Houtbaai

in Wikipedia, die vrye ensiklopedie
Spring na: navigasie, soek
Houtbaai
'n Uitsig oor Houtbaai
'n Uitsig oor Houtbaai
Ligging van Houtbaai op 'n kaart (Wes-Kaap)
Houtbaai
Houtbaai
 Houtbaai se ligging in Wes-Kaap
Koördinate: 34°02′S 18°21′O / 34.033°S 18.350°O / -34.033; 18.350Koördinate: 34°02′S 18°21′O / 34.033°S 18.350°O / -34.033; 18.350
Land Vlag van Suid-Afrika Suid-Afrika
Provinsie Wes-Kaap
Munisipaliteit Stad Kaapstad
Stigting 1681[1]
Regering
 - Raadslid Roberto Quintas (Demokratiese Alliansie)
Oppervlak[2]
 - Dorp 28,38 km²  (11 vk m)
Bevolking (2011)[2]
 - Dorp 17 900
 - Digtheid 631/km² (1 634,3/myl2)
Rasverdeling (2011)[2]
 • Blank 57,4%
 • Indiër/Asiër 0,8%
 • Kleurling 32,3%
 • Swart 6,8%
 • Ander 2,8%
Taal (2011)[2]
 • Engels 59,7%
 • Afrikaans 32,9%
 • Xhosa 1,3%
 • Ander 6,1%
Poskode (strate) 7806
Poskode (posbusse) 7806

Houtbaai is 'n voorstad van Kaapstad geleë in 'n baai 5 km suid van die sentrale sakekern van Kaapstad.

Geskiedenis[wysig | wysig bron]

Houtbaai in die skemerlig, soos gesien vanaf Chapmanspiek
Houtbaai en sy hawe
Panorama van Houtbaai met die Constantiaberg op die agtergrond

Die eerste skriftelike verwysing na Houtbaai is in 1607 toe John Chapman van die Engelse skip Consent daarna verwys het as Chapman's Chaunce (Chaunce is ou Engels vir chance).

Toe die Verenigde Oos-Indiese Kompanjie in 1652 in Tafelbaai geland het, het hulle hout nodig gehad om strukture op te rig (onder andere die eerste fort). Daar was egter nie genoegsame goeie hout in die baai nie en die VOC moes verder weg soek. So het hulle die bos aan die suidekant van Tafelberg ontdek en dit het hulle nie lank geneem om 'n buitepos daar te vestig nie.

Jan van Riebeeck het in sy geskrifte daarna verwys as t' Hout Baaitjen en dit die mooiste bos in die wêreld genoem. Vandag is daar egter nie veel van die bosse oor nie.

Geografie[wysig | wysig bron]

Houtbaai word aan drie kante omring deur berge en dit is net die suide waar dit aan die see grens. In die noorde grens dit aan Oranjekloof wat deel uitmaak van die Tafelberg Nasionale Park. In die noordweste lê die Twaalf Apostels, en in die weste Klein Leeukop, Karbonkelberg, Kaptein's piek en die Sentinel. In die ooste grens dit aan Vlaakenberg, Skoorsteenberg en Constantiaberg.

Daar is drie paaie wat uit Houtbaai lei. Die eerste gaan noordwes langs die Twaalf Apostels verby na Llandudno en Kampsbaai, die tweede gaan in die noordooste tussen Oranjekloof en Vlaakenberg oor Constantianek na Constantia.

Die laaste pad (genaamd Chapmanspiek-rylaan) loop suid teenaan die kus na Noordhoek. Dit is gebou deur gevangenis en amptelik geopen op 6 Mei 1922 deur die goewerneur-generaal Prins Arthur van Connaught. Dit het ongeveer 7 jaar geneem om te bou teen 'n koste van R40 000. Die pad is gereeld gesluit as gevolg van rotsstortings en is in 2004 herbou en omskep in 'n tolpad.

Besienswaardighede[wysig | wysig bron]

  • Die bronsluiperd wat op die rotse staan in Florabaai is aan Houtbaai geskenk deur die plaaslike beeldhouer Ivan Mitford Barbeton. Dit is ter nagedagtenis aan al die luiperds wat in die woude gebly het. Die laaste Kaapse luiperd is in 1930 geskiet.
  • Die ou hawe by Florabaai is die enigste ooblyfselfs van die tyd toe daar mangaan gemyn is tussen 1909 en 1911 teen die hange van Constantiaberg.

Sien ook[wysig | wysig bron]

Verwysings[wysig | wysig bron]

  1. "Hout Bay near Cape Town". southafrica-travel.net. Verkry op 12 Junie 2009. 
  2. 2,0 2,1 2,2 2,3 "Hoofplek Houtbaai". Sensus 2011. 

Eksterne skakels[wysig | wysig bron]


Vlag van Suid-Afrika

Provinsie Wes-Kaap

Hoofstad:

Kaapstad

Streke:

Eden | Kaapse Skiereiland | Kaapse Wynlande | Sentraal Karoo | Overberg | Weskus

Grootste stede en dorpe:

Kaapstad | George | Mosselbaai | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester

Munisipaliteite:

Beaufort-Wes | Bergrivier | Bitou | Breedevallei | Kaap Agulhas | Cederberg | Drakenstein | Eden | George | Hessequa | Kaapstad | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Prins Albert | Saldanhabaai | Sentraal Karoo | Stellenbosch | Swartland | Swellendam | Theewaterskloof | Weskus | Witzenberg