Vlag van Namibië

in Wikipedia, die vrye ensiklopedie
Spring na: navigasie, soek
Vlag van Namibië
Vlag van  Namibië
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 21 Maart 1990
Ontwerp ’n Rooi diagonale baan met wit fraaiings van onder aan die vlagpaalkant na bo aan die wapperkant met ’n blou driehoek aan die vlagpaalkant en ’n goue son in die skildhoek en ’n groen driehoek op die wapperkant.

Die vlag van Namibië is op 21 Maart 1990 aanvaar met Namibië se onafhanklikheidwording van Suid-Afrika. Die vlag vertoon ’n rooi diagonale baan met wit fraaiings van onder aan die vlagpaalkant na bo aan die wapperkant met ’n blou driehoek aan die vlagpaalkant en ’n goue son in die skildhoek en ’n groen driehoek op die wapperkant.

Simboliek[wysig]

Die woordvoerder van die subkomitee wat die vlag uitgekies het in ’n kompetisie waarin 850 ontwerpe ontvang is stel dit soos volg:

  • Rooi - verteenwoordig Namibië se belangrikste hulpbron, sy mense. Dit verwys na hul heldhaftigheid en deursettingsvermoë om ’n toekoms van gelyke geleenthede vir almal te bou.
  • Wit - verwys na eenheid en vrede.
  • Groen - verteenwoordig die plantegroei en landbouhulpbronne.
  • Blou - verteenwoordig die helder Namibiese lug en die Atlantiese oseaan, die land se kosbare waterhulpbronne en reën.[1]
  • Die goudgeel son stel lewe en lewenskrag, energie en warmte voor en die twaalf strale simboliseer die verskillende volke wat in Namibië woon.[2]

Ontwerp[wysig]

Die kleure van die vlag is ontleen aan die kleure van SWAPO, die belangrikste party in Namibië se stryd om onafhanklikheid. Die vlag is in 1971 aanvaar en bestaan uit drie diagonale strepe van blou, rooi en groen, die belangrikste kleure van die Ovambo’s, die grootste etniese groep in Namibië. Die vlag verteenwoordig ook die Demokratiese Turnhalle-alliansie, ’n ander Namibiese politieke party. Rooi, wit en blou was die kleure van die Demokratiese Turnhalle-alliansie en blou, rooi en groen die kleure van SWAPO.

Konstruksietekening

Geskiedenis[wysig]

Nadat die Duitse koopman Adolf Lüderitz in 1883 ’n stuk grond by Angra Pequena laat aankoop het (die baai waar Lüderitz vandag is), is die gebied in 1884 verklaar tot die protektoraat Duits-Suidwes-Afrika. Slegs die enklave Walvisbaai het Britse gebied gebly. Die vlag van die Duitse Ryk, ’n swart-wit-rooi driekleur, is vir die gebied aangewys. Daar is later voorstelle gemaak vir ’n swart-wit-rooi vlag met ’n onderskeidende wapen in die middel van die wit baan, om Duits-Suidwes-Afrika te kan onderskei, maar daar het niks van gekom nie.

Na die uitbreek van die Eerste Wêreldoorlog het Suid-Afrikaanse troepe die gebied in 1915 beset. Tot 1990 het Suid-Afrika oor die gebied regeer, onder die naam Suidwes-Afrika. In hierdie periode het die onderskeie vlae van Suid-Afrika daar gewapper.

Ander vlae[wysig]

Sien ook[wysig]

Verwysings[wysig]

  1. (en) (verslag gelewer deur) F.G. Brownell (Desember 1990), Wapenskilde en vlae in Namibië  (’n Reeks van 8 artikels.)
  2. (en) Flags of the World (2005): Namibia, URL besoek op 20 Januarie 2008.

Eksterne skakels[wysig]

Commons-logo.svg
Wikimedia Commons het meer media verwant aan:
Vlae van Namibië (kategorie)