Vlag van Mosambiek

in Wikipedia, die vrye ensiklopedie
Spring na: navigasie, soek
Vlag van Mosambiek
Vlag van  Mosambiek
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 1 Mei 1983
Ontwerp ’n Rooi driehoek aan die vlagpaalkant met ’n geweer, skoffel, boek en ster motief en ’n horisontale driekleur in groen, swart en geel met wit fraaiings aan dei wapperkant.

Die nasionale vlag van Mosambiek is op 1 Mei 1983 amptelik in gebruik geneem. Die vlag vertoon ’n rooi driehoek met ’n AK-47, skoffel, boek en geel vyfpuntige ster as motief. Aan die wapperkant is drie ewe wye bane in (van bo na onder) groen, swart en geel met wit fraaings langs die swart baan.

Simboliek[wysig]

Die AK-47 stel Mosambiek se stryd om vryheid voor, die skoffel stel landboukundige werk voor, die boek dien as herinnering aan die belangrikheid van opvoeding[1] en die ster stel Marxisme en internasionalisme voor.

Die swart baan in die middel is ’n simbool van Afrika, die wit fraaiings stel vrede voor, die groen baan (bo) stel die vrugbare grond voor en die geel baan (onder) stel minerale rykdom voor en rooi stel, soos die geweer, die stryd om vryheid voor.

Ontwerp[wysig]

Die huidige vlag is op 1 Mei 1983 aanvaar. Toe Portugal en Mosambiek op 5 September 1974 ooreengekom het oor die onafhanklikheid van Mosambiek, si die vlag van FRELIMO gebruik as Mosambiek se vlag. Hierdie vlag stem ooreen met die huidige vlag behalwe vir die simbole in die rooi driehoek aan die vlagpaalkant. Toe Mosambiek totaal onafhanklik geword het, op 25 Junie 1975, is ’n nuwe vlag aanvaar, met groen, rooi, swart en geel bane wat in die linker boonste punt van die vlag byeen kom met ’n tandrat in die skildhoek waarin ook ’n AK-47, skoffel en rooi ster is. Hierdie vlag is in 1983 vervang met een wat soortgelyk is aan die huidige vlag, behalwe vir die simbool in die rooi driehoek. Hier is die simbool van die vorige vlag (1975 tot 1983) gehou en op ’n geel ster geplaas.

Ander vlae[wysig]

Voorstel vir ’n nuwe vlag[wysig]

In 2005 is ’n kompetisie geloods om ’n nuwe vlag vir Mosambiek te ontwerp. 119 inskrywings is ontvang en ’n wenvlag is gekies maar is tot vandag nie gebruik nie. Dit het ontstaan in die konteks van die soeke na 'n nuwe wapen en lied vir die land te kry. RENAMO, die parlementêre opposisie, sou graag wou sien dat die aanvalsgeweer van die wapen verwyder word. Die soeke na nuwe nasionale simbole is nie goed ontvang deur die Mosambiekse publiek nie.

Die voorstel van ’n nuwe vlag is afgeskiet deur die FRELIMO-gestuurde parlement in Desember 2005. 169 voorgestelde vlae is afgekeur, waaronder die huidige vlag sonder ’n geweer.[2]

Eksterne skakels[wysig]

Verwysings[wysig]

  1. Greig, Charlotte. The Dictionary of Flags. Grange Books. ISBN: 1-840137-58-4
  2. (en) "Mosambiek: Parlement hou geweer in nasionale vlag", New York Times, 20 Desember 2005. URL besoek op 14 November 2007.
Commons-logo.svg
Wikimedia Commons het meer media verwant aan:
Vlae van Mosambiek (kategorie)


Hierdie artikel is in sy geheel of gedeeltelik vanuit die Engelse Wikipedia vertaal.