Eridanus (sterrebeeld)

in Wikipedia, die vrye ensiklopedie
Spring na: navigasie, soek
Eridanus
Eridanus constellation map.png
Latynse naam Eridanus
Genitief Eridani
Afkorting Eri
Waarnemingsdata (Epog J2000)
Regte klimming 3,25h
Deklinasie -29º
Grootte 1 138 vk. grade (6de)
Kwadrant SQ1
Besonderhede
Hoofsterre 24
Helderste ster Achernar (α Eri)
Naaste ster Epsilon Eridani (ε Eri)
Sterre helderder as 3 m 4
Sterre met planete 27
Messier-voorwerpe 0
Bayer-/Flamsteed-sterre 87
Simboliek Eridanus (Po-rivier) in Italië
Aangrensende sterrebeelde
Walvis, Oond, Feniks, Suidelike Waterslang, Toekan (hoek), Horlosie, Graveerstif, Haas, Jagter, Bul
Portaal  Portaalicoon   Sterrekunde

Eridanus is ’n sterrebeeld in die suidelike hemelruim. Dit is die Antieke Griekse naam van die Po-rivier in Italië. Dit is een van die 48 konstellasies wat deur die 2de-eeuse sterrekundige Ptolemeus beskryf is en is steeds een van die 88 moderne sterrebeelde. Eridanus is die sesde grootste sterrebeeld.

Ruimtevoorwerpe[wysig]

’n Kunstenaarsvoorstelling van ’n planeet soortgelyk aan Jupiter wat om die naaste ster, Epsilon Eridani, wentel.

Sterre[wysig]

Die helderste ster in Eridanus is Achernar (α Eri), met ’n helderheid van 1 mag. Dit is ’n eienaardige ster: dis een van die platste sterre sover bekend. Waarnemings dui aan dat sy radius by sy ewenaar sowat 50% groter is as by die pole. Die verwringing vind plaas omdat die ster baie vinnig in die rondte tol.

Nog ’n bekende ster is Epsilon Eridani, wat baie naby aan die Aarde en baie soos die son is. Daar word nou geglo dit het minstens een planeet wat waarskynlik ’n gasreus is, nes Jupiter.

Sterrestelsels[wysig]

Eridanus bevat die sterrestelsels NGC 1234 en NGC 1300. Laasgenoemde is ’n spiraalvormige sterrestelsel 69 miljoen ligjare van die Aarde af. Binne-in die spiraal bestaan ’n ander spiraalvormige sterrestelsel met ’n deursnee van 3 300 ligjare.[1]

Superleemte[wysig]

Die Eridanus-superleemte is die grootste superleemte (’n deel van die heelal waarin geen sterrestelsels voorkom nie) wat nog ontdek is. Dit het ’n deursnee van omtrent 1 miljard ligjare en kan nie verduidelik word aan die hand van huidige teorieë oor die ontstaan van die heelal nie.[2] Daar word geglo dat dit veroorsaak word deur ’n kwantumverstrengeling tussen ons heelal en ’n ander een.[3][4][5]

Uitbeelding[wysig]

Die naam Eridanus verwys na die Po, die langste rivier in Italië. Sy verbinding met ’n rivier kom van die manier waarop sy sterre ’n kronkelpad vorm. Op sommige sterkaarte word Eridanus voorgestel as ’n rivier wat vloei uit die water wat die Waterdraer uitgooi.

Verwysings[wysig]

  1. (2006) 300 Astronomical Objects: A Visual Reference to the Universe. Buffalo, New York: Firefly Books. ISBN 978-1554071753. 
  2. NRAO: "Astronomers Find Enormous Hole in the Universe". NRAO-webtuiste, besoek op 24 Augustus 2007.
  3. The void: Imprint of another universe?
  4. Evidence for a parallel universe?
  5. Great 'cosmic nothingness' found, BBC News.
  • Ridpath, Ian; Wil Tirion (2007). Stars and Planets Guide. Londen: Collins. ISBN 978-0-00-725120-9. Princeton: Princeton University Press. ISBN 978-0-691-13556-4. 
  • Star Names, Their Lore and Legend, Richard Hinckley Allen, New York, Dover

Eksterne skakels[wysig]


Die 88 moderne sterrebeelde

AgterdekAkkedisAltaarAndromedaArendBeeldhouerBekerBerenice se HareBoogskutterBulCassiopeiaCepheusDolfynDraakDriehoekDuifEenhoringEridanusFeniksGraveerstifGroot BeerGroot HondHaasHerculesHorlosieIndiërJaghondeJagterKameelperdKameleonKielKlein BeerKlein HondKlein LeeuKoetsierKompasKraaiKraanvoëlKreefNetLeeuLierLugpompMaagdMikroskoopNoordelike KroonNoordelike WaterslangOktantOondParadysvoëlPasserPerseusPouPylRamRooikatSeileSekstantSentourSkerpioenSkildSkilderSlangSlangdraerSteenbokSuidelike DriehoekSuidelike KroonSuidelike VisSuidelike WaterslangSuiderkruisSwaanSwaardvisTafelTeleskoopToekanTweelingVeewagterVisseVlieënde PerdVlieënde VisVliegVosVulWalvisWaterdraerWeegskaalWinkelhaakWolf