Vlag van Djiboeti

in Wikipedia, die vrye ensiklopedie
Spring na: navigasie, soek
Vlag van Djiboeti
Vlag van  Djiboeti
Gebruik Nasionale vlag en vaandel Nasionale vlag en vaandel
Verhouding 4:7
Goedgekeur 27 Junie 1977
Ontwerp ’n Wit driehoek aan die vlagpaalkant met ’n rooi ster, twee ewe breë bane in ligblou en groen aan die wapperkant.

Die nasionale vlag van die Djiboeti is op 27 Junie 1977 amptelik in gebruik geneem. Die vlag vertoon ’n wit driehoek aan die vlagpaalkant met ’n rooi vyfpuntige ster daarin; die wapperkant is horisontaal in die helfte gedeel met ’n ligblou baan bo en ’n groen baan onder.

Simboliek[wysig]

Die ligblou verteenwoordig die Issa Somali’s en die groen verteenwoordig die Afar. Wit, groen en ligblou is die kleure van die LPAI. Die rooi ster verteenwoordig die eenheid van die diverse staat. Die vyf punte van die ster verteenwoordig die areas waarin die Somali’s woon (Brits-Somaliland (Somalië), Italiaans-Somaliland (Somalië), Frans-Somaliland (Djiboeti), die Ogaden en die Noordelike Grensdistrik. Die kleure verteenwoordig die aarde (groen), die see (blou) en vrede (wit) met die rooi ster wat eenheid voorstel.

Ontwerp[wysig]

Die huidige vlag is ’n aanpassing van die vlag van die Ligue Populaire Africaine pour l’Independence (LPAI) wat Djiboeti tot onafhanklikheid gelei het. Die LPAI-vlag het ’n rooi driehoek met ’n wit ster gehad. Vir die nasionale vlag wat met onafhanklikheid aanvaar is, is die ster in ’n regop posisie geplaas eerder as om dit in ’n skewe posisie te hou en die verhouding van die vlag is ook aangepas.

Eksterne skakels[wysig]

Commons-logo.svg
Wikimedia Commons het meer media verwant aan:
Vlae van Djiboeti (kategorie)


Hierdie artikel is in sy geheel of gedeeltelik vanuit die Engelse Wikipedia vertaal.