Wêreldrugby

in Wikipedia, die vrye ensiklopedie
Weergawe deur Aliwal2012 (besprekings | bydraes) op 12:29, 7 Oktober 2015 (wikidwergiewerk)
Kenteken van die Internasionale Rugbyraad tot November 2014
Lid- en geassosieerde unies ██ Lid-unies ██ Geassosieerde unies

Wêreldrugby (Engels: World Rugby), tot November 2014 bekend as die Internasionale Rugbyraad (IRR) (Engels: International Rugby Board (IRB)), is die wêreldwye bestuursliggaam wat die reëls van rugby beheer. Die liggaam is in 1886 in die lewe geroep as die Internasionale Rugbyvoetbalraad deur die Skotse, Walliese en Ierse rugbyrade. Die Engelse rugbyraad het aanvanklik geweier om deel te neem, maar het in 1890 een van die eerste nie-stigterslede geword wat aangesluit het.[1][2] Australië, Nieu-Seeland en Suid-Afrika het in 1949 volle lede geword. Frankryk het in 1978 lid geword en 'n verdere tagtig lede het tussen 1987 en 1999 aangesluit. Die raad is in 1998 herdoop tot die Internasionale Rugbyraad en het in November 2014 sy huidige naam aangeneem. Wêreldrugby se hoofkantoor is in Dublin, Ierland.[3] Die amptelike tale is Engels, Frans en Spaans. Wêreldrugby se huidige voorsitter is die Franse rugbyadministrateur Bernard Lapasset.

Wêreldrugby het 100 unies as volle lede en 17 assosiaatlede.[4] Die volle-lede-unies vergader twee keer per jaar en die plaaslike verenigings hou gereelde vergaderings.[3] Die Raad reël van die sport se internasionale kompetisies, met die Rugbywêreldbeker (wat elke vier jaar plaasvind) as die gewildste en winsgewendste toernooi soos blyk uit die £81.8 miljoen bruto inkomste wat tydens die 2003 toernooi geïn is.[5] Hulle organiseer ook die Junior Rugbywêreldbeker vir onder-20-spelers.

Die Raad verskaf ook geld aan die rugbyspanne van kleiner lande, soos die Suidsee-Eilandspanne, wat nie hul eie inkomste kan genereer nie.

Deelnamesyfers

Wêreldrugby se grootste lede, volgens die aantal deelnemers, in 2011:

  1. Vlag van Engeland Engeland (1,99 miljoen)
  2. Vlag van Suid-Afrika Suid-Afrika (651 000)
  3. Vlag van Verenigde State van Amerika Verenigde State (458 000)
  4. Vlag van Frankryk Frankryk (361 000)
  5. Vlag van Australië Australië (297 000)
  6. Vlag van Skotland Skotland (217 000)
  7. Ierse Rugbyvoetbalunie-vlag  Ierland (154 000)
  8. Vlag van Nieu-Seeland Nieu-Seeland (147 000)
  9. Vlag van Argentinië Argentinië (126 000)
  10. Vlag van Japan Japan (122 000)

Verwysings

  1. ↑ (en) Museum of Rugby, Short history of rugby [1], laas nagegaan op 14 Julie 2006
  2. ↑ (en) Dallas RFC, History of Rugby [2], laas nagegaan op 14 Julie 2006
  3. ↑ 3,0 3,1 (en) "Rugby & The Olympic Games". irb.com. Geargiveer vanaf die oorspronklike op 8 Julie 2006. Besoek op 28 Julie 2006.
  4. ↑ (en) "Handbook" (PDF). Wêreldrugby. 2014. pp. 16–10. Besoek op 28 Januarie 2015.
  5. ↑ (en) Rugby Football History, Rugby World Cup History [3], nagegaan op 14 Julie 2006

Eksterne skakels


Rugbywêreldbeker

Australië / Nieu-Seeland 1987 • Engeland / Frankryk / Ierland / Skotland / Wallis 1991 • Suid-Afrika 1995 • Engeland / Frankryk / Ierland / Skotland / Wallis 1999 • Australië 2003 • Frankryk 2007 • Nieu-Seeland 2011 • Engeland / Wallis 2015 • Japan 2019 • Frankryk 2023 • Australië 2027 • Verenigde State 2031

Ontsluit van "https://af.wikipedia.org/w/index.php?title=Wêreldrugby&oldid=1389352"