland EDI-wedstryde gespeel, maar elke wedstryd verloor.[73] ’n Verdere EDI teen Sri Lanka is uitgespoel. Altesaam het Ierland in 2011 12 EDI-wedstryde gespeel en vier gewen.[79]

Ierland het vir die Krieketwêreldbeker 2015 gekwalifiseer, en is tot die EDI-kampioenskap bevorder, waarvolgens hulle die Wêreldkrieketliga verlaat het, maar nie die Interkontinentale beker nie. In hul eerste wedstryd tydens die Krieketwêreldbeker het Ierland Wes-Indië met 4 paaltjies verslaan, nadat hulle 304 lopies gejaag het met nog 25 aflewerings oor.[80]

In hul tweede wedstryd het Ierland die Verenigde Arabiese Emirate met 2 paaltjies en nog vier aflewerings oor verslaan; die teiken was 279. Van altesaam vyf suksesvolle lopiejagtogte tydens krieketwêreldbekertoernooie met 300 lopies of meer, het Ierland drie gelewer.[81][82]

In Julie 2016 het Ierland sy eerste EDI-reeks van vyf wedstryde teen Afghanistan gespeel, wat onbeslis 2–2 geëindig het, nadat die eerste EDI uitgespoel is. In September het Ierland na Suid-Afrika vir ’n EDI-reeks van een wedstryd teen die gasheer en Australië elk getoer, maar albei wedstryde verloor. Tydens die IKR se jaarlikse vergadering in Oktober is aan Ierland se plaaslike toernooi, die Tussenprovinsiale Kampioenskap, eersterangse status toegeken.

In Mei 2017 het Ierland na Engeland vertrek om vir die eerste keer ’n EDI-reeks van twee wedstryde te speel, maar hulle het albei wedstryde verloor.

Toetsstaus (2017–hede)[wysig | wysig bron]

William Porterfield, Ierland se eerste toetskaptein

In Januarie 2012 het Krieket Ierland se hoof- uitvoerende beampte, Warren Deutrom, Ierland se voorneme, om teen 2020 toetskrieket te speel, openlik verklaar. Hul begeerte om toetstatus te bereik, was deels te danke aan die struikelblok van Ierse spelers wat die verblyfreëls gebruik het om toetskrieket in Engeland te speel. Deutrom het die ambisie uiteengesit toe hy die nuwe strategiese plan vir Ierse krieket tot 2015 onthul het. Dié plan het ’n reeks van strekdoelwitte, insluitende die verhoging van die deelnemende spelers tot 50 000, die bereiking van die agtste plek in die wêreldranglys, die oprigting van ’n plaaslike eersterangse struktuur, en die bevordering van krieket tot die vyfde gewildste spansport in Ierland.[83][84]

Deutrom het reeds in 2009 ’n brief vir die IKR gestuur, waarin hy die voorneme van sy raad om vir volle lidmaatskap aansoek te doen verklaar het – ’n moontlike pad na toetskrieket toe – en om duidelikheid oor dié proses te verkry.[85] Die voormalige Australiese kolwer Jason Gillespie het gesê dat indien Ierland toetsstatus sal verkry, sal "dit groot nuus vir wêreldkrieket wees, en dit sou ’n massiewe positiewe verhaal vir die wêreldspel wees."[86] Ná Ierland se oorwinning oor Wes-Indië tydens die Krieketwêreldbeker 2015 het die voormalige snelbouler Michael Holding gesê dat die IKR onmiddellik toetsstatus aan Ierland moet toeken: "hulle moet nou erken word".[87] Die IKR het in 2015 verduidelik dat Ierland in 2019 toetsstatus sal verkry, indien hulle die Interkontinentale beker 2015–17 wen en die tiende geplaaste toetsnasie tydens ’n vier-toetsreeks in 2018 verslaan.[88]

