Karatsjai-Tsjerkessië
| Republiek van Karatsjai-Tsjerkessië | |
|---|---|
.svg) Ligging van Karatsjai-Tsjerkessië in Rusland |
|
| Land |  Russiese Federasie |
| Russiese naam | Карача́ево-Черке́сская респу́блика |
| Plaaslike naam | Къарачай-Черкес Республика Къэрэшей-Шэрджэс Республикэ |
| Status | Republiek |
| Stigting | 9 Januarie 1957 |
| Federale distrik | Suidelike |
| Ekonomiese streek | Noord-Kaukasiese |
| Hoofstad | Tsjerkessk |
| Oppervlakte | 14 100 km² |
| Rang: oppervlakte | 78 |
| Bevolking | 439 470 (2002) |
| Rang: bevolking | 75 |
| Tale | Russies, Karatsjai-Balkaries, Kabardies, Abaza, Nogai |
| President | Moestafa Batdijef |
| Premier | Alik Kardanof |
| Amptelike webtuiste | www.kchr.info |
| Kentekennommer | 9 |
 Wapen |
 Vlag |
Die Republiek van Karatsjai-Tsjerkessië (Russies: Карача́ево-Черке́сская респу́блика, Karatsjaewo-Tsjerkesskaja Respoeblika; Karatsjai-Balkaries: Къарачай-Черкес Республика; Kabardies: Къэрэшей-Шэрджэс Республикэ) is ’n republiek (’n deelgebied) van Rusland.
Inhoud |
[wysig] Geografie
Die republiek is 14 100 km² groot en grens aan Krasnodar-krai, Kabardino-Balkarië, Stawropol-krai en Georgië. Daar is sowat 130 mere. Van die belangrikste riviere is die Aksaoet, Bolsjaja Laba, Koeban en Koema. Sowat 80% van die landskap is bergagtig. Die hoogste punt is Berg Elbroes, wat 5 642 m hoog is.
Van Karatsjai-Tsjerkessië se belangrikste natuurlike hulpbronne sluit in goud, steenkool en klei.
[wysig] Geskiedenis
Die Karatsjai-Tsjerkessiese Outonome Oblast is op 12 Januarie 1922 gestig. In 1926 is dit opgedeel in die Karatsjai- Outonome Oblast en die Tsjerkessiese Nasionale Distrik. Laasgenoemde se status is in 1928 verhoog tot dié van outonome oblast. In 1943 is die Karatsjai- Outonome Oblast afgeskaf en sy mense na Kazachstan en Oezbekistan verban nadat hulle beskuldig is van samewerking met die Nazi's. Die grootste deel van die streek is verdeel tussen Stawropol-krai en Georgië.
Die oorblywende deel, wat deur Tsjerkessiërs bewoon is, was bekend as die Tsjerkessiese Outonome Oblast tot op 9 Januarie 1957, toe dit weer die Karatsjai-Tsjerkessiese Outonome Oblast met sy vorige grense geword het ná die rehabilitasie van die Karatsjai. Op 3 Julie 1991 is die outonome oblast verhef tot die Outonome Sosialistiese Sowjet-republiek van Karatsjai-Tsjerkessië. Met die verbokkeling van die Sowjetunie in Desember 1992 is die woorde "Outonome Sosialistiese Sowjet-" uit die naam gelaat.
[wysig] Demografie
Volgens die 2002-sensus is die grootste bevolkingsgroep die Karatsjais (38,5%), gevolg deur die Russe (33,6%) en die Tsjerkessiërs (11,3%).
[wysig] Wetenskap
Die republiek is bekend as die tuiste van, toe dit gebou is, die grootste teleskoop ter wêreld, ’n baie groot radioteleskoop (600 meter in deursnee), en die Spesiale Astrofisiese Sterrewag van die Russiese Akademie vir Wetenskap. Albei is geleë aan die oewers van die Zelentsjoek-rivier, tussen die dorpe Zelentsjoekskaja en Archiz.
[wysig] Verwysings
- Hierdie artikel is merendeels vertaal vanaf die Engelse Wikipedia-artikel [1]
