Krasnodar-krai
| Krasnodar-krai | |
|---|---|
.svg) Die ligging van Krasnodar-krai in Rusland. |
|
| Land |  Russiese Federasie |
| Russiese naam | Краснодарский край |
| Status | Krai |
| Federale distrik | Suidelike |
| Ekonomiese streek | Noord-Kaukasiese |
| Hoofstad | Krasnodar |
| Stigtingsdatum | 13 September 1937 |
| Oppervlakte | 76 000 km² |
| Rang: oppervlakte | 42 |
| Wateroppervlakte | 1,4% |
| Bevolking | 5 125 221 (2002) |
| Rang: bevolking | 3 |
| Taal | Russies |
| Goewerneur | Aleksander Tkatsjof |
| Tydsone | 3 |
| Kentekennommer | 23 |
| Amptelike webtuiste | admkrai.kuban.ru |
 Wapen |
 Vlag |
Krasnodar-krai (Russies: Краснода́рский край, Krasnodarski krai) is ’n deelgebied van Rusland. Dit lê in die Suidelike Federale Distrik en die hoofstad is Krasnodar.
[wysig] Geografie
Krasnodar-krai beslaan die westelike deel van die Voor-Kaukasus en ’n deel van die noordelike hange van die hoof-Kaukasus. Dit grens, regsom vanaf die weste, aan die Oekraïne, waarvan dit geskei word deur die Straat van Kertsj en die See van Azof; Rostof-oblast, Stawropol-krai en Karatsjai-Tsjerkessië, en Georgië se wegbreek-republiek Abchasië. Krasnodar se suidelike grens word gevorm deur Rusland se Swartsee-kus, met die belangrikste hawe (Noworossijsk) en vakansieoord (Sotsji) in dié deel van die land.
Geografies word die krai deur die Koeban-rivier in twee dele verdeel: Die suidelike derde, histories bekend as Circassië, lê in die Submediterreense Krim-woudkompleks-ekostreek. Die noordelike twee derdes lê op die Pontic-steppe. Die grootste meer is die Abraoe in die wynstreek Abraoe-Djoerso.
[wysig] Demografie
Die bevolking (5 125 221 volgens die 2002-sensus) is gekonsentreer in die Koeban-stroomgebied, wat tradisioneel Kosak-land was. Die Koeban-Kosakke word steeds beskou as ’n belangrike minderheid in die streek. Ander etniese groepe sluit in Armeniërs en Oekraïners en talle kleineres. Volgens die 2002-sensus was daar 33 etniese groepe van meer as 2 000 elk en dit maak dit een van die mees veelrassige deelgebiede in Rusland.
[wysig] Verwysings
- Hierdie artikel is merendeels vertaal vanaf die Engelse Wikipedia-artikel [1]
