T20I-wêreldbeker 2026
|
Die artikel beskryf ’n sportgebeurtenis wat in die toekoms gaan plaasvind. Die inligting is moontlik spekulatief en kan vinnig verander soos data beskikbaar raak. |
|
- Hierdie artikel handel oor die manskriekettoernooi. Vir die artikel oor die vrouekriekettoernooi, sien T20I-vrouewêreldbeker 2026.
 Kenteken van die T20I-wêreldbeker 2026 | |
| Datums | 7 Februarie – 8 Maart |
|---|---|
| Bestuurder | Internasionale Krieketraad (IKR) |
| Krieketformaat | Twintig20 (T20I) |
| Toernooiformaat | Groep- en uitklopfase |
| Gashere |  Indië Sri Lanka |
| Deelnemers | 20 (87 kwalifiseer) |
| Wedstryde gespeel | 55 |
← 2024 2028 → | |
Die T20I-wêreldbeker 2026 (Engels: 2026 ICC Men's T20 World Cup; Hindi: 2026 पुरुष टी20 विश्व कप; Singalees: 2026 වි20 ක්රිකට් ලෝක කුසලානය; Tamil: 2026 ஐசிசி ஆண்கள் இருபது20 உலகக்கிண்ணம்) sal van 7 Februarie tot 8 Maart 2026 in Indië en Sri Lanka beslis word.[1] Dit sal die tiende T20I-wêreldbekertoernooi in T20I-krieket wees wat deur die Internasionale Krieketraad (IKR) aangebied word en die tweede in beide Indië en Sri Lanka. Indië het voorheen die T20I-wêreldbeker 2016 aangebied, terwyl Sri Lanka die 2012-toernooi gehuisves het. Die medegasheer Indië is ook die verdedigende wêreldkampioen nadat hulle die T20I-wêreldbeker 2024 gewen het.[2]
_(cropped).jpg)
Die toernooi se formaat van 2024 bly onveranderd en 20 krieketspanne sal aan die T20I-wêreldbeker 2026 deelneem: Die twee gashere (Indië en Sri Lanka), die sewe beste spanne van die vorige toernooi (Afghanistan, Australië, Bangladesj, Engeland, Suid-Afrika, die Verenigde State en Wes-Indië), saam met die drie naasbeste spanne op die T20I-ranglys soos op 30 Junie 2024 (Ierland, Nieu-Seeland en Pakistan) en die wenners van die kontinentale kwalifiseringstoernooie.[3] In Junie 2025 het Kanada die Amerikaanse plek bepreek en een maand later het Italië en Nederland as Europese kwalifiseerders gevolg. Aan die begin van Oktober het die Afrikaspanne Namibië en Zimbabwe asook twee weke later Nepal, Oman en die Verenigde Arabiese Emirate in die gesamentlike Asië-Stille-Oseaan-kwalifisering gekwalifiseer. Nadat die Asiatiese en Oos-Asië-Oseanië-kwalifiserings in die Asië-Stille-Oseaan-kwalifisering saamgevoeg is en al drie die plekke deur Asiatiese spanne bespreek is, neem vir die eerste keer agt spanne uit Asië aan ’n internationale kriekettoernooi deel. Italië het vir die eerste keer vir ’n internasionale kriekettoernooi gekwalifiseer en die altesaam vyfde span van Europa geword wat vir ’n IKR-toernooi kon kwalifiseer.
Tydens die T20I-wêreldbeker 2026 sal 55 wedstryde gespeel word, waaronder 40 tydens die eerste rondte, twaalf in die Super Agt, en drie in die uitklopfase, insluitende die eindstryd. Die spanne word in vier groepe van vyf elk verdeel, waarvan elke span een keer teen al die ander spanne in die groep speel. Die twee beste spanne van elke groep kwalifiseer hierna vir die Super Agt, waarvandaan die vier beste spanne vir die halfeindrondte kwalifiseer en die wenners mekaar in die eindstryd ontmoet. Elke wedstryd bestaan uit 20 boulbeurte per span. Die agt beste spanne van die T20I-wêreldbeker 2026 sal saam met die twee gashere van die 2028-toernooi regstreeks vir die volgende T20I-wêreldbeker 2028 in Australië en Nieu-Seeland kwalifiseer.
