Devon-rex

in Wikipedia, die vrye ensiklopedie
Spring na: navigasie, soek
Devon-rex
Devon Rex Izzy.jpg
Herkoms Brittanje
Ontstaan Mutasie
Soort lyf Oosters
Pels Kort
Patroon Alle

Die Devon-rex is ’n intelligente, kortharige katras wat in die 1960's in Engeland verskyn het. Dit het ’n sagte, kort en krullerige pels soortgelyk aan dié van die Corniese rex.

Geskiedenis[wysig]

Die eerste Devon-rex is in 1960 deur Beryl Cox in Buckfastleigh, Devon, Brittanje, ontdek in ’n werpsel katjies naby ’n ou myn. Eers is geglo die kat is verwant aan die Corniese rex, maar toetse het dit weerlê.

Die meeste ander katte het drie soorte hare: die boonste dekhare wat sowat 5 cm lank is by korthaarkatte en sowat 10 cm by langhaarkatte, ’n middelste laag en ’n onderste laag wat baie sag en donsig en sowat 1 cm lank is. Die Corniese rex het net die onderlaag, maar ’n Devon-rex het wel ’n bietjie dekhare.

Beskrywing[wysig]

Die krul in die Devon-rex word veroorsaak deur ’n ander mutasie en geen as by die Corniese en Duitse rex, en wanneer dié rasse gekruisteel word, word katjies gebore sonder krulhare. Devons is ligte, medium-groot katte. Hul besonder groot ore is laag aan die kant van hul breë koppe geleë, hul oë is groot en hulle het effense wipneuse. Anders as by ander katte is hul snorbaarde baie kort en dikwels so gekrul dat dit lyk of hulle nie snorbaarde het nie. Hul lang, stewige bene is geskik vir lang spronge en hul tone is buitengewoon groot. Hulle is in alle kleure te kry.

Die tipiese Devon-rex is aktief, ondeund, spelerig en baie mensgeoriënteerd. Hulle spring hoog en sal in enige ruimte inklim wat groot genoeg vir hul lyf is. Daarom sal ’n mens hulle dikwels in klein hoekies of ruimtes, in kaste, op ’n rak of in die wasgoedmandjie aantref. Hulle hou van hoë plekke. Hulle is maklik om te versorg en het gewoonlik een mens op wie hulle hul liefde uitstort.

Devons is intelligent en kan geleer word op aan 'n leiband te loop, goed te gaan haal en toertjies uithaal wat gewoonlik met ’n hond verbind word. Hulle hou daarvan om naby iemand te wees, veral die nek of kop. Hulle sal agter hul eienaar aanloop en wag vir ’n geleentheid om in sy arms of op sy skoot of skouers te spring.

Eksterne skakels[wysig]

Commons-logo.svg
Wikimedia Commons het meer media verwant aan:
Devon-rex (kategorie)

Sien ook[wysig]

Lys van katrasse

Crystal txt.png

Hierdie artikel is vertaal van die Engelse Wikipedia

Internasionale katrasse
Lang of  
halflang hare  
Amerikaanse kruloorkatAmerikaanse langhaarkatAmerikaanse stompstertkatBalinese katBritse langhaarkatBurmillaEgeïese katHeilige Birmaanse katJapannese stompstertkatJavanese katKimriese katKleurpunt-langhaarkatKoerile-stompstertkatLaPermMaine CoonManxMunchkinNebelungNoorse boskatOosterse langhaarkatPersiese katRagamuffinRagdollSelkirk-rexSiberiese katSkotse vouoorkatSomaliese katTurkse angoraTurkse van
Kort hare   Abessiniese katAmerikaanse draadhaarkatAmerikaanse korthaarkatAmerikaanse kruloorkatAmerikaanse stompstertkatAsiatiese katAustraliese sluierkatBengaalse katBirmaanse katBombaaikatBrasiliaanse korthaarkatBritse korthaarkatBurmillaChartreuxChausieCheetohCorniese rexDevon-rexDragon LiDuitse rexEgiptiese mauEksotiese korthaarkatEuropese korthaarkatHavana-bruinkatJapannese stompstertkatKoerile-stompstertkatKoratLaPermManxMunchkinOcicatOosterse korthaarkatOregon-rexPixie-bobRussiese bloukatRussiese wit-, swart- en streepkatSavannekatSelkirk-rexSerengeti-katSiamese katSingapuraSkotse vouoorkatSnowshoeSokokeThaise katTonkanese katToyger
Geen hare   BambinoDon-sfinksMinskinOekraïnse lefkoiPeterbaldSfinkskat