Maar op 22 Junie 2017, ná meer as ’n dekade se internasionale krieket van hoogste gehalte, is tydens ’n IKR-vergadering in Londen volle lidstatus aan Ierland (saam met Afghanistan) toegeken, waarvolgens hulle die elfde toetsspan geword het.[89] In Oktober 2017 het die IKR aangekondig dat Ierland in Mei 2018 sy eerste toets tuis teen Pakistan sal speel.[90][91] Ierland het sy eerste toerende toets in Maart 2019 in Indië teen die mede-nuwelinge Afghanistan gespeel, maar met 7 paaltjies verloor. Dit is in Julie 2019 opgevolg deur ’n vierdaagse toets teen Engeland op Lord’s; net enkele dae ná die Krieketwêreldbeker 2019 se eindstryd tussen Engeland en Nieu-Seeland op dieselfde krieketveld, waartydens Engeland sy eerste titel ingepalm het (Ierland het nie vir dié toernooi gekwalifiseer nie).[92] Volgens die IKR se toekomstige toerprogram vir 2019–23 sal Ierland 16 toetse speel, maar is saam met Afghanistan en Zimbabwe nie in die eerste twee toernooie van die Wêreldtoetskampioenskap ingesluit nie.[93]

In Oktober 2019 is Andrew Balbirnie as toets- en EDI-kaptein benoem, en een maand later, in November, het hy by Gary Wilson ook as T20I-kaptein oorgeneem, en vervolgens Ierland se kaptein in al drie krieketformate geword.[94]

Kleure[wysig | wysig bron]

Tydens toetswedstryde dra Ierland wit krieketklere, met die opsionele sweetpak of baadjie met ’n groen V-halslyn en Krieket Ierland se kenteken op die middel. Die hemde toon Krieket Ierland se kenteken op die regterbors, die vervaardiger se embleem op die mou en die borg se kenteken op die linkerbors. Die veldwerkers dra ’n donkerblou krieketpet of ’n wit sonhoed met Krieket Ierland se kenteken. Die kolwers se helms is op ’n soortgelyke manier geverf. In die kleiner formate van krieket dra Ierse spelers ’n smaraggroen (in EDI) of ’n grasgroen (in T20) trui met donkerblou en wit aksente en Krieket Ierland se kenteken op die regterbors, die borg se embleem op die middel en die vervaardiger se embleem op die linkerbors. Die veldwerkers dra ’n donkerblou bofbalpet of ’n sonhoed.

Gedurende IKR-toernooie word die borg se embleem op die nie-voorarm se mou verskuif, en die woord IRELAND verskyn in wit op die middel van die trui.

Die huidige borg is Turkish Airlines[95] en die verskaffer is O'Neills.[95]

Tuisstadions[wysig | wysig bron]

Die Malahide Krieketklubterrein in Dublin het Ierland se eerste toets tuis gehuisves
Ierse stadions wat al internasionale krieketwedstryde gehuisves het

Nes ander vername krieketnasies soos Australië, Bangladesj, Engeland, Indië, Nieu-Seeland, Pakistan, Sri Lanka, Suid-Afrika, Wes-Indië en Zimbabwe beskik Ierland oor geen amptelike tuisstadion vir sy nasionale span nie. Die Ierse nasionale krieketspan span vir hul krieketwedstryde eerder ’n verskeidenheid stadions dwarsdeur Ierland in.

Die Malahide Krieketklubterrein in Dublin het Ierland se eerste toetswedstryd tuis aangebied, op 11–15 Mei 2018 teen Pakistan. Stormont in Belfast het beide Ierland se eerste EDI-wedstryd (op 13 Junie 2006 teen Engeland) en T20I-wedstryd (op 2 Augustus 2008 teen Skotland) aangebied.

Tydens die Krieketwêreldbeker 1999 is Dublin se Castle Avenue vir een wedstryd, dié tussen Bangladesj en Wes-Indië, ingespan. Ierland het dié toernooi saam met Engeland, Skotland, Nederland en Wallis aangebied, alhoewel die nasionale span nie deelgeneem het nie.