Toewysing
[wysig | wysig bron]Die T20I-wêreldbeker 2026 is deur die Internasionale Krieketraad in November 2021 aan Indië en Sri Lanka toegewys.[4] Sri Lanka het voorheen die 2012-toernooi gehuisves, terwyl Indië die 2016-toernooi aangebied het.[5] Dit sal egter die eerste keer wees wat albei lande saam as medegashere van ’n T20I-wêreldbekertoernooi optree.[6] Oorspronklik wou Sri Lanka die T20I-wêreldbeker 2026 op sy eie aanbied, maar weens die gebrek aan geskikte stadions het die Internasionale Krieketraad die toernooi aan beide Indië en Sri Lanka toegewys.[7] Saam met die Vrouekrieketwêreldbeker 2025 is dit een van twee vername internasionale kriekettoernooie wat binne ses maande in beide Indië en Sri Lanka beslis word.
Op 19 Desember 2024, ná ’n ooreenkoms tussen die Raad vir Beheer van Krieket in Indië en die Pakistanse Krieketraad het die Internasionale Krieketraad ’n hersiening uitgereik oor die toernooie wat deur Indië en Pakistan aangebied sal word, waarvolgens albei nasionale spanne se wedstryde in mekaar se lande tussen 2024 en 2027 op neutrale plekke gehuisves sal word. Vervolgens sal Pakistan sy wedstryde tydens die T20I-wêreldbeker 2026 in Sri Lanka speel.[8]
Deelnemers
[wysig | wysig bron]Kwalifisering
[wysig | wysig bron]Aan die T20I-wêreldbeker 2026 sal 20 spanne kan deelneem.[9] Die twee gashere Indië en Sri Lanka, die sewe beste spanne van die vorige T20I-wêreldbeker 2024 (Afghanistan, Australië, Bangladesj, Engeland, Suid-Afrika, die Verenigde State en Wes-Indië) en die drie naasbeste spanne op die T20I-ranglys soos op 30 Junie 2024 (Ierland, Nieu-Seeland en Pakistan) het regstreeks vir die T20I-wêreldbeker 2026 gekwalifiseer. Die oorblywende agt plekke is tydens plaaslike kwalifiseringstoernooie bespreek, met aanvanklik twee spanne elk uit Afrika, Asië en Europa, saam met een span elk uit die Amerikas en die Oos-Asië-Oseanië-streek.[10] Op 22 Julie 2024 het die Internasionale Krieketraad egter aangekondig dat die Asiatiese en Oos-Asië-Oseanië-plekke saamgevoeg en een gesamentlike kwalifisering om drie plekke beslis word.[11]
In Junie 2025 het Kanada die Amerikaanse kwalifisering gewen en sodoende vir sy tweede agtereenvolgende T20I-wêreldbekertoernooi gekwalifiseer.[12] Een maand later het Nederlandse nasionale krieketspan en Italië die twee Europese kwalifiserende spanne geword, nadat hulle dié streek se kwalifisering in Julie 2025 onderskeidelik in die eerste en tweede plek afgesluit het. Vir Nederland is dit die sewende toernooideelname, terwyl Italië aan sy eerste internasionale kriekettoernooi ooit deelneem; hulle het in die kwalifisering die meermalige deelnemer Skotland uitgeskakel.[13] Daarbenewens het Italië ná die volle lede Engeland en Ierland, asook die assosiaatlede Nederland en Skotland die vyfde Europese land geword wat vir ’n wêreldbekertoernooi kon kwalifiseer. Aan die begin van Oktober 2025 het Namibië en Zimbabwe die twee Afrikaplekke bespreek.[14] Namibië het vir sy vierde agtereenvolgende toernooi gekwalifiseer, terwyl dit Zimbabwe se sewende toernooideelname is. Daarbenewens is dit ná die 2022-toernooi die tweede T20I-wêreldbekertoernooi waaraan dié twee Suider-Afrikaanse spanne deelneem. Twee weke later het Nepal, Oman en die Verenigde Arabiese Emirate die Asië-Stille-Oseaan-kwalifisering beklink.[15] Die twee Arabiese buurlande Oman en die Verenigde Arabiese Emirate verskyn vir die eerste keer by dieselfde T20I-wêreldbekertoernooi. Gevolglik neem agt Asiatiese spanne aan die T20I-wêreldbeker 2026 deel, een meer as tydens die vorige T20I-wêreldbeker 2024.
