Tafel (sterrebeeld)

in Wikipedia, die vrye ensiklopedie
Spring na: navigasie, soek
Tafel
Mensa constellation map.png
Latynse naam Mensa
Genitief Mensae
Afkorting Men
Waarnemingsdata (Epog J2000)
Regte klimming 4 ~ 7,5h
Deklinasie −71 ~ −85,5º
Grootte 153 vk. grade (75ste)
Kwadrant SQ1
Besonderhede
Hoofsterre 4
Helderste ster α Men
Naaste ster α Men
Sterre helderder as 3 m 0
Sterre met planete 2
Messier-voorwerpe 0
Bayer-/Flamsteed-sterre 16
Simboliek Tafelberg
Aangrensende sterrebeelde
Kameleon, Swaardvis, Suidelike Waterslang, Oktant, Vlieënde Vis
Portaal  Portaalicoon   Sterrekunde

Tafel of Mensa behoort tot die klein sterrebeelde van die Suidelike Halfrond wat redelik laat afgebaken is en daarom aan geen antieke mitologie gekoppel word nie. Die sterrebeeld het sy naam gekry van die Franse sterrekundige Nicolas Louis de Lacaille, wat in 1752 in Kaapstad, Suid-Afrika, gewoon het en dit vanaf sy uitkykpunt op Tafelberg ontdek het. Hy het dit aanvanklik Mons Mensae (Tafelberg) genoem, maar dit is later verkort tot Mensa.

’n Mens kan Mensa net vaagweg uitken aan die sterrehemel, maar kan die suidelikste derde deel van die sterrestelsel Groot Magellaanse Wolk (LMC vir Large Magellanic Cloud op die sterrekaart regs) as baken neem om die sterrebeeld te vind. Moontlik was hierdie sterrestelsel, wat teenoor die sterre van die Tafel geleë is, byna soos die wolke van Kaapstad se Tafelberg, wat ook kon bygedra het tot De Lacaille se benaming.

Buiten die suidpoolsterrebeeld, Oktant, is die Tafel die mees suidelike sterrebeeld en daarom is dit feitlik onsigbaar van die Noordelike Halfrond af. Ander aangrensende sterrebeelde is die Kameleon, Swaardvis, Suidelike Waterslang en Vlieënde Vis.

Ruimtevoorwerpe[wysig]

Sterre[wysig]

Die Groot Magellaanse Wolk.

Die Tafel is die dofste van al die sterrebeelde en bevat geen helder sterre nie – Alpha Mensae is die helderste en beswaarlik sigbaar met ’n magnitude van 5,09. Dit is ’n Son-tipe ster (spektraalklas G5 V) sowat 33 ligjare van die Aarde af. Dit is een van die sterre wat moontlik ’n aardagtige planeet kan hê.

Pi Mensae is 59 ligjare van hier en is ook ’n Klas G-ster, maar dit het ’n reusegasplaneet in ’n eksentrieke wentelbaan wat deur die ster se bewoonbare sone strek en dus die moontlikheid van ’n bewoonbare planeet uitsluit.

Diepruimtevoorwerpe[wysig]

Die Tafel sluit ’n deel van die Groot Magellaanse Wolk in; die res lê in die sterrebeeld Swaardvis. Dit bevat ook die kwasar PKS 0637-752, wat ’n groot gasstraal het wat in beide optiese en X-straal-golflengtes sigbaar is.

Bronne[wysig]

  • Ridpath, Ian; Tirion, Wil (2007), Stars and Planets Guide, Princeton University Press, ISBN 978-0-691-13556-4 
  • Staal, Julius D.W. (1988), The New Patterns in the Sky: Myths and Legends of the Stars, The McDonald and Woodward Publishing Company, ISBN 0-939923-04-1 

Eksterne skakels[wysig]


Die 88 moderne sterrebeelde

AgterdekAkkedisAltaarAndromedaArendBeeldhouerBekerBerenice se HareBoogskutterBulCassiopeiaCepheusDolfynDraakDriehoekDuifEenhoringEridanusFeniksGraveerstifGroot BeerGroot HondHaasHerculesHorlosieIndiërJaghondeJagterKameelperdKameleonKielKlein BeerKlein HondKlein LeeuKoetsierKompasKraaiKraanvoëlKreefNetLeeuLierLugpompMaagdMikroskoopNoordelike KroonNoordelike WaterslangOktantOondParadysvoëlPasserPerseusPouPylRamRooikatSeileSekstantSentourSkerpioenSkildSkilderSlangSlangdraerSteenbokSuidelike DriehoekSuidelike KroonSuidelike VisSuidelike WaterslangSuiderkruisSwaanSwaardvisTafelTeleskoopToekanTweelingVeewagterVisseVlieënde PerdVlieënde VisVliegVosVulWalvisWaterdraerWeegskaalWinkelhaakWolf