Pous Gregorius XIV
| Pous Gregorius XIV | |
|---|---|
 |
|
 |
|
| Geboortenaam | Niccolò Sfondrati |
| Pontifikaat begin | 5 Desember 1590 |
| Pontifikaat eindig | 16 Oktober 1591 |
| Voorganger | Urbanus VII |
| Opvolger | Innocentius IX |
| Gebore | 11 Februarie 1535 Somma Lombardo, Varese, Hertogdom Milaan |
| Sterf | 16 Oktober 1591 Rome, Italië |
| Ander pouse genaamd Gregorius | |
Gregorius XIV was die 229ste pous van die Rooms-Katolieke Kerk van 1590 tot 1591. Hy was slegs 10 maande en 12 dae pous en die tweede in 'n reeks van drie pouse waarvan die gesamentlike lengte van hulle pontifikate minder as twee jaar was.
Inhoud |
[wysig] Biografie
Pous Gregorius XIV[1] is gebore as Niccolò Sfondrati op 11 Februarie 1535 in Somma Lombardo, Varese, Hertogdom Milaan. Sy ma Anna Visconti, was 'n lid van die vername Visconti familie en is dood tydens 'n bevalling. Sy pa Francesco was 'n senator van Milaan en is op 19 Desember 1544 deur Pous Paulus III as kardinaal aangestel. Niccolò het gestudeer in Perugia en Padua, word priester en al gou biskop van Cremona op 13 Maart 1560. Hy neem deel aan die konsilie van Trente. Op 12 Desember 1583 word hy aangestel as kardinaal deur Pous Gregorius XIII. Op 5 Desember 1590 volg hy Pous Urbanus VII op en word gekroon op 8 Desember 1590 deur kardinaal Andreas von Austria. Hy regeer tot sy dood op 16 Oktober 1591 en word opgevolg deur Pous Innocentius IX. Die naam ‘Gregorius’ beteken 'wagter'.
[wysig] Pontifikaat
Die konklaaf na die dood van Pous Urbanus VII het lank geduur. Philip II, die koning van Spanje, het 'n lys met sewe vir hom aanneemlike kandidate voorgelê. Na twee maande se deliberasies is Sfondrati, wat op die lys was, gekies as Pous Gregorius XIV[2]. In sy bul "Cogit nos" van 21 Maart 1591 verbied hy alle weddenskappe op die uitkoms van 'n konklaaf en oor die aanstelling van kardinale.
Pous Gregorius hy kragdadig kant gekies vir Spanje in hulle stryd teen Frankryk, waarskynlik omdat hy sy verkiesing te danke gehad het aan die Spaanse kardinale. Hy het die Katolieke party gesteun in die Franse Godsdiens Oorlog. Op voorspraak van die Spaanse koning Filip II en die hertog van Mayenne, ekskommunikeer hy Henri IV, koning van Frankryk op 1 Maart 1591. Hy herbevestig die standpunt van Pous Sixtus V dat Henri 'n ketter was en nie geregtig was op die troon van Frankryk nie.
Die pous bring 'n leër op die been en stuur dit na Frankryk onder die bevel van sy neef Ercole Sfondrati. Hy het ook maandeliks 15000 "scudi" aan die Katolieke Party gegee.
Gregorius het vyf kardinale aangestel, waaronder sy neef Paolo Emilio Sfondrati, sy staatsekretaris. Hy het probeer om ook sy goeie vriend Philip Neri kardinaal te maak, maar Neri het geweier.
In 'n dekreet van 18 April 1591 het hy beveel dat vergoeding betaal moet word aan die inwoners van die Filippyne wat as slawe gevang is en ook dat alle slawe daar dadelik bevry moet word.
Die pous is dood aan die gevolge van 'n groot galsteen.
[wysig] Bulle, Ensiklieke en Dekrete
21 Maart 1591 – "Cogit nos" – Verbied weddenskappe op die resultaat van 'n konklaaf.
[wysig] Die Kollege van Kardinale
Pous Gregorius XIV het vyf kardinale aangestel in twee konsistories.
[wysig] Die konsistorie van 19 Desember 1590
- Paolo Emilio Sfrondrati, kardinaal-nepoot, staatsekretaris van die Vatikaan.
[wysig] Die konsistorie van 6 Maart 1591
- Ottavio Paravicini, biskop van Alessandria.
- Ottavio Acquaviva d'Aragona, senior, majordomo van die pous.
- Odoardo Farnese, ab van Grottaferrata.
- Flaminio Piatti, ouditeur van die Heilige Romeinse Rota.
[wysig] Bibliografie
- Duff, Eamon (2001). Saints and Sinners: A History of the Popes, Yale University Press. ISBN 0300091656.
- Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.
[wysig] Verwysings
- ^ Gregory XIV. (2008). Encyclopædia Britannica. Deluxe Edition. Chicago: Encyclopædia Britannica
- ^ Ott, M. (1910). Pope Gregory XIV. In The Catholic Encyclopedia. New York: Robert Appleton Company. Besoek April 19, 2010 by: http://www.newadvent.org/cathen/07004a.htm
[wysig] Eksterne skakels
- CE Inskrywing in die Catholic Encyclopedia (Engels)
- CF Inskrywing in die Catholic Forum (Engels)
- BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
- PTA Inskrywing in "Popes through the Ages" deur J. Brusher S.J. (Engels)
- VH Inskrywing in die Vatican History (in Duits).
- CA Inskrywing in die "Cardinals of the Holy Roman Church".
- Inskrywing in die Catholic Hierarchy (Engels)
[wysig] Nota
Saamgestel en vertaal uit die Nederlandse, Engelse, Duitse en Franse wikipedia en aangevul uit ander bronne soos aangedui.
[wysig] Opvolging
| Voorafgegaan deur: Urbanus VII |
Pous (Pontifex Maximus) 1590 – 1591 |
Opgevolg deur: Innocentius IX |
