Altai-krai
| Altai-krai | |
|---|---|
.svg) Die ligging van Altai-krai in Rusland. |
|
| Land |  Russiese Federasie |
| Russiese naam | Алтайский край |
| Status | Krai |
| Federale distrik | Siberiese |
| Ekonomiese streek | Wes-Siberiese |
| Hoofstad | Barnaoel |
| Stigtingsdatum | 28 September 1937 |
| Oppervlakte | 169 100 km² |
| Rang: oppervlakte | 22 |
| Bevolking | 2 607 426 (2002) |
| Rang: bevolking | 20 |
| Taal | Russies |
| Goewerneur | Aleksander Karlin |
| Tydsone | 6 |
| Kentekennommer | 22 |
| Amptelike webtuiste | www.altairegion22.ru |
 Wapen |
 Vlag |
Altai-krai (Russies: Алта́йский край, Altaiski krai) is ’n deelgebied van Rusland. Dit lê in die Siberiese Federale Distrik en die hoofstad is Barnaoel. Die krai grens aan Kazachstan, Nowosibirsk-oblast, Kemerowo-oblast en die Republiek van Altai.
Inhoud |
[wysig] Demografie
Volgens die 2002-sensus maak Russe 92% van die bevolking uit, Duitsers 3% en Oekraïners 2%. Daar is ook ander groepe wat minder as 1% elk uitmaak, soos Kazachs, Tartare, Belarusse en Armeniërs.
[wysig] Geografie
Altai-krai bestaan uit heuwels, graslande, mere, riviere en berge.[1] Die winters is lank en koud en die somer warm en gewoonlik droog. Die grootste rivier is die Ob en die grootste mere die Koeloendinskoje, Koetsjoekskoje en Michailofskoje.[2]
[wysig] Ekonomie
Die krai het groot hoeveelhede ru materiaal, veral boumateriaal, en aansienlike mineraalneerslae soos lood- en ystererts, wolfram, molibdeen en goud. Woude beslaan sowat 60 000 km² van die grondgebied.[2].
Altai-krai is een van Rusland se belangrikste landboustreke. Landerye beslaan sowat 110 000 km² van die streek. Lentekoring, bokwiet, mannakoring, ertjies, gort, hawermout, aartappels en ander groente word verbou. Dis die enigste streek in Siberië waar sonneblomme, sojabone en sekere soorte vrugte groei.
Veeteelt is hoofsaaklik vir die vervaardiging van melk, vleis, kaas en eiers. Dis ook ’n belangrike streek vir skaapboerdery en wolproduksie.
[wysig] Verwysings
- Hierdie artikel is merendeels vertaal vanaf die Engelse Wikipedia-artikel [1]
- ^ "Russian program — Altai". URL besoek op 2006-11-30.
- ^ 2,0 2,1 "Altai Territory". URL besoek op 2006-11-29.
