Jamestown, Oos-Kaap
- Die artikel handel oor die dorp in die Oos-Kaap, vir ander gebruike, sien Jamestown.
| Jamestown | |
.svg)  Jamestown
|
|
| Koördinate: | |
|---|---|
| Land |  Suid-Afrika |
| Provinsie | Oos-Kaap |
| Distriksmunisipaliteit | Joe Gqabi |
| Plaaslike Munisipaliteit | Maletswai |
| Bevolking (2007) | |
| - Stad | 90 |
| Tydsone | SAST (UTC+2) |
Jamestown is 'n dorpie in die Oos-Kaap, sowat 58 km suid van Aliwal-Noord, geleë op die N6 roete tussen Queenstown en Aliwal-Noord. Dit is vernoem na Johannes Jacobus (James) Wagenaar, die eienaar van die plaas waarop dit uitgelê is. Ingevolge die huidige munisipale bedeling, is dit deel van die Maletswai Plaaslike Munisipaliteit en die Joe Gqabi-distriksmunisipaliteit.
Die dorp het 'n klein, maar goeie, provinsiale hospitaal.[1]
Inhoud |
[wysig] Geskiedenis
Die dorpie in aangelê op die plaas Plessieskraal in 1874. Dit het in 1943 munisipale status verwerf.
[wysig] NG gemeente
Vir hoofartikel, sien NG gemeente Jamestown
Jamestown, wat op die ou wapadroete tussen Aliwal-Noord en Queenstown geleë is, het in 1876, twee jaar ná sy stigting, sy eerste NG kerkgeboutjie gekry. Maandelikse dienste is om die beurt deur die predikante van Aliwal-Noord en Dordrecht gehou. In 1891 verkry die gemeente die reg om tot selfstandige gemeente af te stig, maar eers op 25 Maart 1893 kom die eerste leraar, ds. Theodore James Meyer, hier aan. Hy het op 19 Maart 1898 aan die koors beswyk. Op 28 Oktober 1899 neem ds. William Loftie Eaton die taak verder. 'n Saal is in 1906 opgerig en die kerkgebou in 1912 gebou. Op 11 November 1933 volg ds. Pieter de Vos Grobbelaar vir ds. Eaton op. Hy was daarna leraar van die NG gemeente Rondebosch. 'n Doeltreffende, nuwe kerksaal is op 9 Maart 1951 ingewy.
Die gemeente was nooit groot wat getalsterkte betref nie. In 1972 was hier byvoorbeeld 320 volwasse lidmate, wat tot 130 in 1994 daal en net 90 in 2006. Dit bly bestendig op 90 tot 2012, wat waarskynlik beteken dat nuwe gegewens nie aan die samestellers van die Jaarboek van die NG Kerke gestuur is nie. Die leraarspos in die gemeente was in 2007 steeds vakant, een van baie in die Oos-Kaapse Sinode van die NG Kerk wat op die oog af te klein geword het om 'n eie leraar te kan bekostig. Van die ander gemeentes wat in 2007 minder as 200 volwasse lidmate gehad het en vakant was, was Hofmeyr met 149 volwasse lidmate (138 in 2012 en steeds vakant), Indwe met 84 (69 in 2012, maar darem met 'n hulpleraar, ds. D.C. Thomas van die gemeente Elliot), Klipplaat met 60 (40 in 2012 en steeds vakant), Venterstad met 96 (dieselfde, toe reeds ou syfer in 2012, maar steeds vakant), en Waterford met 95, wat vyf jaar later gehalveer het tot net 47, ook steeds vakant. Teen 2012 het die NG gemeente Cathcart hom by die geledere van die baie klein gemeentes aangesluit met 84 lidmate.
[wysig] Belangrike persone gebore in Jamestown
- John Vorster - Eerste minister van Suid-Afrika.
[wysig] Sien ook
[wysig] Eksterne skakels
[wysig] Bronne
- Raper, P.E., Dictionary of South African Place Names, Lowry Publishers, Johannesburg, 1987.
- Rosenthal, Eric, Encyclopaedia of Southern Africa; Juta and Company Limited, Cape Town & Johannesburg, 1980.
- Olivier, ds. P.L. (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.
