Kenia Rugbyunie
| Kenia Rugbyunie | |
|---|---|
 Kenteken van die Kenia Rugbyunie
| |
| Engelse naam | Kenya Rugby Union |
| Afkorting | KRU |
| Land |  Kenia
|
| Sportsoorte | Rugby, Sewesrugby |
| Stigting | 1970 |
| Gestig in | Nairobi, Kenia |
| Lid van | Wêreldrugby |
| Aangesluit in | 1988 |
| Vastelandse beheerliggaam | Rugby Afrika |
| Setel | Nairobi, Kenia |
| Amptelike taal | Engels |
| Amptelike webwerf | kru.co.ke |
Die Kenia Rugbyunie (Engels: Kenia Rugby Union, afgekort “KRU”) is die beheerliggaam vir rugby in Kenia. Dit is in 1970 gestig en is verbonde aan Rugby Afrika en die internasionale beheerliggaam Wêreldrugby.[1]
KRU is verantwoordelik vir die bestuur van die Keniaanse nasionale rugbyspan, sowel as plaaslike klub- en skolerugbykompetisies. Die unie deel ’n tuisveld, die RFUEA-veld in Nairobi, met Kenia Harlequins. Die Kenia Rugbyunie hou ook toesig oor Sewesrugby in Kenia en aangesien dit ’n Olimpiese sportsoort is, werk hulle met die Keniaanse Nasionale Olimpiese Komitee saam. Die Kenia Rugbyunie is ’n lid van Rugby Afrika en neem saam met ander opkomende rugbynasies aan die Afrikabeker deel.
Herkoms[wysig | wysig bron]
Die Rugbyvoetbalunie van Kenia (RFU-K) is oorspronklik in Augustus 1921 gestig en het teen 1923 operasioneel geword met die vorming van die eerste Nairobi klubs, Nondescripts RFC en Harlequin RFC. In 1953 het die rugbyunies van Tanganjika en Uganda by die RFU-K aangesluit om die Rugbyvoetbalunie van Oos-Afrika (RFUEA) te word, ter verteenwoordiging van die kolonies van Brits Oos-Afrika.[2] In 1956 is RFU-K ontbind weens meeste distriksunies wat reeds direk aan RFUEA verbind was. In 1970 is die huidige Kenia Rugbyunie in Nairobi gestig.
Verwysings[wysig | wysig bron]
- ↑ (en) "Member Unions". Wêreldrugby. Besoek op 7 April 2021.
- ↑ (en) John Nauright (6 April 2012). Sports around the World: History, Culture, and Practice [4 volumes]: History, Culture, and Practice. ABC-CLIO. pp. 146–. ISBN 978-1-59884-301-9.
Eksterne skakels[wysig | wysig bron]
- (en) Amptelike webwerf
| Nasionale Rugbyunies van Wêreldrugby |
|
Argentinië | Australië | Duitsland | Engeland | Frankryk | Ierland | Italië | Japan | Kenia | Nieu-Seeland | Skotland | Suid-Afrika | Wallis |
| Hierdie artikel is in sy geheel of gedeeltelik vanuit die Engelse Wikipedia vertaal. |
