Lindley

in Wikipedia, die vrye ensiklopedie
(Aangestuur vanaf Lindley, Vrystaat)
Lindley
Lindley is in Vrystaat
Lindley
Lindley
 Lindley se ligging in Vrystaat
Koördinate: 27°52′0″S 27°55′0″O / 27.86667°S 27.91667°O / -27.86667; 27.91667Koördinate: 27°52′0″S 27°55′0″O / 27.86667°S 27.91667°O / -27.86667; 27.91667
LandVlag van Suid-Afrika Suid-Afrika
ProvinsieVrystaat
DistrikThabo Mofutsanyana
MunisipaliteitNketoana
Stigting1875
Regering
 • TipeGenoem na
Oppervlak
 • Totaal23,0 km2 (8,9 vk. myl)
Bevolking
 (2011)[1]
 • Totaal12 000
 • Digtheid522/km2 (1 350/vk. myl)
Rasverdeling (2011)
 • Wit mense3.6%
 • Indiërs/Asiërs0.3%
 • Bruin mense0.3%
 • Swart mense95.6%
 • Ander0.2%
Taal (2011)
 • Sotho 83.6%
 • Zoeloe 6.1%
 • Afrikaans 5.1%
 • Gebaretaal 2.2%
 • Ander 3.1%
Poskode (strate)
9630
Poskode (posbusse)
9630
Skakelkode058

Lindley is 'n dorp in die Oos-Vrystaat, Suid-Afrika. Die dorp val onder beheer van die Nketoana Plaaslike Munisipaliteit.

Geskiedenis[wysig | wysig bron]

Eerw. Daniel Lindley.

Die dorp is vernoem na 'n Amerikaanse Presbiteriaanse sendeling, Daniel Lindley (1801-1880). Daniel Lindley het 'n leraar vir die Voortrekkers geword na die moord op Piet Retief en sy gevolg in 1838. Lindley is gestig in 1875 op die plaas Brandhoek en geproklameer as 'n dorp in 1878. Die landmeter was Charles Pritchard van Bloemfontein en hy het oorspronklik 300 erwe uitgemeet. Vyf strate is na die stigters van die dorp vernoem: Rautenbach, Van den Heever, Sarel Cilliers, Hattingh en De Wet. In 1885 het die eienaars die dorp geskenk aan die NG kerk. Ses jaar later het die NG kerk die bestuur van die dorp aan 'n munisipaliteit oorgedra.

Tweede Vryheidsoorlog[wysig | wysig bron]

Daar het verskeie veldslae in die omgewing plaasgevind tydens die Tweede Vryheidsoorlog. Op 2 Februarie 1902 het die Britse Leër die dorp verwoes. Na die oorlog is dit herbou. Een van die inwoners, John Collister-Oats, het 'n veldtog van stapel gestuur om duisende bome te plant.

Distrik[wysig | wysig bron]

Die distrik is 2 833 km2 groot. Van die belangrikste gewasse wat verbou word is mielies, koring, aartappels, suiwel en beeste. Daar is ook 'n aanleg vir poeiermelk by die dorp. Daar is 'n oord langs die Valsrivier ontwikkel met 'n meer wat 5 km lank is. Sowat 5 km buite die dorp, op die Kroonstadpad, is daar 'n gedenkteken vir die Britse offisiere van die Imperial Yeomanry wat in gevegte in Mei 1900 daar gesneuwel het.

Bekende persone gebore in Lindley[wysig | wysig bron]

Danie Craven.
  • Danie Craven (1910-1993), Springbokrugbyspeler, -kaptein en afrigter.
  • Stella Blakemore (1906–1991), 'n populêre Afrikaanse jeugskrywer, wat reekse soos Maasdorp en Keurboslaan geskryf het.
  • Tienie Holloway (1888–1967), 'n Afrikaanse skrywer van kinderliteratuur.

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 1,3 Som van die hoofplekke Ntha en Lindley tydens die 2011-Sensus.

Bronne[wysig | wysig bron]

  • Erasmus, B.P.J. Op pad in Suid-Afrika. Jonathan Ball Uitgewers. ISBN 1-86842-026-4.
  • Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.