Wynberg

Wynberg
Voorstad
Kaart van Wynberg
Wynberg Kaart van Wynberg
Koördinate: 34°00′15″S 18°28′13″O
Land	Suid-Afrika
Provinsie	Wes-Kaap
Metropolitaanse Munisipaliteit	Kaapstad
Oppervlak
• Totaal	3,75 km2 (1,45 vk. myl)
Bevolking
• Totaal	12 821
• Digtheid	3 419/km2 (8 860/vk. myl)
Tydsone	UTC+2 (SAST)
Poskode	7800

Wynberg is een van Kaapstad se grootste en oudste voorstede en is geleë in 'n pragtige boomryke deel van die suidelike voorstede teen die hange van Tafelberg.

Die meer as honderd jaar oue NG kerkgebou in Wynberg

Daar is 'n pragtige park, Maynardville, wat vernoem is na 'n lid van die Kaapse Parlement, James Maynard, en wat die stadsraad in 1949 aangekoop het. Dit word as openbare park benut en beskik oor 'n opelug-teater waar onder meer jaarliks 'n drama deur William Shakespeare opgevoer word. Dit is ook die tuiste van die Gemeenskapskas se jaarlikse kermis. Nie ver van Maynardville nie, is die geskiedkundige gebou van die NG gemeente Wynberg, asook die Chelsea Village met sy ewe geskiedskundige kothuisies en smal, karaktervolle straatjies.

Wynberg het 'n groot verskeidenheid oudhedewinkeltjies en sy hoofstraat, wat deel is van Hoofweg wat uit die middestad tot in Vishoek loop, is 'n besige sakekern met onder meer die Maynard Mall-inkopiesentrum. Weens sy grootte, huisves Wynberg 'n wye verskeidenheid mense, van die superrykes in die boonste dele naby die berg tot heel gewone werkers aan die Kaapse Vlakte se kant.

Van die skole in die voorstad is onder meer die Laerskool Simon van der Stel en die Hoër Seunskool Wynberg en Hoër Meisieskool Wynberg.

Wynberg was 'n afsonderlike munisipaliteit totdat dit in 1927 by Kaapstad ingelyf is.

Bronne

• Mayhew, Vic (red.), Reader’s Digest Illustrated Guide to Southern Africa, The Reader’s Digest Association South Africa (Pty.) Limited, Kaapstad, 1980.
• Kelly, Maureen, Amptelike Suid-Afrikaanse Munisipale Jaarboek, HELM Publikasies, Johannesburg, 1986.

Sien ook

• Wynberg (kiesafdeling)