Krasnojarsk-krai
| Krasnojarsk-krai | |
|---|---|
.svg) Die ligging van Krasnojarsk-krai in Rusland. |
|
| Land |  Russiese Federasie |
| Russiese naam | Красноярский край |
| Status | Krai |
| Federale distrik | Siberiese |
| Ekonomiese streek | Oos-Siberiese |
| Hoofstad | Krasnojarsk |
| Stigtingsdatum | 12 Julie 1934 |
| Oppervlakte | 2 339 700 km² |
| Rang: oppervlakte | 2 |
| Wateroppervlakte | 0,8% |
| Bevolking | 2 966 042 (2002) |
| Rang: bevolking | 13 |
| Taal | Russies |
| Goewerneur | Edcham Akboelatof |
| Tydsone | 7 |
| Kentekennommer | 24 |
| Amptelike webtuiste | www.krskstate.ru |
 Wapen |
 Vlag |
Krasnojarsk-krai (Russies: Красноярский край, Krasnojarski krai) is ’n deelgebied van Rusland. Dit lê in die Siberiese Federale Distrik en die hoofstad is Krasnojarsk. Dit is die tweede grootse deelgebied naas Sacha (Jakoetië) en Rusland se grootste krai. Dit beslaan 13% van die land se totale oppervlakte, en is 56 keer so groot soos Nederland en 77 keer so groot soos België.
Inhoud |
[wysig] Geografie
Die krai lê in die middel van Siberië en behoort tot die Siberiese Federale Distrik. Dit strek oor 3 000 km van die Sajan-berge in die suide met die Jenisei-rivier langs tot aan die Taimir-skiereiland in die noorde. Dit grens aan Tjoemen-, Tomsk-, Irkoetsk- en Kemerowo-oblast, Chakassië, Tiwa, Sacha, en die Kara- en Laptef-see van die Noordelike Yssee.
Krasnojarsk-krai lê in die opvanggebied van die Noordelike Yssee en talle riviere vloei daardeur. Daar is ook ’n paar duisend mere, waarvan die grootstes die Beloje, Beljo, Gloebokoje, Itat en Chantaiskoje is.
Die klimaatstoestande verskil grootliks en is Arkties, sub-Arkties en gematig. Die temperature wissel ook baie deur die jaar. In die sentrale en suidelike dele, waar die grootste deel van die krai se bevolking woon, kom lang winters en kort, warm somers voor.
Ysgrond kom algemeen voor, veral in die noorde.
[wysig] Geskiedenis
Krasnojarsk-krai is in 1934 gestig. In 1991 het Chakassië afgestig en ’n republiek binne die Russiese Federasie geword. Op 1 Januarie 2007, ná ’n referendum, het die outonome okroegs Ewenk en Taimir deel van die krai geword.
[wysig] Ekonomie
Meer as 95% van die stede, nywerheid en landbou is in die suide van die krai gekonsentreer.
Die streek is een van die rykstes aan natuurlike hulpbronne. Sowat 80% van die land se nikkel, 75% van die kobalt, 70% van die koper, 16% van die steenkool en 10% van die goud kom van hier, asook 20% van die hout.
[wysig] Verwysings
- Hierdie artikel is merendeels vertaal vanaf die Engelse Wikipedia-artikel [1]
