Mesembryanthemum nodiflorum

in Wikipedia, die vrye ensiklopedie

Mesembryanthemum nodiflorum
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Orde: Caryophyllales
Familie: Aizoaceae
Genus: Mesembryanthemum
Spesie:
M. nodiflorum
Binomiale naam
Mesembryanthemum nodiflorum
L.,(1753)
Sinonieme
  • Cryophytum cleistum L.Bolus
  • Cryophytum gibbosum N.E.Br.
  • Cryophytum rogersii L.Bolus
  • Mesembryanthemum caducum Aiton
  • Mesembryanthemum copticum L.
  • Mesembryanthemum inornatum L.Bolus
  • Mesembryanthemum paucandrum L.Bolus
  • Psilocaulon caducum (Aiton) N.E.Br.
  • Stigmatocarpum caducum (Aiton) L.Bolus
  • Stigmatocarpum copticum (L.) L.Bolus

Mesembryanthemum nodiflorum, L. is 'n plantjie uit die vygiefamilie wat aan Suid-Afrika inheems maar nie endemies is nie. Dit kom veral in die Noord-Kaap en die Wes-Kaap voor en is op die SANBI-rooilys as veilig (LC) gelys.[1] Saam met ander spesies van die genus word dit dikwels in Afrikaans brakslaai genoem.

In die droë Karoo is dit een van die hoofkomponente wat deur skape bewei is.[2]

Dit is ook een van die spesies wat saam met duinekool kenmerkend aan die gematigde soutmoerasse van die riviermondings is.

M. nodiflorum kan in droë en soutige omstandighede groei en besit groot blaasselle wat die plant se velletjie 'n glinsterende aanblik gee. Die lewende plant slaan sout in sy blaasselle op wat ná sy afsterwe weer in die grond tereg kom. Dit verhoed dat ander plante op sy plek kan groei. Die plant kan ook van C3-fotosintese oorskakel op CAM-fotosintese. Dit verminder vogverlies en verhoog sy oorlewenskanse. By droogte skakel die plant na CAM oor en fokus op die vervaardiging van saadjies.[3]

Verspreiding[wysig | wysig bron]

In Afrika is die plant inheems in Algerië, Egipte, Kanariese Eilande, Libië, Madeira, Mauritanië, Marokko, Namibië, Selvagens, Suid-Afrika, Tunisië en Wes-Sahara.

Buite Afrika is die plant inheems in die Baleariese Eilande, Oos Egeïese eilande, Frankryk, Griekeland, Persiese Golfstate, Iran, Irak, Italië, Joego-Slawië, Korsika, Kreta, Koeweit, Libanon, Oman, Saoedi-Arabië, Sardinië, Sisilië, Sinai, Sirië, Spanje Staat Palestina en Turkye.[4]

Die plant is 'n indringerspesie in Australië, Kalifornië en op sommige eilande in die Atlantiese Oseaan.

Galery[wysig | wysig bron]

Verwysings[wysig | wysig bron]

  1. ↑ "SANBI-rooilys". Geargiveer vanaf die oorspronklike op 22 Mei 2020.
  2. ↑ Wat vreet verskillende skaaprasse in die Dorre Karoo? P. C. V. du Toit Grootfontein Landbou-ontwikkelingsinstituut.
  3. ↑ "cpbr.gov.au" (in Engels). Geargiveer vanaf die oorspronklike op 8 April 2020.
  4. ↑ https://powo.science.kew.org/taxon/urn:lsid:ipni.org:names:363203-1
Ontsluit van "https://af.wikipedia.org/w/index.php?title=Mesembryanthemum_nodiflorum&oldid=2655381"