Wêreldrugby

in Wikipedia, die vrye ensiklopedie
(Aangestuur vanaf Internasionale rugbyraad)
Spring na: navigasie, soek
Kenteken van die Internasionale Rugbyraad.

Wêreldrugby (voorheen bekend as die Internasionale Rugbyraad (IRR)) is die wêreldwye bestuursliggaam wat die reëls van rugby beheer. Die liggaam is in 1886 in die lewe geroep as die Internasionale Rugby Voetbalraad deur die Skotse-, Walliese- en Ierse rugbyrade. Die Engelse rugbyraad het aanvanklik geweier om deel te neem, maar het in 1890 een van die eerste nie-stigterslede geword wat aangesluit het.[1][2] Die raad is in 1997 herdoop tot die Internasionale Rugbyraad. Wêreldrugby se hoofkantoor is in Dublin, Ierland.[3]

Die Raad het 95 Unies as volle lede, 20 assosiaatlede en ses plaaslike verenigings. Die volle-lede-unies vergader twee keer per jaar en die plaaslike verenigings hou gereelde vergaderings.[3] Die Raad reël van die sport se internasionale kompetisies, met die Rugby Wêreldbeker (wat elke vier jaar plaasvind) as die gewildste en winsgewendste toernooi soos blyk uit die £81.8 miljoen bruto inkomste wat tydens die 2003 toernooi geïn is.[4] Hulle organiseer ook die Junior Rugbywêreldbeker vir onder-20-spelers.

Die Raad verskaf ook geld aan die rugbyspanne van kleiner lande, soos die Suidsee-Eilandspanne, wat nie hul eie inkomste kan genereer nie.

Verwysings[wysig]

  1. Museum of Rugby, Short history of rugby [1], laas nagegaan op 14 Julie 2006
  2. Dallas RFC, History of Rugby [2], laas nagegaan op 14 Julie 2006
  3. 3,0 3,1 International Rugby Board, IRB Organisation [3], laas nagegaan op 14 Julie 2006
  4. Rugby Football History, Rugby World Cup History [4], nagegaan op 14 July 2006]

Sien ook[wysig]

Eksterne skakels[wysig]


Rugbywêreldbeker Rugbyball2.jpg

Australië en Nieu-Seeland 1987 - Engeland 1991 - Suid-Afrika 1995 - Wallis 1999 - Australië 2003 - Frankryk 2007 - Nieu-Seeland 2011 - Engeland 2015 - Japan 2019