Kwalifiserende spanne
[wysig | wysig bron]
Gashere
Agt beste spanne van die 2024-toernooi
Gekwalifiseer deur die IKR se T20I-ranglys
Wenner van die plaaslike kwalifisering
Nie gekwalifiseer nie
Nie deelgeneem nie
| Span | Kwalifiseringmetode | Verskynings by eindstryde | Laaste verskyning | Vorige beste prestasie |
|---|---|---|---|---|
 Indië
|
Gasheer | Tiende | 2024 | Kampioen (2007, 2024) |
 Sri Lanka
|
Tiende | 2024 | Kampioen (2014) | |
 Afghanistan
|
Regstreeks | Agste | 2024 | Halfeindrondte (2024) |
 Australië
|
Tiende | 2024 | Kampioen (2021) | |
 Bangladesj
|
Tiende | 2024 | Tweede rondte (2007, 2014, 2016, 2021, 2022, 2024) | |
 Engeland
|
Tiende | 2024 | Kampioen (2010, 2022) | |
 Suid-Afrika
|
Tiende | 2024 | Naaswenner (2024) | |
 Wes-Indië
|
Tiende | 2024 | Kampioen (2012, 2016) | |
 Verenigde State
|
Tweede | 2024 | Super Agt (2024) | |
 Ierland
|
T20I-ranglys op 30 Junie 2024 |
Negende | 2024 | Tweede rondte (2009, 2022) |
 Nieu-Seeland
|
Tiende | 2024 | Naaswenner (2021) | |
 Pakistan
|
Tiende | 2024 | Kampioen (2009) | |
 Kanada
|
Amerikakwalifisering | Tweede | 2024 | Eerste rondte (2024) |
 Italië
|
Europese kwalifisering | Eerste | – | Debuut |
 Nederland
|
Sewende | 2024 | Tweede rondte (2014, 2022) | |
 Namibië
|
Afrikakwalifisering | Vierde | 2024 | Super Twaalf (2021) |
 Zimbabwe
|
Sewende | 2022 | Super Twaalf (2022) | |
 Nepal
|
Asië-Stille-Oseaan-kwalifisering | Derde | 2024 | Eerste rondte (2014, 2024) |
 Oman
|
Vierde | 2024 | Eerste rondte (2016, 2021, 2024) | |
 Verenigde Arabiese Emirate
|
Derde | 2022 | Eerste rondte (2014, 2022) |
Stadions
[wysig | wysig bron]Op 6 November 2025 het die Internasionale Krieketraad die stadions vir die T20I-wêreldbeker 2026 aangekondig: vyf in Indië en drie in Sri Lanka.[16]
| Indië
| |||
|---|---|---|---|
| Ahmedabad | Chennai | Delhi | Kolkata |
| Narendra Modi-stadion | M. A. Chidambaram-stadion | Feroz Shah Kotla Ground | Eden Gardens |
| 23°5′29″N 72°35′50″O / 23.09139°N 72.59722°O | 13°3′46″N 80°16′46″O / 13.06278°N 80.27944°O | 28°38′16″N 77°14′35″O / 28.63778°N 77.24306°O | 22°33′52.16″N 88°20′35.09″O / 22.5644889°N 88.3430806°O |
| Kapasiteit: 132 000 | Kapasiteit: 39 000 | Kapasiteit: 35 200 | Kapasiteit: 68 000 |
|
|
|
|
| Indië
|
Sri Lanka
| ||
| Mumbai | Colombo | Pallekele | |
| Wankhedestadion | R. Premadasa-stadion | Singalese Sportklub | Pallekele Krieketstadion |
| 18°56′20″N 72°49′33″O / 18.93889°N 72.82583°O | 6°56′23″N 79°52′19″O / 6.93972°N 79.87194°O | 6°54′21.32″N 79°52′9.85″O / 6.9059222°N 79.8694028°O | 7°16′49″N 80°43′20″O / 7.28028°N 80.72222°O |
| Kapasiteit: 33 108 | Kapasiteit: 35 000 | Kapasiteit: 10 000 | Kapasiteit: 35 000 |
|
|
|
|
Formaat
[wysig | wysig bron]Die T20I-wêreldbeker 2026 word oor 30 dae tussen 20 verskillende spanne oor 55 wedstryde beslis. Dit sal op 7 Februarie 2026 op die Singalese Sportklub-krieketveld, Colombo, met die openigswedstryd tussen Nederland en Pakistan begin. Die toernooi sal eindig in óf Ahmedabad óf Colombo op 8 Maart met die eindstryd, waartydens die wenner die T20I-wêreldbekertrofee sal inpalm. Dieselfde formaat is voorheen tydens die T20I-wêreldbeker 2024 gebruik.
