Nowosibirsk-oblast
| Nowosibirsk-oblast (Новосибирская область) |
|
|---|---|
.svg) Die ligging van Nowosibirsk-oblast in Rusland. |
|
| Land |  Russiese Federasie |
| Russiese naam | Новосибирская область |
| Status | Oblast (provinsie) |
| Federale distrik | Siberiese |
| Ekonomiese streek | Wes-Siberiese |
| Hoofstad | Nowosibirsk |
| Stigtingsdatum | 28 September 1937 |
| Oppervlakte | 178 200 km² |
| Rang: oppervlakte | 18 |
| Wateroppervlakte | 2,9% |
| Bevolking | 2 692 251 (2002) |
| Rang: bevolking | 18 |
| Taal | Russies |
| Goewerneur | Wiktor Tolokonski |
| Tydsone | 6 |
| Kentekennommer | 54 |
| Amptelike webtuiste | www3.adm.nso.ru |
 Wapen |
 Vlag |
Nowosibirsk-oblast (Russies: Новосиби́рская о́бласть, Nowosibirskaja oblast) is ’n oblast (deelgebied) van Rusland. Dit lê in die suidweste van die Siberiese Federale Distrik en die hoofstad is Nowosibirsk.
Inhoud |
Geografie [wysig]
Nowosibirsk-oblast lê in die suidooste van die Wes-Siberiese Laagland, tussen die riviere Ob en Irtisj. Dit grens aan Omsk-oblast in die weste, Tomsk-oblast in die noorde, Kemerowo-oblast in die ooste en Altai-krai en Kazachstan in die suide. Dit strek oor meer as 600 km van oos na wes en 400 km van noord na suid.
Dit bestaan hoofsaaklik uit vlaktes; in die suide kom veral steppe voor en in die noorde woude en moerasse. Daar is baie mere – die grootstes is Tsjani, Sartlan en Oebinskoje.
Natuurlike hulpbronne [wysig]
Die streek het baie olie- en gasreserwes, verskeie metale asook antrasiet en steenkool. Mineraalwater-reserwes is sowat 6 948 kubieke meter per dag; die gewilde Karachinskaya-mineraalwater kom uit dié streek.[1]
Weens die 4 531 800 hektaar woude is hout ook ’n belangrike produk, maar die ekonomiese potensiaal daarvan word belemmer deur die feit dat die meeste van die woude in die noorde lê, in gebiede wat moeilik bereikbaar is.[1]
Demografie [wysig]
Volgens die 2002-sensus bestaan 93% van die bevolking uit Russe. Daar is ook Duitsers (1,8%), Oekraïners (1,3%), Tartare (1%) en ’n paar ander volke wat elk minder as 1% van die bevolking uitmaak.
Die grootste stede is Nowosibirsk (met ’n bevolking van 1 379 000), Berdsk (91 900), Iskitim (63 800) en Koeibisjef (48 500).[1]
Verwysings [wysig]
- Hierdie artikel is merendeels vertaal vanaf die Engelse Wikipedia-artikel [1]
- ↑ 1,0 1,1 1,2 (2008) “Novosibirsk Oblast”, Russia: All Regions Trade & Investment Guide. CTEC Publishing LLC.