Rekords[wysig | wysig bron]

Wêreldbekerrekord[wysig | wysig bron]

Jaar Uitslag
1975 Nie in aanmerking nie – nie ’n IKR-lid nie
1979 Nie in aanmerking nie – nie ’n IKR-lid nie
1983 Nie in aanmerking nie – nie ’n IKR-lid nie
1987 Nie in aanmerking nie – nie ’n IKR-lid nie
1992 Nie in aanmerking nie – nie ’n IKR-lid nie
1996 Nie gekwalifiseer nie
1999 Nie gekwalifiseer nie
2003 Nie gekwalifiseer nie
2007 Super 8
2011 Groepfase
2015 Groepfase
2019 Nie gekwalifiseer nie
2023 N.v.t.

Twintig20-rekord[wysig | wysig bron]

Jaar Uitslag
2007 Nie gekwalifiseer nie
2009 Super 8
2010 Groepfase
2012 Groepfase
2014 Groepfase
2016 Groepfase
2020 Gekwalifiseer
2021 N.v.t.

Verwysings[wysig | wysig bron]

  1. (en) "ICC Rankings". Internasionale Krieketraad.
  2. (en) "Test matches – Team records". ESPNcricinfo.
  3. (en) "Test matches – 2020 Team records". ESPNcricinfo.
  4. (en) "ODI matches – Team records". ESPNcricinfo.
  5. (en) "ODI matches – 2020 Team records". ESPNcricinfo.
  6. (en) "T20I matches – Team records". ESPNcricinfo.
  7. (en) "T20I matches – 2020 Team records". ESPNcricinfo.
  8. (en) "Men's Test Team Rankings". Internasionale Krieketraad. 10 Februarie 2020. Besoek op 16 Februarie 2020.
  9. (en) "Men's ODI Team Rankings". Internasionale Krieketraad. 15 Februarie 2020. Besoek op 16 Februarie 2020.
  10. (en) "Men's T20I Team Rankings". Internasionale Krieketraad. 15 Februarie 2020. Besoek op 16 Februarie 2020.
  11. (en) "Ireland and Scotland lock horns with one eye on the ICC Cricket World Cup 2015". Krieket Ierland. 7 September 2014. Besoek op 17 Februarie 2020.
  12. (en) "Ireland and Afghanistan awarded test cricket status". Telegraph.co.uk. 22 Junie 2017. Besoek op 17 Februarie 2020.
  13. (en) "Ireland and Afghanistan ICC newest full members amid wide-ranging governance reform". Internasionale Krieketraad. 22 Junie 2017. Besoek op 17 Februarie 2020.
  14. (en) "Ireland awarded Test status after 10-year quest". Rte.ie. 22 Junie 2017. Besoek op 17 Februarie 2020.
  15. (en) "Afghanistan, Ireland get Test status". ESPNcricinfo. 22 Junie 2017. Besoek op 17 Februarie 2020.
  16. (en) "Ireland and Afghanistan granted Test status after becoming 11th and 12th full ICC members". The Telegraph. 22 Junie 2017. Besoek op 17 Februarie 2020.
  17. (en) "Ireland & Afghanistan awarded Test status by International Cricket Council". BBC. 22 Junie 2017. Besoek op 17 Februarie 2020.
  18. (en) "Records / One-Day Internationals / Team records / Results summary". ESPNcricinfo. Besoek op 17 Februarie 2020.
  19. (en) Martin Williamson (17 Oktober 2008). "Zimbabwe should avoid another banana skin". ESPNcricinfo. Besoek op 17 Februarie 2020.
  20. 20,0 20,1 20,2 20,3 20,4 (en) "A brief history of cricket: Cricket in Ireland". ESPNcricinfo. Geargiveer vanaf die oorspronklike op 13 Oktober 2007. Besoek op 2 Oktober 2007. Besoek op 3 November 2008.
  21. (en) "f5558: London County v Ireland: Ireland in England 1902". CricketArchive.com. Geargiveer vanaf die oorspronklike op 20 Oktober 2012. Besoek op 5 November 2008. Besoek op 5 November 2008.
  22. (en) "Ireland in England 1902". CricketArchive.com. Geargiveer vanaf die oorspronklike op 25 September 2015. Besoek op 9 September 2017. Besoek 11 November 2008.
