Ladybrand

Ladybrand
Ladybrand
Koördinate: 29°12′0″S 27°27′0″O
Land	Suid-Afrika
Provinsie	Vrystaat
Distriksmunisipaliteit	Thabo Mofutsanyana
Plaaslike Munisipaliteit	Mantsopa
Stigting	1867
Hoogte	1 577 m (5 174 vt)
Bevolking (2010)
- Stad	19 065
Tydsone	SAST (UTC+2)

Ladybrand is 'n dorp in die Oos-Vrystaat, Suid-Afrika. wat in 1867 op die plaas Mauershoek gestig is. Die dorp is aan die voet van die Platberg, naby die Caledonrivier wat die grens tussen Vrystaat en Lesotho vorm.

Geskiedenis

Die dorp is in 1867 op die plaas Mauershoek gestig. Ladybrand is vernoem na lady Catharina Brand, vrou van Sir Christoffel Josephus Brand, wat die eerste Speaker van die Kaapse Parlement was. Sy was ook die moeder van die Vrystaatse president Sir Johannes Henricus Brand. Ladybrand se ligging teenoor Lesotho het veroorsaak dat heelwat gevegte tussen die Voortrekkers en die Basoetos hier plaasgevind het voordat die gebied in 1865 van die Basoetos afgeneem is. Die dorp is grootliks gestig om die gebied te stabiliseer na afloop van die Basoeto oorlog van 1865.

Ladybrand is naby die Lesotho hoofstad Maseru geleë en die dorp is gevolglik sy ontwikkeling te danke aan honderde Suid-Afrikaners wat in Lesotho werk, maar in Ladybrand woon.

Die dorp het in 1904 munisipale status verkry en is in 1905 met 'n taklyn met die Bloemfontein-Bethlehem-spoorlyn verbind.

Distrik

Die distrik is 1 958 km² groot. Ladybrand is die kommersiële sentrum in die graan en sonneblomgordel van die oostelike Vrystaat.

Bekende persone gebore in Ladybrand

• Nicolaas Johannes Diederichs, Staatspresident van Suid-Afrika.

Sien ook

• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus. Jonathan Ball Uitgewers, 1995.