Kaliningrad-oblast
|
|||||
| Litaus: Kaliningrado sritis Pools: Obwód kaliningradzki Duits: Kaliningrader Gebiet |
|||||
 |
|||||
| Amptelike taal | Russies | ||||
| Administratiewe sentrum | Kaliningrad |
||||
| Grootste stad | Kaliningrad | ||||
| Federale distrik | Noordwes-Rusland | ||||
| Ekonomiese gebied | Kaliningrad | ||||
| Stigting | 7 April 1946 | ||||
| Goewerneur | Nikolai Zukanow | ||||
| Oppervlakte - Totaal - % water |
15 125 vk km - |
||||
| Bevolking - 2010 - 2006 (skatting) - Bevolkingsdigtheid |
941 000 950 000 62/vk km |
||||
| Etniese groepe (2002) - Russe - Wit-Russe - Oekraïners - Litauers |
82,4% 5,3% 4,9% 1,5% |
||||
| BGP - Totaal (KKP) - Totaal - BGP per capita (KKP) - BGP per capita - Werkloosheid |
- - - € 3 218 6,2% [1] |
||||
| Geldeenheid | Russiese roebel RUB | ||||
| Tydsone | UTC +3 | ||||
| Skakelkode | +7 (401)xxx | ||||
Die Kaliningrad-oblast (Russies: Калининградская область/Kaliningradskaja oblast) is die mees westelike en ook die kleinste gebied van die Russiese Federasie met 'n oppervlakte van 15 125 vierkante kilometer (0,1% van die totale oppervlakte van die Russiese Federasie) en 'n bevolking van 941 000 (2010). In Rusland word na die gebied vanweë sy beduidende voorkomste aan barnsteen dikwels ook as "Barnsteenland" (Russies Янтарный Край) verwys.
Die administratiewe sentrum van die oblast is Kaliningrad (vroeër Königsberg/Koningsberg). Die gebied behels die noordelike derde van die voormalige Pruisiese provinsie Oos-Pruise (dit wil sê die provinsie se voormalige grondgebied met die uitsondering van die Memelland, Ermland, Masoere en Oberland/Prusy Górne). Dit grens in die noorde aan Litaue en in die suide aan Pole; die kuslyn aan die Oossee strek oor 'n afstand van 140 kilometer. Die gebied is 'n Russiese eksklawe wat naas Pole en Litaue ook deur die grondgebied van Letland en Wit-Rusland van die res van die Russiese Federasie afgesny is. Die belangrikste landverbinding met die Russiese kerngebied loop deur Litaue en Wit-Rusland.
As setel van die Baltiese Vloot speel die gebied 'n beduidende rol vir Rusland. Ongesuiwerde industriële afloopwater uit die oblast skep 'n omgewingsvraagstuk vir die strandmeer Koerse Haf wat gedeeltelik op Litause grondgebied lê.