  23. 23,0 23,1 (en) "A Timeline of Irish Cricket". CricketEurope4.net. Geargiveer vanaf die oorspronklike op 3 Mei 2008. Besoek op 11 November 2008. Besoek op 11 November 2008.
  24. (en) "misc3695 Ireland v West Indians: West Indies in British Isles 1969". CricketArchive.com. Geargiveer vanaf die oorspronklike op 6 Januarie 2018. Besoek op 9 September 2017. Besoek op 16 November 2008.
  25. (en) "Ireland overwhelm Zimbabwe in ten-wicket win". Cricinfo. 13 Junie 2003. Geargiveer vanaf die oorspronklike op 9 Julie 2012. Besoek op 28 Mei 2008.
  26. (en) "Hanse Cronje". CricketArchive.com. Geargiveer vanaf die oorspronklike op 16 November 2011. Besoek op 9 September 2017. Besoek op 10 November 2008.
  27. (en) "Ryder no-show for Ireland". ESPNcricinfo. 28 Mei 2007. Geargiveer vanaf die oorspronklike op 10 Julie 2012. Besoek op 10 November 2008. Besoek op 10 November 2008.
  28. (en) "1989 – present – International Cricket Council". ICC-cricket.yahoo.com. Geargiveer vanaf die oorspronklike op 21 Julie 2008. Besoek op 10 November 2008.
  29. (en) "ABN-AMRO ICC Trophy 1993/94 points table". CricketArchive.com. Geargiveer vanaf die oorspronklike op 4 Maart 2016. Besoek op 9 September 2017. Besoek op 12 November 2008.
  30. (en) "ICC Trophy 2001: Results". CricketEurope4.net. Geargiveer vanaf die oorspronklike op 8 Julie 2008. Besoek op 11 November 2008. Besoek op 11 November 2008.
  31. (en) "History". Cricket Ireland. Geargiveer vanaf die oorspronklike op 24 Februarie 2015. Besoek op 24 Februarie 2015.
  32. (en) "ICC Intercontinental Cup". ICC-cricket.yahoo.com. Geargiveer vanaf die oorspronklike op 13 Mei 2008. Besoek op 23 Julie 2008. Besoek op 23 Julie 2008
  33. (en) "Intercontinental Cup 2004 points table". Cricinfo. 2004. Geargiveer vanaf die oorspronklike op 10 Augustus 2004. Besoek op 11 November 2008. Besoek op 11 November 2008.
  34. (en) "Ireland secure Intercontinental glory". ESPNcricinfo. 29 Oktober 2005. Geargiveer vanaf die oorspronklike op 2 November 2005. Besoek op 11 November 2008. Besoek op 11 November 2008.
  35. (en) Craig, Edward (13 Julie 2005). "Elementary for Watson as Scotland secure Trophy". ESPNcricinfo. Geargiveer vanaf die oorspronklike op 8 Julie 2012. Besoek op 3 November 2008. Besoek op 3 November 2008.
  36. 36,0 36,1 (en) Edward Craig (12 Julie 2005). "Scotland begin as slight favourites". ESPNcricinfo. Geargiveer vanaf die oorspronklike op 10 Julie 2012. Besoek op 3 November 2008. Besoek op 3 November 2008.
  37. (en) "Ireland announce squad for England match". ESPNcricinfo. 7 Junie 2006. Geargiveer vanaf die oorspronklike op 7 Julie 2012. Besoek op 10 November 2008. Besoek op 3 November 2008.
  38. (en) Will Luke (13 Junie 2006). "England's win fails to hide cracks". ESPNcricinfo. Besoek op 3 November 2008.
  39. (en) "Morgan stars as Ireland shock Scotland". ESPNcricinfo. 6 Augustus 2006. Geargiveer vanaf die oorspronklike op 8 Oktober 2012. Besoek op 10 November 2008. Besoek op 10 November 2008.
  40. (en) "List of Ireland ODI Matches". CricketArchive.com. Geargiveer vanaf die oorspronklike op 25 Junie 2010. Besoek op 9 September 2017. Besoek op 10 November 2008.
