Valhalla
- Hierdie artikel handel oor die voorstad in Suid-Afrika. Vir die Noorse mitologiese begrip, sien Walhalla.
Valhalla | |
|---|---|
  Valhalla Valhalla se ligging in Gauteng | |
| Koördinate: 25°48′37.94″S 28°8′59.93″O / 25.8105389°S 28.1499806°O | |
| Land |  Suid-Afrika |
| Provinsie | Gauteng |
| Munisipaliteit | Stad Tshwane |
| Oppervlak | |
| • Totaal | 5,40 km2 (2,08 vk. myl) |
| Bevolking (2011)[1] | |
| • Totaal | 11 530 |
| • Digtheid | 2 135/km2 (5 530/vk. myl) |
| Rasverdeling (2011) | |
| • Wit mense | 76,44% |
| • Indiërs/Asiërs | 4,18% |
| • Bruin mense | 3,61% |
| • Swart mense | 14,90% |
| • Ander | 0,88% |
| Taal (2011) | |
| • Afrikaans | 68,18% |
| • Engels | 22,56% |
| • Noord-Sotho | 1,61% |
| • Suid-Sotho | 1,44% |
| • Ander | 6,21% |
Valhalla is 'n suidwestelike voorstad van Pretoria wat in 'n driehoek uitgelê is rondom 'n oop veld met die strate wat min of meer die vorm van 'n heksagoon aanneem. Dit grens aan die Lugmagbasis Swartkop, 'n militêre basis en die ou Johannesburgpad. Valhalla is op 1 Julie 1964 by die groter Pretoria ingelyf. Later was dit deel van Verwoerdburg en tot die nuwe bedeling van 2000 deel van Centurion se dorpsgebied.
Die naam is afgelei van die Noorse mitologie (sien Walhalla). Die Gereformeerde kerk Wierdapark is in die buurt geleë, asook die plaaslike NG gemeente Valhalla (1960), waarby Valhalla-Suid (1970) ingelyf is. Die Nederduitsch Hervormde Kerk se gemeente Swartkop, wat op 5 November 1972 gestig is en einde 2014 'n sieletal van 1 700 gehad het, sluit benewens Valhalla ook Voortrekkerhoogte, Clubview, Eldoraigne, Wierdapark en enkele ander gebiede in.
Verwysings
[wysig | wysig bron]- ↑ 1,0 1,1 1,2 1,3 "Subplek Valhalla". Sensus 2011.
Bronnelys
[wysig | wysig bron]- (en) Potgieter, D.J. (ed.) 1975. Standard Encyclopaedia of Southern Africa. Cape Town: Nasionale Opvoedkundige Uitgewery (Nasou).
Hierdie Suid-Afrika-verwante artikel is slegs 'n saadjie. U kan ons wikipedia help deur dit uit te brei..svg)