Fouriesburg

Fouriesburg
Fouriesburg
Koördinate: 28°37′21.9″S 28°12′39.22″O
Land	Suid-Afrika
Provinsie	Vrystaat
Distriksmunisipaliteit	Thabo Mofutsanyana
Plaaslike Munisipaliteit	Dihlabeng
Stigting	1892
Vernoem na	Christoffel Fourie
Tydsone	SAST (UTC+2)

Fouriesburg is 'n dorp in die Vrystaat, Suid-Afrika. Die dorp word in die ooste deur die Rooiberge en in die weste deur die Witteberge begrens.

Geskiedenis

Die dorp is gestig in 1892 op die plaas Groenfontein en vernoem na Christoffel Fourie. Vir 'n paar maande was die dorp ook die setel (die laaste van die oorlog) van die regering van die Oranje-Vrystaat tydens die Tweede Vryheidsoorlog. Fouriesburg is bekend vir gevegte tydens die Tweede Vryheidsoorlog. Ongeveer 4000 Boere soldate onder leiding van Marthinus Prinsloo het by Surrender Hill aan die Britse soldate oorgegee.

Distrik

Die distrik is 1 155 km² groot. Gemengde boerdery (koring, mielies en beeste) word beoefen. Die dorp is ook 'n belangrike basis vir handel met Lesotho aangesien die grens slegs 10 km ver is. Die grenspos staan bekend as Caledonspoort. Die huis waarin president MT Steyn gewoon het, staan nog op die hoek van Reitz- en Robertsonstraat.

Sien ook

• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4