  41. (en) "Ireland secure European title". ESPNcricinfo. 9 Augustus 2006. Geargiveer vanaf die oorspronklike op 10 Julie 2012. Besoek op 10 November 2008. Besoek op 10 November 2008.
  42. (en) "Ireland complete final rout". ESPNcricinfo. 23 May 2007. Geargiveer vanaf die oorspronklike op 17 Julie 2012. Besoek op 10 November 2008. Besoek op 10 November 2008.
  43. (en) "Cheltenham & Gloucester Trophy – Points Table". ESPNcricinfo. 2006. Geargiveer vanaf die oorspronklike op 5 Julie 2008. Besoek op 10 November 2008. Besoek op 10 November 2008.
  44. (en) "Friends Provident Trophy, 2007". ESPNcricinfo. 2007. Besoek op 10 November 2008.
  45. (en) "Friends Provident Trophy, 2008". ESPNcricinfo. 2008. Geargiveer vanaf die oorspronklike op 1 Januarie 2009. Besoek op 10 November 2008. Besoek op 10 November 2008.
  46. (en) "Connell haul sinks Worcestershire". BBC. 20 Mei 2009. Geargiveer vanaf die oorspronklike op 27 Mei 2009. Besoek op 5 Januarie 2010.
  47. (en) "Friends Provident Trophy, 2009 / Points table". ESPNcricinfo. Geargiveer vanaf die oorspronklike op 19 Mei 2011. Besoek op 18 Februarie 2015.
  48. (en) "Ireland decline ECB's 40-over invite". ESPNcricinfo. 28 September 2009. Geargiveer vanaf die oorspronklike op 22 Desember 2011. Besoek op 15 Maart 2011. Besoek op 15 Maart 2011.
  49. (en) Martin Williamson (9 Februarie 2007). "Life is good beyond the Test world". ESPNcricinfo. Geargiveer vanaf die oorspronklike op 17 Oktober 2008. Besoek op 10 November 2008. Besoek op 10 November 2008.
  50. (en) Andrew McGlashan (1 September 2007). "Tough at the top". ESPNcricinfo. Geargiveer vanaf die oorspronklike op 4 September 2007. Besoek op 10 November 2008. Besoek op 10 November 2008.
  51. (en) S Rajesh en HR Gopalakrishna (15 Maart 2007). "Bray makes it Ireland's day". ESPNcricinfo. Geargiveer vanaf die oorspronklike op 25 Maart 2007. Besoek op 5 November 2008. Besoek op 5 November 2008.
  52. (en) Dileep Premachandran (17 Maart 2007). "Shamrocks turn Pakistan green". ESPNcricinfo. Geargiveer vanaf die oorspronklike op 20 Maart 2007. Besoek op 5 November 2008. Besoek op 5 November 2008.
  53. (en) Will Luke (23 Maart 2007). "Chanderpaul hundred sinks Ireland". ESPNcricinfo. Geargiveer vanaf die oorspronklike op 20 Februarie 2009. Besoek op 5 November 2008. Besoek op 5 November 2008.
  54. (en) "Irish team receive a heroes welcome". The Irish Times. 24 April 2007. Geargiveer vanaf die oorspronklike op 20 Mei 2011. Besoek op 10 November 2008. Besoek op 10 November 2008.
  55. (en) "Simmons confirmed as new Irish coach". ESPNcricinfo. 25 Februarie 2007. Geargiveer vanaf die oorspronklike op 7 Julie 2012. Besoek op 5 November 2008. Besoek op 5 November 2008.
  56. (en) "Matches India tour of Ireland, England and Scotland, Jun–Sep 2007". ESPNcricinfo. Geargiveer vanaf die oorspronklike op 11 Oktober 2008. Besoek op 16 November 2008. Besoek op 16 November 2008.
  57. (en) "Ireland win but West Indies take series". ESPNcricinfo. 15 Julie 2007. Geargiveer vanaf die oorspronklike op 8 Julie 2012. Besoek op 10 November 2008. Besoek op 10 November 2008.
  58. (en) "Porterfield takes charge". BBC. 23 April 2008. Besoek op 23 Februarie 2014.