Kalender
[wysig | wysig bron]Die volgende tabel dui die T20I-wêreldbeker 2026 se daaglikse program aan. ’n Rooi blokkie dui op beide die openings- en sluitingseremonie, ’n Pers blokkie op wedstryde tydens die eerste rondte, ’n siaan blokkie op die Super Agt, ’n groen blokkie op wedstryde tydens die uitklopfase en ’n geel blokkie op die eindstryd.
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Eerste rondte en Super Agt
[wysig | wysig bron]Die T20I-wêreldbeker 2026 sal deur 20 nasionale krieketspanne beslis word. Die spanne sal in vier groepe van vyf spanne elk verdeel word. Elke span sal een wedstryd teen elk van die ander spanne in dieselfde groep speel, dus sal elke span vier wedstryde in die eerste rondte speel. Twee punte sal vir ’n oorwinning toegeken word, een vir ’n onbesliste wedstryd en geen punte vir ’n nederlaag: spanne wat met dieselfde aantal punte eindig, sal volgens lopietempo, dan boultempo en dan die uitslag van die direkte ontmoeting gerangskik word. Die twee beste spanne van elke groep dring na die Super Agt deur.[17]
In die geval van ’n gelykop (d.w.s. as albei spanne die gelyke aantal lopies aan die einde van hul onderskeidelike kolfbeurt aangeteken het), sal die wedstryd deur ’n Superboulbeurt beslis word. Dit sal van toepassing wees in alle fases van die toernooi.
Die Super Agt sal deur agt spanne in twee groepe van vier spanne elk beslis word, waartydens elke span een wedstryd teen elk van die ander spanne in dieselfde groep sal speel, dus sal elke span drie wedstryde in die Super Agt speel. Die kwalifisering sal gegrond wees op dieselfde kriterias as in die eerste rondte.
Uitklopfase
[wysig | wysig bron]Van die begin van dié fase af sal die toernooi ’n uitklopformaat aanneem wat uit drie wedstryde bestaan: twee halfeindstryde en die eindstryd.[18] Die wenner en naaswenner van elk van die Super Agt-groepe sal na die uitklopfase deurdring. Die groepwenner van albei groepe sal teen die naaswenner van die ander groep in die halfeindstryde speel. Elke wedstryd in die uitklopstadium moet met ’n oorwinning vir een van die spanne eindig. As daar ná albei kolfbeurte ’n gelykopuitslag is, sal die wenner deur ’n Superboulbeurt bepaal word.
2026-effek op 2028-kwalifisering
[wysig | wysig bron]Die agt beste spanne van die 2026-toernooi (saam met die 2028-gashere Australië en Nieu-Seeland) sal regstreeks vir die volgende T20I-wêreldbeker 2028 kwalifiseer.
Wedstryde
[wysig | wysig bron]| Kwalifiseer vir die Super Agt én regstreeks vir die T20I-wêreldbeker 2028. |
| Uit die toernooi geskakel én loop regstreekse kwalifisering vir die T20I-wêreldbeker 2028 mis. |
Die wedstryde word in drie fases opgedeel, naamlik die eerste rondte, die Super Agt en die uitklopfase. Die groepe is op 25 November 2025 bekend gemaak.[19]
Eerste rondte
[wysig | wysig bron]20 spanne sal aan die eerste rondte deelneem. Die twee beste spanne in elke groep sal na die Super Agt deurdring en saam met die medegashere Australië en Nieu-Seeland regstreeks vir die volgende T20I-wêreldbeker 2028 kwalifiseer.
