Dagestan
| Republiek van Dagestan | |
|---|---|
.svg) Ligging van die Republiek van Dagestan in Rusland |
|
| Land |  Russiese Federasie |
| Russiese naam | Республика Дагестан |
| Status | Republiek |
| Stigting | 20 Januarie 1921 |
| Federale distrik | Noord-Kaukasiese |
| Ekonomiese streek | Noord-Kaukasiese |
| Hoofstad | Machatsjkala |
| Oppervlakte | 50 300 km² |
| Rang: oppervlakte | 52 |
| Bevolking | 2 576 531 (2002) |
| Rang: bevolking | 22 |
| Tale | Russies, Aghul, Avar, Azeri, Tsjetsjnies, Dargwa, Koemik, Lak, Lezgies, Nogai, Rutul, Tabasaran, Tat, Tsakhur[1] |
| President | Moechoe Alijef |
| Premier | Sjamil Zainalof |
| Amptelike webtuiste | www.e-dag.ru |
| Kentekennommer | 5 |
 Wapen |
 Vlag |
Die Republiek van Dagestan (Russies: Респу́блика Дагеста́н, Respoeblika Dagestan) is ’n republiek (’n deelgebied) van Rusland. Dit is die grootste republiek in die Noord-Kaukasus wat grootte en bevolking betref.
Die woord "Dagestan" beteken "land van berge". Dit word in die Arabiese alfabet geskryf as داغستان.
Inhoud |
[wysig] Geografie
Dagestan is in die Noord-Kaukasiese berge geleë. Dit is die mees suidelike gebied van Rusland. Dit is 50 300 km² groot en grens aan Kalmikië, Tsjetsjnië, Stawropol-krai, Azerbeidjan, Georgië en die Kaspiese See.
Die grootste deel bestaan uit berge en die hoogste punt is Berg Bazardjoezi, wat 4 466 meter hoog is. Daar is sowat 1 800 riviere, waarvan die belangrikstes die Soelak, Samoer en Terek is.
[wysig] Demografie
Vanweë die berge wat reis en kommunikasie bemoeilik, is die republiek etnies uiteenlopend. Anders as in die res van Rusland groei die bevolking vinnig. Volgens die 2002-sensus maak Avars, Dargins Tabasaranins en Lezgins 80% van die bevolking uit, Koemiks en Nogai 15% en Russe 4%. Daar is ook talle ander groepe. Ondanks die etniese verskeidenheid is sowat 95% van die bevolking Moslems.
Die taal wat die meeste gepraat word, is Russies, maar meer as 30 plaaslike tale word ook gepraat.
[wysig] Ekonomie
Die volgende sektore word onderskei:
- 24% nywerheid
- 35% landbou
- 26% konstruksie
- 9% handel en dienste
- 5% vervoer en telekommunikasie
- 1% ander
Van die belangrikste produkte wat vervaardig word, is kos, krag, olie, masjiene, chemiese stowwe en instrumente. Vis, wyn, brandewyn en vrugte is van die belangrikste landbouprodukte.
[wysig] Verwysings
- Hierdie artikel is merendeels vertaal vanaf die Engelse Wikipedia-artikel [1]
- ^ Volgens Artikel 11 van die Grondwet van Dagestan is die amptelike tale "Russies en die tale van die volke van Dagestan"
