Pretoria-Noord

in Wikipedia, die vrye ensiklopedie
Jump to navigation Jump to search
Pretoria-Noord
Pretoria-Noord is in Gauteng
Pretoria-Noord
Pretoria-Noord
 Pretoria-Noord se ligging in Gauteng
Koördinate: 25°40′40″S 28°10′11″O / 25.67778°S 28.16972°O / -25.67778; 28.16972Koördinate: 25°40′40″S 28°10′11″O / 25.67778°S 28.16972°O / -25.67778; 28.16972
LandVlag van Suid-Afrika Suid-Afrika
ProvinsieGauteng
MunisipaliteitStad Tshwane
Oppervlak
 • Totaal6,16 km2 (2,38 vk. myl)
Bevolking
 (2011)[1]
 • Totaal12 972
 • Digtheid2 106/km2 (5 450/vk. myl)
Rasverdeling (2011)
 • Wit mense70.4%
 • Indiërs/Asiërs0.9%
 • Bruin mense2.1%
 • Swart mense26.0%
 • Ander0.7%
Taal (2011)
 • Afrikaans 69.1%
 • Engels 9.3%
 • Tswana 4.8%
 • Sepedi 4.6%
 • Ander 12.2%
Poskode (strate)
0182
Poskode (posbusse)
0116
Skakelkode012

Pretoria-Noord is 'n voorstad van die stad Pretoria in Gauteng, Suid-Afrika, met 'n bevolking van 12 972 mense volgens die 2011-sensus. Soos die naam aandui, is dit geleë noord van die sentrum van die stad. Dit lê 8 km (5 myl) van Kerkplein, net noord van die Magaliesberg en aangrensend aan Paul Krugerstraat (die M1) en die spoorlyn van Pretoria na Polokwane.

Pretoria-Noord is vir die eerste keer in 1878 gevestig deur 'n groep pionier Afrikanerboere wat langs die verbygaande Apiesrivier begin boer het. Die Gebied het 'n stoppunt geword vir reisigers wat deur die Noorde van Pretoria na die Noord-Transvaal beweeg.

In 1904 is 'n Engelsmedium Laerskool in Pretoria gestig. Dié skool was die voorganger van die huidige Laerskool Danie Malan op die hoeke van Rachel De Beer- en Jan van Riebeeckstraat in Pretoria-Noord. Hierdie skool is al vir meer as 110 jaar 'n anker van die Pretoria-Noord-gemeenskap en is ryk aan geskiedenis en tradisie.

Ander skole in die Pretoria-Noord-gebied sluit in Laerskool Rachel de Beer, Laerskool Voortrekker Eeufees, Hoërskool Gerrit Maritz en Hoërskool Pretoria-Noord. Te oordeel aan die struktuur van die onderwysstelsel in Pretoria-Noord, is dit moontlik om te erken dat Pretoria-Noord 'n primêr Afrikaanssprekende area is. Alle skole in die omgewing is Afrikaansmedium.

Soos die naam aandui, is dit noord van die middestad geleë. Dit lê agt kilometer vanaf Kerkplein, net noord van die Magaliesberge en aangrensend aan Paul Krugerstraat en die spoorlyn van Pretoria na Polokwane. Die Spoorweg wat Pretoria met Polokwane verbind, is tussen 1886 en 1899 deur die Paul Kruger Administrasie aangelê. Die konstruksie is deur die Anglo Boereoorlog ontwrig, maar dit is voor 1910 afgehandel. Die Wonderboomstasie van die spoorlyn was 'n rede waarom die gebied ontwikkel het tot 'n klein dorpie van sy eie, funksioneel verbind met die groter stad Pretoria.

Met vervoer as sy hoofbedryf, het Pretoria-Noord twee motorverkoopgange in die vorm van Rachel De Beerstraat en Gerrit Maritzstraat wat die tuiste van meer as 50 motorhandelaars is. Pretoria-Noord het een van die hoogste konsentrasie motorhandelaars in die land.

Vervoer is die kern van Pretoria-Noord se nywerheidsaktiwiteit. Die area spog met 'n ligte motornywerheidskorridor wat langs Gerrit Maritzstraat geleë is. Glasmakers, paneelkloppers, onderdelevervaardigers en motorwerktuigkundiges kan hier gevind word.

In die hartjie van die Pretoria-Noord sakekern is die North Park winkelsentrum, 'n baie klein en stil winkelsentrum. Die hoofkleinhandelaktiwiteit in Pretoria-Noord vind plaas in die verplaasde kleinhandelsentrum van Shoprite wat op die hoek van Ben Viljoen- en Gerrit Maritzstraat geleë is. Ander sakesentrums sluit in Solomons General Dealers in Gerrit Maritzstraat en Tele Tech in Ben Viljoenstraat.

Die Pretoria-Noord-area is grootliks residensieel met die Rachel De Beer- en Gerrit Maritz-gange langs Ben Viljoenstraat as die sentrale sakekern. Die Stadsbeplanning wat in die ontwerp van Pretoria-Noord ingegaan het, was maar swak, aangesien die gebied nie ruimte gelaat het vir kulturele landmerke en erfenisterreine nie.

Pretoria-Noord verwys soms na die algemene gebied noord van die Stad Pretoria. Hierdie algemene definisie is breed en omvat die Wonderboom-area oos van Lavenderweg en Akasia wes van Daan De Wet Nel-rylaan.

Die Onderstepoortkampus van die Universiteit van Pretoria se Fakulteit Veeartsenykunde, en die Wonderboomlughawe is naby die buurt.

Verwysings[wysig | wysig bron]

  1. 1,0 1,1 1,2 1,3 "Subplek Pretoria-Noord". Sensus 2011.


Pretoria coa.jpg Hierdie artikel omtrent 'n plek in Pretoria en omgewing is slegs ’n saadjie. Jy kan Wikipedia help deur dit uit te brei.