Groep A
[wysig | wysig bron]| Span | Wed | Wen | Ver | Onb | LT | Pte |
|---|---|---|---|---|---|---|
| Indië
|
0 | 0 | 0 | 0 | — | 0 |
| Namibië
|
0 | 0 | 0 | 0 | — | 0 |
| Nederland
|
0 | 0 | 0 | 0 | — | 0 |
| Pakistan
|
0 | 0 | 0 | 0 | — | 0 |
| Verenigde State
|
0 | 0 | 0 | 0 | — | 0 |
Groep B
[wysig | wysig bron]| Span | Wed | Wen | Ver | Onb | LT | Pte |
|---|---|---|---|---|---|---|
| Australië
|
0 | 0 | 0 | 0 | — | 0 |
| Ierland
|
0 | 0 | 0 | 0 | — | 0 |
| Oman
|
0 | 0 | 0 | 0 | — | 0 |
| Sri Lanka
|
0 | 0 | 0 | 0 | — | 0 |
| Zimbabwe
|
0 | 0 | 0 | 0 | — | 0 |
Groep C
[wysig | wysig bron]| Span | Wed | Wen | Ver | Onb | LT | Pte |
|---|---|---|---|---|---|---|
| Bangladesj
|
0 | 0 | 0 | 0 | — | 0 |
| Engeland
|
0 | 0 | 0 | 0 | — | 0 |
| Italië
|
0 | 0 | 0 | 0 | — | 0 |
| Nepal
|
0 | 0 | 0 | 0 | — | 0 |
| Wes-Indië
|
0 | 0 | 0 | 0 | — | 0 |
Groep D
[wysig | wysig bron]| Span | Wed | Wen | Ver | Onb | LT | Pte |
|---|---|---|---|---|---|---|
| Afghanistan
|
0 | 0 | 0 | 0 | — | 0 |
| Kanada
|
0 | 0 | 0 | 0 | — | 0 |
| Nieu-Seeland
|
0 | 0 | 0 | 0 | — | 0 |
| Suid-Afrika
|
0 | 0 | 0 | 0 | — | 0 |
| Verenigde Arabiese Emirate
|
0 | 0 | 0 | 0 | — | 0 |
Super Agt
[wysig | wysig bron]| Kwalifiseer vir die uitklopfase. |
| Uit die toernooi geskakel. |
Agt spanne sal aan die Super Agt deelneem. Die twee beste spanne in elke groep sal na die uitklopfase deurdring.
Groep 1
[wysig | wysig bron]| Span | Wed | Wen | Ver | Onb | LT | Pte |
|---|---|---|---|---|---|---|
| X1 | 0 | 0 | 0 | 0 | — | 0 |
| X2 | 0 | 0 | 0 | 0 | — | 0 |
| X3 | 0 | 0 | 0 | 0 | — | 0 |
| X4 | 0 | 0 | 0 | 0 | — | 0 |
Groep 2
[wysig | wysig bron]| Span | Wed | Wen | Ver | Onb | LT | Pte |
|---|---|---|---|---|---|---|
| Y1 | 0 | 0 | 0 | 0 | — | 0 |
| Y2 | 0 | 0 | 0 | 0 | — | 0 |
| Y3 | 0 | 0 | 0 | 0 | — | 0 |
| Y4 | 0 | 0 | 0 | 0 | — | 0 |
Uitklopfase
[wysig | wysig bron]Die uitklopfase sal bestaan uit twee halfeindstryde, waarvan die twee wenners mekaar in Ahmedabad of Colombo sal ontmoet. Indien Pakistan vir die halfeindstryd en die eindstryd sal kwalifiseer, sal hulle in die eerste halfeindstryd speel, wat soos die eindstryd – soos deur die Internasionale Krieketraad bepaal – op die R. Premadasa-stadion in Colombo beslis sal word. Andersins sal die eerste halfeindstryd op Eden Gardens in Kolkata gehou word en die eindstryd op die Narendra Modi-stadion in Ahmedabad.[20]
| Halfeindrondte | Eindrondte | |||||
| 3 Maart – Kolkata/Colombo | ||||||
| Wenner Groep 1 | ||||||
| Naaswenner Groep 2 | 8 Maart – Ahmedabad/Colombo | |||||
| Wenner Halfeindstryd 1 | ||||||
| 5 Maart – Mumbai | Wenner Halfeindstryd 2 | |||||
| Wenner Groep 2 | ||||||
| Naaswenner Groep 2 | ||||||
Halfeindrondte
[wysig | wysig bron]Eindstryd
[wysig | wysig bron]
| T20I-wêreldkampioen 2026 |
|---|
| Wenner Eindstryd |
Sien ook
[wysig | wysig bron]
Verwysings
[wysig | wysig bron]- ↑ (en) "USA to stage T20 World Cup: 2024–2031 ICC Men's tournament hosts confirmed". Internasionale Krieketraad. 16 November 2021. Besoek op 27 November 2025.