  59. (en) "Niall O'Brien century pilots Ireland to title". ESPNcricinfo. 2 November 2008. Geargiveer vanaf die oorspronklike op 9 Julie 2012. Besoek op 4 November 2008. Besoek op 3 November 2008.
  60. (en) "Bangladesh v Ireland 2007–08". ESPNcricinfo. April 2008. Geargiveer vanaf die oorspronklike op 2 April 2008. Besoek op 2 April 2008. Besoek op 10 November 2008.
  61. (en) "Associates Tri-Series (in Scotland)". ESPNcricinfo. Geargiveer vanaf die oorspronklike op 14 Julie 2008. Besoek op 4 November 2008. Besoek op 4 November 2008.
  62. (en) "Ireland retain European title". ESPNcricinfo. 31 Julie 2008. Geargiveer vanaf die oorspronklike op 11 Julie 2012. Besoek op 4 November 2008. Besoek op 4 November 2008.
  63. (en) "Ireland and Netherlands share the trophy". ESPNcricinfo. 5 Augustus 2008. Geargiveer vanaf die oorspronklike op 11 Junie 2009. Besoek op 11 Junie 2009. Besoek op 11 Junie 2009.
  64. (en) "Ireland take series after washout". ESPNcricinfo. 27 Augustus 2008. Geargiveer vanaf die oorspronklike op 7 Julie 2012. Besoek op 3 November 2008. Besoek op 3 November 2008.
  65. (en) "Taibu and Dabengwa star in convincing Zimbabwe win". ESPNcricinfo. 17 Oktober 2007. Geargiveer vanaf die oorspronklike op 18 Oktober 2008. Besoek op 11 November 2008. Besoek op 11 November 2008.
  66. (en) "Kevin O'Brien sets up comprehensive win". ESPNcricinfo. 18 Oktober 2007. Geargiveer vanaf die oorspronklike op 20 Oktober 2008. Besoek op 11 November 2008. Besoek op 11 November 2008.
  67. (en) "Ireland sent packing by the rain". ESPNcricinfo. 25 Oktober 2007. Geargiveer vanaf die oorspronklike op 8 Oktober 2012. Besoek op 11 November 2008. Besoek op 23 November 2008.
  68. (en) Andrew McGlashan (21 Mei 2009). "Switching colours, switching hits". ESPNcricinfo. Besoek op 11 Junie 2009.
  69. (en) George Binoy (8 Junie 2009). "Associated with the best". ESPNcricinfo. Geargiveer vanaf die oorspronklike op 10 Junie 2009. Besoek op 11 Junie 2009.
  70. (en) Jamie Alter (8 Junie 2009). "Ireland storm into Super Eights". ESPNcricinfo. Geargiveer vanaf die oorspronklike op 11 Junie 2009. Besoek op 11 Junie 2009.
  71. (en) "2009 – Ireland / Records / One-Day Internationals / Match results (2009)". ESPNcricinfo. Geargiveer vanaf die oorspronklike op 15 Desember 2011. Besoek op 15 Maart 2011.
  72. (en) "2009 – Ireland / Records / One-Day Internationals / Match results (2010)". ESPNcricinfo. Geargiveer vanaf die oorspronklike op 15 Desember 2011. Besoek op 15 Maart 2011.
  73. 73,0 73,1 (en) Williamson, Martin (31 Desember 2011). "The Ireland story and others". ESPNcricinfo. Geargiveer vanaf die oorspronklike op 10 Januarie 2012. Besoek op 25 Januarie 2012.
  74. (en) "O'Brien blazes Ireland to glory". ESPNcricinfo. 2 Maart 2011. Besoek op 19 Julie 2019.
  75. (en) Smyth, Rob; Gardner, Alan (2 Maart 2011). "England v Ireland – as it happened". The Guardian. London. Geargiveer vanaf die oorspronklike op 19 Februarie 2015. Besoek op 2 Maart 2011.
  76. (en) Oxborrow, Ian (2 Maart 2011). "Cricket World Cup 2011: fastest hundreds in history of the competition". Daily Telegraph. Londen. Geargiveer vanaf die oorspronklike op 15 Desember 2013. Besoek op 2 Maart 2011.
