Mouillepunt

in Wikipedia, die vrye ensiklopedie
Jump to navigation Jump to search
Mouillepunt
Mouille Point
Mouille Point and Green Point.jpg
Ligging van Mouillepunt op 'n kaart (Kaapstad)
Mouillepunt
Mouillepunt
Koördinate: 33°54′3″S 18°24′10″O / 33.90083°S 18.40278°O / -33.90083; 18.40278Koördinate: 33°54′3″S 18°24′10″O / 33.90083°S 18.40278°O / -33.90083; 18.40278
Land Vlag van Suid-Afrika Suid-Afrika
Provinsie Wes-Kaap
Metropolitaanse Munisipaliteit Stad Kaapstad
Oppervlak
 - Voorstad 0,34 km²  (0,1 vk m)
Hoogte m (16 vt)
Bevolking (2011)
 - Voorstad 1 714
Tydsone SAST (UTC+2)
Poskode Busse: 8005
Strate: Geen
Skakelkode(s) 021

Mouillepunt is ’n welvarende voorstad in Kaapstad. Dit is geleë tussen die V&A Waterfront en Grangerbaai in die ooste, Groenpunt in die suide en die Atlantiese Oseaan in die noorde en weste. Die voorstad omsoom die kuslyn en bestaan hoofsaaklik uit hoë woonstelblokke.

Dit is ’n baie klein voorstad, met slegs twee groot strate, Kusweg en Bayweg. Dit is ook die tuiste van die Mouillepunt-promenade, ’n geplaveide promenade aan die kus wat daagliks deur duisende Kapenaars gebruik word. Daaragter lê die Groenpunt-meent, wat eers uit verskeie sportvelde bestaan het en nou ’n gholfbaan bevat. Die nuwe Groenpunt Stadspark & Biodiversiteitstuin is net agter Mouillepunt en het ’n ingang in Bayweg.

Volgens die 2011-sensus het Mouillepunt ’n bevolking van 1 714 gehad.[1]

Naam[wysig | wysig bron]

Die naam "Mouille" kom van die Franse woord vir ankerplek. In die vroeë 18de eeu het skepe dikwels in Tafelbaai gestrand en die destydse goewerneur het besluit ’n golfbreker (mouille in Frans) is nodig om die skepe wat voor anker lê te beskerm. Bouwerk het in 1743 begin. Alle boere wat goedere na die stad gebring het, moes ’n vrag stene oplaai en na Mouillepunt aanry, waar dit afgelaai is. Slawe en gevangenes is gebruik om die golfbreker te bou, maar ná drie jaar van rowwe waters was nog net 100 m voltooi en die projek is gestaak.

In 1781 het die Franse in die stad aangekom en ’n militêre battery naby die onvoltooide mouille opgerig met die naam Mouillepunt-battery.

Vuurtorings[wysig | wysig bron]

Die ou Mouillepunt-vuurtoring.
Die ou Mouillepunt-vuurtoring.  
Die huidige Groenpunt-vuurtoring.
Die huidige Groenpunt-vuurtoring.  

Die Groenpunt-vuurtoring is in Mouillepunt geleë, maar desondanks het die vragskip SA Seafarer op 1 Julie 1966, tydens ’n woeste winterstorm, tussen Mouillepunt en Drieankerbaai op die rotse geloop. Almal aan boord is gered deur helikopters van die Lugmagbasis Ysterplaat.

Die Mouillepunt-vuurtoring bestaan nie meer nie. Die vuurtoring was aan die oostelike punt van die voorstad, naby Grangerbaai, geleë. ’n Nuwe vuurtoring kan volgens tradisie nie dieselfde naam as ’n oue hê nie en toe ’n nuwe vuurtoring in Mouillepunt opgerig word, is dit die Groenpunt-vuurtoring genoem. Dit is gebruik om die eerste vuurtoringwagters in Suid-Afrika op te lei en word vandag nog as 'n konferensiebestemming gebruik. Dit word ook uitverhuur vir huweliksonthale.[2]

Baie jare lank (omstreeks die 1960's) was daar oorkant die vuurtoring ’n inrypadkafee met die naam "The Doll's House", waarheen Kapenaars gegaan het vir iets te ete of te drinke, dikwels laat saans ná ’n fliek. Etes is op ’n skinkbord voorgesit wat aan die motorruit vasgeknip is.[3] Die kafee was bekend daarvoor dat seemeeue dikwels op die motors se dak gaan sit en kos van die skinkbord af gegaps het.[4]

Galery[wysig | wysig bron]

Mouillepunt, soos van Tafelbaai af gesien.
Mouillepunt, soos van Tafelbaai af gesien.  
Die Groenpunt-vuurtoring met Duiwelspiek op die agtergrond.
Die Groenpunt-vuurtoring met Duiwelspiek op die agtergrond.  
’n Foto van die Groenpunt-meent tydens die Tweede Vryheidsoorlog. Die gebied is gebruik as ’n oorgangskamp vir oorlogsgevangenes wat per skip na verafgeleë eilande gestuur is. Die ou Mouillepunt-vuurtoring kan op die agtergrond gesien word, asook die begin van bouwerk aan die ou Groenpunt-stadion regs onder.
’n Foto van die Groenpunt-meent tydens die Tweede Vryheidsoorlog. Die gebied is gebruik as ’n oorgangskamp vir oorlogsgevangenes wat per skip na verafgeleë eilande gestuur is. Die ou Mouillepunt-vuurtoring kan op die agtergrond gesien word, asook die begin van bouwerk aan die ou Groenpunt-stadion regs onder.  
’n Deel van Mouillepunt, met Vlaeberg en Duiwelspiek op die agtergrond.
’n Deel van Mouillepunt, met Vlaeberg en Duiwelspiek op die agtergrond.  

Verwysings[wysig | wysig bron]

Eksterne skakels[wysig | wysig bron]