- ↑ (en) Sandip G (29 Junie 2024). "T20 World Cup: India end long title drought after final for the ages against South Africa". The Indian Express. Besoek op 27 November 2025.
- ↑ (en) "How does qualification for the 2026 T20 World Cup work?". Wisden. 7 Junie 2024. Besoek op 27 November 2025.
- ↑ (en) Nagraj Gollapudi (16 November 2021). "USA co-hosts for 2024 T20 WC, Pakistan gets 2025 Champions Trophy, India and Bangladesh 2031 World Cup". ESPNcricinfo. Besoek op 27 November 2025.
- ↑ (en) "BCCI confident of hosting 2021 T20 World Cup in India". ESPNcricinfo. 12 November 2020. Besoek op 27 November 2025.
- ↑ (en) "India to host 2026 T20 World Cup with Sri Lanka, 2031 ODI World Cup with Bangladesh". Deccan Herald. 17 November 2021. Besoek op 27 November 2025.
- ↑ (en) "Sri Lanka abandons project to build a new cricket stadium". The Hindu. 21 Mei 2020. Besoek op 27 November 2025.
- ↑ (en) "Update issued on India and Pakistan hosted matches at ICC events". Internasionale Krieketraad. 19 Desember 2024. Besoek op 27 November 2025.
- ↑ (en) Nagraj Gollapudi (1 Junie 2021). "ICC expands men's world events: ODI WC to 14 teams, T20 WC to 20 teams". ESPNcricinfo. Besoek op 27 November 2025.
- ↑ (en) "Qualification pathway for marquee ICC events confirmed". Internasionale Krieketraad. 10 April 2022. Besoek op 27 November 2025.
- ↑ (en) "ICC confirms review into conduct of T20 World Cup 2024". ESPNcricinfo. 22 Julie 2024. Besoek op 27 November 2025.
- ↑ (en) "Canada become 13th team to qualify for men's T20 World Cup 2026". ESPNcricinfo. 22 Junie 2025. Besoek op 27 November 2025.
- ↑ (en) "Italy make history by qualifying for 2026 T20 World Cup". ESPNcricinfo. 11 Julie 2025. Besoek op 27 November 2025.
- ↑ (en) "Namibia, Zimbabwe qualify for 2026 men's T20 World Cup". ESPNcricinfo. 2 Oktober 2025. Besoek op 27 November 2025.
- ↑ (en) "T20 World Cup: All teams identified for 2026 edition after UAE secure 20th spot". ESPNcricinfo. 16 Oktober 2025. Besoek op 27 November 2025.
- ↑ (en) "ICC shortlists venues for 2026 T20 World Cup in India and Sri Lanka". ESPNcricinfo. 6 November 2025. Besoek op 27 November 2025.
- ↑ (en) "T20 World Cup: India grouped with Pakistan, England with West Indies". ESPNcricinfo. 25 November 2025. Besoek op 27 November 2025.
- ↑ (en) Martin Smith (2 Junie 2021). "ICC announces major changes to World Cup schedule". Krieket Australië. Besoek op 27 November 2025.
- ↑ (en) "Fixtures, groups released for ICC Men's T20 World Cup 2026". Internasionale Krieketraad. 25 November 2025. Besoek op 27 November 2025.
- ↑ (en) Nagraj Gollapudi (9 September 2025). "2026 Men's T20 World Cup likely from February 7 to March 8". ESPNcricinfo. Besoek op 27 November 2025.
Eksterne skakels
[wysig | wysig bron] |
Wikimedia Commons bevat media in verband met T20I-wêreldbeker 2026. |
