Memel, Vrystaat
- Hierdie artikel handel oor die dorp in Suid-Afrika. Vir die Duitse naam vir die stad in Litaue, sien gerus Klaipeda.
| Memel | |
.svg)  Memel
|
|
| Koördinate: | |
|---|---|
| Land |  Suid-Afrika |
| Provinsie | Vrystaat |
| Distriksmunisipaliteit | Thabo Mofutsanyana |
| Plaaslike Munisipaliteit | Phumelela |
| Bevolking (2001) | |
| - Stad | 469 |
| Tydsone | SAST (UTC+2) |
| Poskode | 2970 |
| Vernoem na | Stad van Memel (Klaipėda) |
| Webwerf: http://www.memel.co.za | |
Memel is 'n dorpie in die Oos-Vrystaat. Dit is vernoem na die hawestad Memel, Oos-Pruise (vandag Klaipėda, Litaue). Die naam in Oud-Pruisies beteken om deur water omring te word. Die dorp is in 1911 gestig.
Die naam Memel is dan ook baie gepas, aangesien die 5000 hektaar Seekoeivlei by die dorp aangetref word. Dié vleiland het internasionale status bereik deur as 'n RAMSAR gebied geproklameer te word. Seekoeie is onlangs in die reservaat in Seekoeivlei vrygelaat, meer as 100 jaar ná die laaste seekoei hier uitgeskiet is.
Die Seekoeivlei lok jaarliks duisende watervoëls na die gebied, en Memel en omgewing het bekend geword as 'n paradys vir die groeiende aantal plaaslike en internasionale voëlkykers. Skaars spesies wat hier aangetref word sluit die Blou- en Mahem Kraanvoëls in.
