Daniël François Malan

in Wikipedia, die vrye ensiklopedie
Spring na: navigasie, soek
Daniël François Malan
Daniël François Malan

Ampstermyn
4 Junie 1948 – 30 November 1954
Monarg George VI
Elizabeth II
Goewerneur-generaal Gideon Brand van Zyl
E.G. Jansen
Voorafgegaan deur Jan Christian Smuts‎
Opgevolg deur Johannes Gerhardus Strijdom

Minister van Binnelandse Sake, Onderwys en Openbare Gesondheid
Ampstermyn
30 Junie 1924 – 20 Mei 1933
Eerste Minister Barry Hertzog
Voorafgegaan deur Patrick Duncan
Opgevolg deur Jannie Hofmeyr

Persoonlike besonderhede
Geboorte 22 Mei 1874
Riebeek-Wes, Kaapkolonie
Sterfte 7 Februarie 1959 (op 84)
Stellenbosch, Kaapprovinsie, Unie van Suid-Afrika
Politieke party Nasionale Party
Eggenoot/eggenote Maria
Religie Nederduitse Gereformeerde Kerk

Daniël François Malan is op 22 Mei 1874 naby Riebeek-Wes in die Kaapkolonie gebore en was 'n kindervriend van sy lewenslange opponent generaal Jan Christian Smuts en het 'n tyd lank selfs dieselfde skool as Smuts bygewoon. Hy het op 7 Februarie 1959 op Stellenbosch gesterf.

Dr. D.F. Malan was die eerste minister wat in 1948 die Verenigde Party by die stembus verslaan het en begin het met die invoer van die beleid van apartheid.

Predikant[wysig]

Ds. D.F. Malan as jong predikant van die NG gemeente Graaff-Reinet, waar hy leraar was van 1913 tot hy in 1915 redakteur van Die Burger geword het.
Dr. D.F. en mev. Maria Malan woon in 1949 die openingsaand van die eerste Afrikaanse toneelopvoering deur die Nasionale Toneelorganisasie in Kaapstad by saam met genl. Jan Smuts.

Hy het geleer om NG predikant te word aan die Victoria-kollege op Stellenbosch en sy doktorsgraad in diviniteit in 1905 aan die Universiteit van Utrecht in Nederland ontvang vir 'n proefskrif oor die filosofie van biskop Berkeley. Hy was predikant in die NG gemeente op Montagu en NG gemeente Graaff-Reinet en het 'n toer onderneem na die sendingstasies in Rhodesië (die teenswoordige Zimbabwe) en die Belgiese Kongo in 1913, waaroor hy 'n kort boek, Na Congoland, geskryf het. In die "Penguin Dictionary of South African Quotations" word hy as volg aangehaal: "Ek het gevalle waargeneem waarin die kinders van Afrikaner-families so nakend soos kaffers in Kongoland rondhardloop."

Redakteur[wysig]

Malan was 'n vurige ondersteuner van Afrikaner-aspirasies en een van genl. Hertzog se vroegste ondersteuners. In 1915 is hy aangestel as redakteur van Die Burger, toe die koerant die eerste amptelike koerant van die Nasionale Party geword het. Hy is tot die parlement verkies en het gou bekend geraak om sy logiese en kragtige toesprake. Toe Hertzog die mag oorgeneem het in 1924 het hy minister van binnelandse sake geword.

Opposisieleier[wysig]

In 1933 het Malan geweier om Hertzog te ondersteun in die samesmelting van die Nasionale Party met Smuts se Suid-Afrikaanse Party, en het daarna gou gehelp met die oprigting van sy eie Gesuiwerde Nasionale Party, wat van krag tot krag gegaan het tot dit in 1948, weliswaar met 'n minderheid van die populêre steun, die regering van Smuts tot 'n val gebring het. Malan was ook van 1938 tot en met sy uittrede uit die politiek in 1954 Volksraadslid vir Piketberg.

Eerste Minister[wysig]

Malan het die eerste minister en minister van buitelandse sake geword, in welke hoedanigheid hy Londen besoek en deelgeneem het aan die Statebondskonferensie.

In 1954 het hy uit die amp getree en sy laaste jare gewy aan die skryf van 'n verslag van sy werk in diens van die Afrikanerdom en van sy politieke idees. Hierdie boek staan bekend as Afrikaner-Volkseenheid.

Commons
Afrikaner-Volkseenheid kan gelees word by die Afrikaanse Wikisource, by "Afrikaner-Volkseenheid"


Commons-logo.svg
Wikimedia Commons het meer media verwant aan:
Voorafgegaan deur:
Jan Christian Smuts
Eerste Minister van Suid-Afrika
1948–1954
Opgevolg deur:
Johannes Gerhardus Strijdom
Voorafgegaan deur:
Patrick Duncan
Minister van Binnelandse Sake, Onderwys en Openbare Gesondheid
1924–1933
Opgevolg deur:
Jannie Hofmeyr