Stawropol-krai

Stawropol-krai
Die ligging van Stawropol-krai in Rusland.
Land	Russiese Federasie
Russiese naam	Ставропольский край
Status	Krai
Federale distrik	Noord-Kaukasiese
Ekonomiese streek	Noord-Kaukasiese
Hoofstad	Stawropol
Stigtingsdatum	10 Januarie 1934
Oppervlakte	66 500 km²
Rang: oppervlakte	45
Wateroppervlakte	0,6%
Bevolking	2 735 139 (2002)
Rang: bevolking	16
Taal	Russies
Goewerneur	Waleri Gajefski
Tydsone	3
Kentekennommer	26
Amptelike webtuiste	www.stavkray.ru
Wapen	Vlag

Stawropol-krai (Russies: Ставропо́льский край, Stawropolski krai) is ’n deelgebied van Rusland. Dit lê in die Noord-Kaukasiese Federale Distrik en die hoofstad is Stawropol.

Geografie

Die krai beslaan die sentrale deel van die voorgebied van die Kaukasus-gebergte en die grootste deel van die noordelike hange van die berge. Dit grens aan Rostof-oblast, Krasnodar-krai, Kalmikië, Dagestan, Tsjetsjnië, Noord-Ossetië, Kabardino-Balkarië en Karatsjai-Tsjerkessië.

Demografie

Die bevolking was volgens die 2002-sensus 2 735 139 en is gekonsentreer in die stroomgebiede van die Koeban- en die Koema-rivier wat tradisioneel Kosak-land was. Die Koeban-Kosakke word steeds beskou as ’n belangrike minderheid in die streek. Ander groepe sluit in Russe (81,6%), Armeniërs (5,4%), wat hulle sedert die laat 18de eeu hier gevestig het, en nog meer as honderd ander.

Landbou

Besproeide landerye kom wydverspreid voor. Aan die begin van 2001 was daar 3 361 km besproeiingskanale. Van die belangrikstes is:

• Die Newinnomissk-kanaal (Невинномысский канал), die hoofkanaal van die Koeban-Jegorlik-stelsel.
• Die Groot Stawropol-kanaal (Большой Ставропольский канал), wat water uit die Koeban ooswaarts deur die hele krai gelei.
• Die Terek-Koema- en die Koema-Manitsj-kanaal wat water uit die Terek-rivier via die Koema na die Oos-Manitsj-rivier gelei.

Verwysings

Hierdie artikel is merendeels vertaal vanaf die Engelse Wikipedia-artikel [1]