Somaliese kat

in Wikipedia, die vrye ensiklopedie
Spring na: navigasie, soek
Somaliese kat
Usual Somali kitten age 4 months.jpg
Alternatiewe naam Somali, Langharige Abessiniese kat
Herkoms VSA
Ontstaan Mutasie
Pels Lank
Patroon Strepies
Wetenskaplike naam Felis catus

Die Somaliese kat (Engels: Somali) is ’n katras wat ontstaan het uit langharige Abessiniese katte. Hulle het in die 1950's hul verskyning gemaak ná ’n program waarin geteel is met ’n paar Abessiniese katjies wat gebore is met ’n wollerige pels en ruie stert. Die twee rasse het dieselfde geaardheid: intelligent, spelerig en nuuskierig, maar Somaliese katte is meer ontspanne en minder aktief.

Die lyf en kleur van die twee rasse stem ooreen, hoewel die langer hare van die Somaliese kat meer instandhouding verg. Anders as ander langhaarkatte, verloor Somaliese katte min hare – dit word gewoonlik een of twee keer per jaar gelyk verloor, eerder as deur die jaar soos byvoorbeeld die Persiese kat.

Geskiedenis[wysig]

Omdat Abessiniese katte baie min geraak het tydens die Tweede Wêreldoorlog is katte van ’n onbekende herkoms gebruik om die ras weer op te bou en dit is moontlik dat van hulle ’n resessiewe langhaargeen gehad het.[1] Dit kon ook vroeër gebeur het omdat van die 12 katte wat in 1905 by die Amerikaanse National Cat Club geregistreer is, almal minstens een onbekende ouer gehad het. Sommige mense glo egter die langharige Abessiniese katte is eerder die gevolg van ’n spontane mutasie.[2]

Die katte is eers in 1979 as ’n aparte ras deur die Amerikaanse Cat Fanciers' Association erken en daarna deur ander verenigings wêreldwyd. Vanweë die verband met die Abessiniese kat is hulle genoem na die Afrika-land Somalië, ’n buurland van Ethiopië (voorheen Abessinië).

Beskrywing[wysig]

Somaliese katte het mooi, ruie sterte. Hulle het ’n effens donkerder streep teen hul rug af, groot ore en ’n vol kraag, wat hulle ’n effens jakalsagtige voorkoms gee.

Die pelse vorm strepies en elke haar het verskeie strepe in twee kleure. Soms het die katte groter strepe soos dié van ’n streepkat op dele van hul lyf. Dit word egter as ’n fout beskou. Skoukatte mag net die kenmerkende strepe in die vorm van die letter "M" op hul voorkop hê. Net soos Abessiniese katte is hul oë donker omlyn en lyk dit of hulle maskara dra. Hulle het ’n bietjie wit hare op hul snoet en ken/keel. Wit hare op enige ander plek diskwalifiseer hulle as skoukatte.

Verwysings[wysig]

  1. Black, Kathy. “The Somali Cat: 30 Years and Going Strong!”. CFA. URL besoek op 4 Desember 2009.
  2. The Somali: A Berry Lovely Cat”. Cats and Kittens Magazine: 1998. URL besoek op 4 Desember 2009.
  • Edwards, Alan [1999] (2005). The Ultimate Encyclopedia of Cats Cat Breeds & Cat Care, Trevor Turner (konsultant) John Daniels (fotograaf), Londen: Hermes House. ISBN 0754812774 9780754812777. OCLC 76934417. 

Eksterne skakels[wysig]

Commons-logo.svg
Wikimedia Commons het meer media verwant aan:
Somaliese kat (kategorie)


Crystal txt.png

Hierdie artikel is vertaal van die (cat) Engelse Wikipedia

Internasionale katrasse
Lang of  
halflang hare  
Amerikaanse kruloorkatAmerikaanse langhaarkatAmerikaanse stompstertkatBalinese katBritse langhaarkatBurmillaEgeïese katHeilige Birmaanse katJapannese stompstertkatJavanese katKimriese katKleurpunt-langhaarkatKoerile-stompstertkatLaPermMaine CoonManxMunchkinNebelungNoorse boskatOosterse langhaarkatPersiese katRagamuffinRagdollSelkirk-rexSiberiese katSkotse vouoorkatSomaliese katTurkse angoraTurkse van
Kort hare   Abessiniese katAmerikaanse draadhaarkatAmerikaanse korthaarkatAmerikaanse kruloorkatAmerikaanse stompstertkatAsiatiese katAustraliese sluierkatBengaalse katBirmaanse katBombaaikatBrasiliaanse korthaarkatBritse korthaarkatBurmillaChartreuxChausieCheetohCorniese rexDevon-rexDragon LiDuitse rexEgiptiese mauEksotiese korthaarkatEuropese korthaarkatHavana-bruinkatJapannese stompstertkatKoerile-stompstertkatKoratLaPermManxMunchkinOcicatOosterse korthaarkatOregon-rexPixie-bobRussiese bloukatRussiese wit-, swart- en streepkatSavannekatSelkirk-rexSerengeti-katSiamese katSingapuraSkotse vouoorkatSnowshoeSokokeThaise katTonkanese katToyger
Geen hare   BambinoDon-sfinksMinskinOekraïnse lefkoiPeterbaldSfinkskat