Skotse nasionale rugbyspan

in Wikipedia, die vrye ensiklopedie
Spring na: navigasie, soek
Skotland
Flag of Scotland.svg
Unie Skotse Rugbyunie
Embleem Dissel
Stadion Murrayfield-stadion, Edinburg
Afrigter(s) Vlag van Nieu-Seeland Vern Cotter
Kaptein(s) Greig Laidlaw
Spankleure


Alt. kleure

Statistiek
Meeste toetse Chris Paterson (109)
Meeste punte Chris Paterson (809)
Meeste drieë Ian Smith
Tony Stanger (24)
Eerste internasionale wedstryd
(ook die wêreld se eerste)
Vlag van Skotland Skotland 1 – 0 Engeland Vlag van Engeland
(27 Maart 1871)
Grootste oorwinning
Vlag van Skotland Skotland 100 – 8 Japan Vlag van Japan
(13 November, 2004)
Grootste nederlaag
Vlag van Skotland Skotland 10 – 68 Suid-Afrika Vlag van Suid-Afrika
(6 Desember 1997)
Wêreldbeker
Verskynings 8 (Eerste in 1987)
Beste uitslag vierde, 1991
Unie webwerf
www.scottishrugby.org

Die Skotse nasionale rugbyspan verteenwoordig Skotland in internasionale rugby. Rugby word in Skotland geadministeer deur die Skotse Rugbyunie. Die Skotse rugbyspan word tans (1 Oktober 2015) as 9de op die IRR wêreldranglys gelys.[1] Skotse spelers is ook verkiesbaar vir die Britse en Ierse Leeus. Die span neem jaarliks aan die Sesnasies-toernooi deel en neem elke vier jaar aan die Rugbywêreldbeker deel sedert die toernooi vir die eerste keer in 1987 gehou is.

Skotse rugby dateer terug na 1871 toe Skotland Engeland in die eerste internasionale rugbywedstryd op Raeburn Place verslaan het. Sedert die voorganger van die Vyf- en Ses-Nasies Kampioenskap, die Tuis-Nasies in 1883 begin is het die span 14 keer gewen – insluitend in die laaste Vyf-Nasies in 1999 – en het nog agt ander kere die titel gedeel. Sedert Italië in 2000 by die kompetisie aangesluit het om die Ses-Nasies te vorm kon Skotland nog nie 'n titel verower nie. Sedert die Rugbywêreldbeker in 1987 ingevoer is, het Skotland aan al vyf toernooie deelgeneem. Skotland se beste uitslag is in 1991 behaal toe die span die uitspeelwedstryd om die derde plek teen die All Blacks verloor het.

Daar is nog altyd strawwe wedywering tussen Skotland en die Britse buurnasie Engeland. Die spanne speel jaarliks as deel van die Ses-Nasies om die Calcuttabeker. In 2006 se roemryke oorwinning het Skotland Engeland met 18-12 verslaan. Engeland het die titel egter aan die begin van 2007 herower. Sedert 1990 kon Skotland egter die ou vyand slegs drie keer klop.

Geskiedenis[wysig | wysig bron]

Begin van die hanteerspel[wysig | wysig bron]

Die Skotse rugbyspan in 1871.

Verskeie nuwe skole is gedurende die eerste helfte van die 19de eeu in Skotland gestig waaronder die Edinburgh Academy (1824), Loretto (1827), Merchiston (1833), Glasgow Academy (1845) en Trinity College, Glenalmond (1847). Dit is bekend dat eenvoudige en kru vorme van voetbal by al hierdie skole gespeel is. Dit was egter by in Edinburgh waar die hanteerspel wortel geskiet het en na die res van Skotland versprei het.

Twee jong mans, Francis Crombie en Alexander Crombie, het in 1854 van Durham School na Edinburgh gekom. Francis het by die Academy aangesluit maar Alexander het reeds sy skoolopleiding voltooi. Blykbaar het nie een van die twee broers by Durham School voetbal gespeel nie, maar hulle het hulle kennis van die reëls soos wat dit by Rugby School gespeel is na Skotland gebring. Francis Crombie was die eerste skoolvoetbalspankaptein en Alexander het aktief betrokke geraak by die stigting van die Edinburgh Academical Football Club. Hy het vir lidmaatskap gekwalifiseer volgens 'n reël wat familie van skoolleerlinge toegelaat het om aan te sluit. In 1858 het hy die eerste kaptein van die voetbalklub geword – 'n posisie wat hy vir agt jaar beklee het.

Omtrent dieselfde tyd het nog 'n seun genaamd Hamilton in 1856 na die High School in Edinburgh van 'n Engelse privaatskool gekom met 'n kopie van die Rules of Rugby Football soos hy dit in die Suide geken het. Dié dokument was instrumenteel in die High School se aanpassing van hulle bestaande spel na die nuwe vorm.

