Amerikaanse draadhaarkat

in Wikipedia, die vrye ensiklopedie
Spring na: navigasie, soek
Amerikaanse draadhaarkat
American Wirehair - CFF cat show Heinola 2008-05-04 IMG 8721.JPG
Herkoms VSA
Ontstaan Mutasie
Soort lyf Gemiddeld/stewig
Pels Kort
Patroon Alle
Wetenskaplike naam Felis catus

Die Amerikaanse draadhaarkat (Engels: American wirehair) is ’n katras wat in die noorde van die Amerikaanse staat New York ontstaan het. Hoewel dit baie bekend is, is dit die seldsaamste van die Amerikaanse Cat Fanciers' Association (CFA) se 41 rasse.

Geskiedenis[wysig]

Die Amerikaanse draadhaarkat is ’n spontane mutasie van die Amerikaanse korthaarkat.[1] Die eerste een wat sover bekend gebore is, was in 1966 in Vernon, New York. Dit was die enigste kat in ’n werpsel van vyf Amerikaanse korthaarkatjies wat draadagtige hare gehad het.[2] Die eienaar het ’n plaaslike teler van rex-katte, Joan O'Shea, gevra om na die mannetjieskat te gaan kyk. Sy het die kat en een van die wyfies met normale hare gekoop om ’n teelprogram te begin. Die mannetjie is Adam gedoop en die wyfie Tip-Top.

Die twee katte se kleintjies was draadhaarkatte[3] en van hulle is aan ander telers verkoop. Van die katte is later na Kanada uitgevoer, asook na Duitsland, waar hulle baie gewild was. In 1967 het die CFA hulle erken.

Beskrywing[wysig]

Amerikaanse draadhaarkatte lyk nes Amerikaanse korthaarkatte buiten die draadagtige pels.[3] Die hare is soortgelyk aan die hare van sekere hondrasse, soos terriërs. Hulle kan al die kleure wees wat gewoonlik by katte aangetref word, hoewel kleurpunte, sjokoladebruin en lila nie vir kompetisies aanvaar word nie. Die draadhaar-eienskap is dominant en enige kleintjies van ’n draadhaar- en ’n ander kat sal draadhaarkatte wees. Draadhaarkatte het goue oë, behalwe sommige wittes wat blou of amber oë het.[4]

Die gedragspatroon van die katte stem ook ooreen met dié van Amerikaanse korthaarkatte. Die meeste verkies om binnenshuis te bly.[5]

Verwysings[wysig]

  1. Canadian Cat Association breed standard: American Wirehair”. Canadian Cat Association. URL besoek op 1 Oktober 2011.
  2. Geyer, Georgie Anne (2004). When Cats Reigned Like Kings: On the Trail of the Sacred Cats. Andrews McMeel Publishing. ISBN 9780740746970. 
  3. 3,0 3,1 Hampshire, Kristen; Iris Bass, Lori Paximadis (2011). Cat Lover's Daily Companion: 365 Days of Insight and Guidance for Living a Joyful Life with Your Cat. Quarry Books. ISBN 9781610581387. 
  4. Bessant, Claire (1999). Cat: The Complete Guide. Barnes & Noble Publishing. ISBN 9780760717189. 
  5. Petruccio, Steven James (1997). Learning About Cats. Courier Dover Publications. ISBN 9780486295336. 

Eksterne skakels[wysig]

Sien ook[wysig]

Lys van katrasse

Crystal txt.png

Hierdie artikel is vertaal van die Engelse Wikipedia

Internasionale katrasse
Lang of  
halflang hare  
Amerikaanse kruloorkatAmerikaanse langhaarkatAmerikaanse stompstertkatBalinese katBritse langhaarkatBurmillaEgeïese katHeilige Birmaanse katJapannese stompstertkatJavanese katKimriese katKleurpunt-langhaarkatKoerile-stompstertkatLaPermMaine CoonManxMunchkinNebelungNoorse boskatOosterse langhaarkatPersiese katRagamuffinRagdollSelkirk-rexSiberiese katSkotse vouoorkatSomaliese katTurkse angoraTurkse van
Kort hare   Abessiniese katAmerikaanse draadhaarkatAmerikaanse korthaarkatAmerikaanse kruloorkatAmerikaanse stompstertkatAsiatiese katAustraliese sluierkatBengaalse katBirmaanse katBombaaikatBrasiliaanse korthaarkatBritse korthaarkatBurmillaChartreuxChausieCheetohCorniese rexDevon-rexDragon LiDuitse rexEgiptiese mauEksotiese korthaarkatEuropese korthaarkatHavana-bruinkatJapannese stompstertkatKoerile-stompstertkatKoratLaPermManxMunchkinOcicatOosterse korthaarkatOregon-rexPixie-bobRussiese bloukatRussiese wit-, swart- en streepkatSavannekatSelkirk-rexSerengeti-katSiamese katSingapuraSkotse vouoorkatSnowshoeSokokeThaise katTonkanese katToyger
Geen hare   BambinoDon-sfinksMinskinOekraïnse lefkoiPeterbaldSfinkskat