  77. (en) Monga, Sidharth (4 April 2011). "ICC confirms 10 teams for next two World Cups". ESPNcricinfo. Geargiveer vanaf die oorspronklike op 26 Januarie 2012. Besoek op 25 Januarie 2012.
  78. (en) Ugra, Sharda (28 Junie 2011). "Associates included in 2015 World Cup". ESPNcricinfo. Geargiveer vanaf die oorspronklike op 4 Februarie 2012. Besoek op 25 Januarie 2012.
  79. (en) "Ireland ODI results: 1 January 2011 to 31 December 2011". Geargiveer vanaf die oorspronklike op 27 April 2015. Besoek op 25 Januarie 2012.
  80. (en) "Ireland beat West Indies by four wickets to make impressive start to Cricket World Cup". Daily Mail. 16 Februarie 2015. Geargiveer vanaf die oorspronklike op 16 Februarie 2015. Besoek op 17 Februarie 2015.
  81. (en) "Ireland produce first upset of Cricket World Cup with win over West Indies". The Guardian. 16 Februarie 2015. Geargiveer vanaf die oorspronklike op 17 Februarie 2015. Besoek op 17 Februarie 2015.
  82. (en) "Ireland stun West Indies in Nelson". BBC. 16 Februarie 2015. Geargiveer vanaf die oorspronklike op 16 Februarie 2015. Besoek op 17 Februarie 2015.
  83. (en) "'Ireland set out their goal to play Test cricket". Krieket Ierland. Geargiveer vanaf die oorspronklike op 27 Mei 2012. Besoek op 27 Januarie 2012.
  84. (en) "Ireland announce plans to apply for Test status". BBC. 24 Januarie 2012. Geargiveer vanaf die oorspronklike op 27 Maart 2014. Besoek op 18 Junie 2013.
  85. (en) Brown, Alex (3 November 2009). "Ireland in hot pursuit of Full Member status | Ireland Cricket News". ESPNcricinfo. Geargiveer vanaf die oorspronklike op 24 Mei 2010. Besoek op 23 Julie 2010.
  86. (en) "Australian Jason Gillespie backs Ireland for full Test status". BBC. Geargiveer vanaf die oorspronklike op 4 Februarie 2015. Besoek op 17 Desember 2014.
  87. (en) "Cricket World Cup: Michael Holding calls for Ireland Test status". BBC. Geargiveer vanaf die oorspronklike op 18 Februarie 2015. Besoek op 18 Februarie 2015.
  88. (en) "Ireland begin bid for Test status against UAE". BBC. Geargiveer vanaf die oorspronklike op 1 Junie 2015. Besoek op 7 Februarie 2015.
  89. (en) "ICC votes for Afghanistan, Ireland as Test playing nations". Wionews.com. Geargiveer vanaf die oorspronklike op 28 Junie 2017. Besoek op 22 Junie 2017.
  90. (en) "Ireland confirm Pakistan as first Test opponents". ESPNcricinfo. Geargiveer vanaf die oorspronklike op 12 Oktober 2017. Besoek op 12 Oktober 2017.
  91. (en) "Pakistan Confirmed as Ireland's First Test Opponents". Krieket Ierland. Geargiveer vanaf die oorspronklike op 12 Oktober 2017. Besoek op 12 Oktober 2017.
  92. (en) "England to play four-day Ireland Test before 2019 Ashes series". BBC. Geargiveer vanaf die oorspronklike op 19 Julie 2018. Besoek op 19 Julie 2018.
  93. (en) "Ireland, Afghanistan set to play consistent Test cricket". ESPNcricinfo. Geargiveer vanaf die oorspronklike op 13 Desember 2017. Besoek op 12 Desember 2017.
  94. (en) "Balbirnie appointed Ireland T20I captain". Cricbuzz. Besoek op 30 November 2019.
  95. 95,0 95,1 (en) "Cricket Ireland sky high as Turkish Airlines extends sponsorship | Cricket Ireland". www.cricketireland.ie. Geargiveer vanaf die oorspronklike op 29 Junie 2019. Besoek op 29 Junie 2019.

Eksterne skakels[wysig | wysig bron]