Die eerste gedokumenteerde interskolewedstryd in Skotland was die High School teen Merchiston wat op 13 Februarie 1858 gespeel is. Die wedstryd is egter sonder eenvormige reëls en bal gespeel. Oor verskeie jare het die spel egter die weergawe wat by Rugby gespeel is aanvaar. Daar was verskeie plaaslike weergawes wat noodwendig tot dispute gelei het. Tot laat in die 1870's het slegs die Edinburgh Academy, Merchiston en The High School 'n eenvormige vorm van die spel gespeel. Van die middel-1860's het senior seniorklubs met voormalige leerlinge in beide Edinburgh en Glasgow begin vorm. Die klubs het teen mekaar begin speel deur gebruik te maak van die nuwe riglyne. In die vroeë klubwedstryde is spel gereeld onderbreek sodat kapteins en skeidsregters verskille in die reëls kon besleg.

Die toedrag van sake kon nie vir altyd voortduur nie en 'n stel vergaderings is deur die Edinburgh Academical Football Club gereël en in 1868 het die klub, met die instemming van ander skole en klubs reëls vir die spel in Skotland opgestel en gedruk. Die boekie wat opgestel is, Laws of Football as played by the Principal Clubs in Scotland, het bekend geword as die Groen Boek. Die reëlboekie het nie die woord Rugby in sy titel gebruik nie en die Skotse Voetbalunie wat in 1873 gevorm is het eers in 1924 die Skotse Rugbyunie geword.

Die Skotte vaardig 'n uitdaging uit[wysig | wysig bron]

In Desember 1870, na 'n reeks sokkerwedstryde tussen Engeland en Skotland wat in Londen gespeel en almal deur Engeland gewen is, het 'n groep Skotte 'n uitdagingsbrief in die Scotsman en in Bell's Life in Londen gepubliseer om 'n Engelse twintigtal te stuur om die hanteerspel teen Skotland te speel. Die Engelse kon skaars so 'n uitdaging ignoreer, wat gelei het tot die eerste internasionale rugbywedstryd wat op die krieketveld van Die Edinburgh Academy, Raeburn Place, Edinburg, op Maandag 27 Maart 1871 gespeel is. Die Skotte het die stryd met 'n doel en 'n drie gewen teen die enkele drie wat Engeland aangeteken het. Engeland kon egter die volgende jaar by die Kennington Oval in Londen wraak neem.[2]

Die Calcuttabeker[wysig | wysig bron]

Die Calcuttabeker.

Die Calcuttabeker is in 1878 aan die Rugbyvoetbalunie geskenk deur lede van die kortstondige Calcutta Rugbyklub. Die lede het besluit om die klub te ontbind. Die beker is geskep uit gesmelte silwerroepees wat beskikbaar geraak het toe die klub se fondse uit die bank onttrek is. Die beker is uniek in die sin dat slegs Engeland en Skotland jaarliks daarom kompeteer. Die eerste Calcuttabekerwedstryd is in 1879 gespeel en sedertdien is al meer as 100 wedstryde gespeel.

Die Skotte het in die beginjare van tyd tot tyd sukses behaal en ook in die eerste dekade van die 20ste eeu teen Wallis begin speel. Die span se Triple Crown oorwinning van 1907 sou egter die laaste een wees wat die span vir agtien jaar sou wen aangesien die Eerste Wêreldoorlog (1914–18) en Engeland tussenbeide getree het om hulle van glorie te ontneem.

Rekord[wysig | wysig bron]

Sesnasierekord[wysig | wysig bron]

  Vlag van Engeland Engeland Vlag van Frankryk Frankryk Ierse Rugbyvoetbalunie-vlag  Ierland Vlag van Italië Italië Vlag van Skotland Skotland Vlag van Wallis Wallis
Toernooie 119 86 121 16 121 121
Regstreekse Oorwinnings (Gedeelde Oorwinnings)
Tuisnasies 5 (4) 4 (4) 9 (2) 7 (4)
Vyfnasies 17 (6) 12 (8) 6 (5) 5 (6) 15 (8)
Sesnasies 4 5 3 0 0 4
Algeheel 26 (10) 17 (8) 13 (9) 0 (0) 14 (8) 26 (12)
Grand Slams
Tuisnasies 0 0 0 2
Vyfnasies 11 6 1 3 6
Sesnasies 1 3 1 0 0 3
Algeheel 12 9 2 0 3 11
Driekrone
Tuisnasies 5 2 7 6
Vyfnasies 16 4 3 11
Sesnasies 3 4 0 3
Algeheel 24 10 10 20
Houtlepel
Tuisnasies 11 15 8 8
Vyfnasies 14 17 21 21 12
Sesnasies 0 1 0 10 4 1
Algeheel 25 18 36 10 33 21

Wêreldbekerrekord[wysig | wysig bron]

Jaar Uitslag
1987 Kwarteindstryd
1991 Vierde plek
1995 Kwarteindstryd
1999 Kwarteindstryd
2003 Kwarteindstryd
2007 Kwarteindstryd
2011 Poelfase
2015 Kwarteindstryd

Verwysings[wysig | wysig bron]

  1. (en) World Rugby Rankings”. World Rugby. URL besoek op 1 Oktober 2015.
  2. Biblioteek van die Skotse Rugbyunie

Eksterne skakels[wysig | wysig bron]